Բոլոր ժամանակների ամսագրերի լավագույն շապիկները (լուսանկարներ)

Ռուսական Rbc Daily պարբերականը կազմել է  բոլոր ժամանակների լավագույն ամսագրային շապիկների ցանկը, որի «առաջին հորիզոնականները» զբաղեցնում են Harper`s Bazaar և Vogue ամսագրերի՝ Սալվադոր Դալիի սյուրռեալիստական նկարաներով զարդարված շապիկները։

« Սյուրռեալիզմի բազմակողմ հանճարը մեծ ազդեցություն է թողել արվեստի տարբեր ուղղությունների վրա։ Սալվադոր Դալին կարողանում էր ցանկացած պահից, իր կյանքի գրեթե յուրաքանչյուր ժամից լեգենդ ստեղծել։ Իսկ նորաձևության արդյունաբերության հետ նրա կապը բավական շատ հետաքրքիր հայտնագործություններ տվեց։ Նա կեղծ դետալներով զգեստներ էր ուրվագծում՝ տղամարդկանց էրոտիկ պատկերացումներին համապատասխանող կնոջ կերպար ստեղծելու համար, ստեղծում էր արհեստական եղունգներ՝ փոքրիկ հայելիներով, որոնց մեջ կարելի է նայել, ցուցափեղկերի համար թափանցիկ մանեկեններ (դրանց մեջ ջուր էր լցվում և ձկներ էին բաց թողնում՝ արյան շրջանառության իմիտացիա ստեղծելու համար)»,– գրում է պարբերականը՝ հավելելով, որ Դալին իր նկարներով զարդարել է նաև կանանց համար նախատեսված Harper`s Bazaar և Vogue ամսագրերի շապիկներն ու էջերը, որոնք առ այսօր լավագույններից են։

1946թ.Vogue ամսագրի դեկտեմբերյան համարը զարդարել է Դալիի «Ծննդյան տոն» նկարը (ստեղծված նույն այդ թվականին)։

1930–1974թթ. Դալին աշխատել է նորաձևության մի շարք հայտնի ամսագրերի՝ Harper`s Bazaar, Vogue, Playboy–ի համար։ «Նայելով Vogue ամսագրի՝ միստիկայով լի շապիկներին, Playboy –ի շապիկին պատկերված մերկ աղջիկների նկարներին (Դալիի երևեկայությամբ ստեղծված),  Harper's Bazar–ի խորհրդավոր նկարներին, հասկանում ես, որ այս հայտնի ամսագրերի զարգացման պատմության մեջ առանձնահատուկ մի փուլ է եղել՝ Սալվադոր Դալիի ժամանակաշրջան»,– գրում է պարբերականը։

Պարբերականը ընդգծում է, որ տարիների ընթացքում հանճարեղ նկարիչներին փոխարինելու է եկել տաղանդավոր լուսանկարիչների մի ամբողջ համաստեղություն, և առ այսօր բոլոր ժամանակների լավագույն ամսագրային շապիկ է համարվում Rolling Stone ամսագրի դեկտեմբերյան համարի լուսանկարը, որում պատկերված էին լեգենդար երաժիշտ Ջոն Լենոնը և նրա կինը՝ Յոկո Օնոն։
Լուսանկարի հեղինակը հայտնի լուսանկարիչ Անի Լեյբովիցն էր (լուսանկարն արվել է Լենոնի մահվանից ժամեր առաջ՝ 1980թ.)։

Լավագույն է ճանաչվել նաև դերասանուհի Դեմի Մուրի այս մերկ լուսանկարը (լուսանկարն արվել է հղիության վերջին ամիսներին), որի հեղինակը ևս Անի Լեյբովիցն է։

Պարբերականը բոլոր ժամանակների լավագույն ամսագրային շապիկ է ճանաչել նաև  Esquire ամսագրի այն շապիկը, որին լեգենդար բռնցքամարտիկ Մուհամմեդ Ալին է պատկերված։ Լուսանկարն ամսագրի շապիկին հայտնվել էր այն բանից հետո, երբ Ալին հրաժարվել էր համալրել ամերիկյան բանակի շարքը՝ կրոնական համոզմունքներից ելնելով, ինչի հետևանքով որակազրկվել էր ու զրկվել իր կոչումից։ Շապիկին Ալին պատկերված է կրոնական համոզմունքների համար չարչարանքների ենթարկված Սուրբ Սեբաստիանի կերպարում։

Լավագույն է ճանաչվել The New Yorker պարբերականի 2001թ. սեպտեմբերի 24–ի համարի սև շապիկը. որին պատկերված են սեպտեմբերի 11–ի ահաբեկչությունը խորհրդանշող երկու սև ուղղանկյունիներ (Նյու Յորքի երկվորյակ աշտարակները)։

 

Լավագույններից է նաև National Geographic–ի՝ 1985թ. հունիսի համարի շապիկը, որին պատկերված է 12–ամյա մի աֆղանուհի։ Լուսանկարն արվել էր պաղեստինա–աֆղանական սահմանին գտնվող փախստակների ճամբարում։

Սովետական ուղղաթիռները քանդել էին աղջկա տունը, նա կորցրել էր ընտանիքի բոլոր անդամներին, իսկ նախքան ճամբարում հայտնվելը երկու շաբաթ ճանապարհ էր անցել։ 1985 թվականից ի վեր՝ այդ կերպարն օգտագործվել է անգամ դաջվածքների, գորգերի վրա։

Պարբերականը ամենահետաքրքիր շապիկ է ճանաչել նաև GQ ամսագրի ռուսական տարբերակի համարներից մեկի շապիկը (2011թ.), որին պատկերված է դիզայներ Թոմ Ֆորդը՝ մերկ մոդելների ընկերակցությամբ։