Շարմազանովը հավատում է, որ Հայաստանի ֆուտբոլի հավաքականը կարող է հայտնվել աշխարհի առաջնության եզրափակիչում

Ազգային ժողովի փոխնախագահ Էդուարդ Շարմազանովը հավատում է, որ Հայաստանի ֆուտբոլի ազգային հավաքականը նորանշանակ գլխավոր մարզիչ Վարուժան Սուքիասյանի գլխավորությամբ ունի բոլոր հնարավորությունները աշխարհի 2018թ. առաջնության եզրափակիչ փուլում հայտնվելու համար: «Ես հավատում եմ, որ մեր թիմը կարող է հայտնվել աշխարհի առաջնության եզրափակիչ փուլում: Ես բոլորին էլ խորհուրդ եմ տալիս հավաÕ �ալ դրան, այլ ոչ թե մի փոքր պարտությունից հիասթափվել: Ինչպես ասում են՝ պարտությունը որբ է, իսկ հաղթանակը բազում ծնողներ ունի: Երբ մենք հաղթում ենք, բոլորը հաղթանակի տերն են, իսկ երբ պարտվում ենք բոլորը հիշում են միայն գլխավոր մարզչին և ֆեդերացիայի նախագահին: Մենք բոլորս պետք է միասնական լինենք»,-«Արմենպրես»-ի հետ զրույցում նշեց Շարմազանովը:

Նրա խոսքով՝ մարտի 25-ին կայացած Հայաստան-Բելառուս ընկերական հանդիպումը ցույց է տվել, որ Հայաստանն ունի հեռանկարային հավաքական: «Հիմա Եվրոպայում թույլ թիմեր չկան: Սա 1960թվականը չէ, որ 8:0, 7:0 հաշիվներ գրանցվեն: Եթե նայեք, այն ժամանակներում Երևանի «Արարատ»-ը Կիպրոսի թիմին 9:0 հաղթում էր: Այսօր կա նման եվրոպական թիմ, որ նման հաշվով հաղթի: Հիմա նույնիսկ «Ռեալ Մադրիդ»-ը չի կարող Կիպրոսի թիմին 9:0 հաշվով հաղթել: Ֆուտբոլը շատ է զարգացել, թիմերի մակարդակները հավասարվել են: Եվրոպայում թույլ թիմեր չկան, և այդ իմաստով, եթե մենք անգամ չհաÕ �տնվենք աշխարհի առաջնության եզրափակիչ փուլում,  պետք չէ ասել, որ մենք ձախողվել ենք: Մեր խմբում ո՞րն է թույլ թիմ: Սկսած Ղազախստանից՝ բոլորն էլ ուժեղ թիմեր են: Ռումինիա՞ն է թույլ թիմ, թե՞ Լեհաստանը: Չկան թույլ թիմեր: Այսինքն, ամեն ինչ կախված է մեր ֆուտբոլիստների տեխնիկական ֆունկցիոնալ պատրաստվածությունից ու հոգեբանական վիճակից»,- ընդգծեց Էդուարդ 
Շարմազանովը:  

ԱԺ փոխնախագահը խոսեց նաև Հայաստան-Բելառուս ընկերական հանդիպման մասին: «Ես կարծում եմ, որ լավ ու հետաքրքիր խաղ էր: Կարող ենք ասել, որ Վարուժան Սուքիասյանը թիմի խաղում հետաքրքիր նորամուծություններ մտցրեց: Գոռ Մալաքյանը և Դավիթ Մանոյանը շատ լավ խաղացին հենակետային կիսապաշտպանի գոտում: Հետաքրքրիր էր Տիգրան Բարսեղյանի խաղը, ով 10 րոպե խաղաց, բայց երևաց, որ գրագետ ֆուտբոլիստ է: Հարոյանն ու Անդոնյանը շատ լավ խաղացին: Կարևորն այն է, որ շատ կոպիտ սխալներ թույլ չտվեցին: Նաև դարպասապահը լավ խաղաց: Ինձ համար այս խաղում հետաքրքրիր նորամուծուÕ �յուն էր հենակետային կիսապաշտպանի դիրքում Մանոյան-Մալաքյան զույգի համակցումը և դարպասապահի լավ խաղը»,- նշեց Շարմազանովը:

Հարցին՝ Բելառուսի հետ խաղում չի՞ զգացվել Յուրա Մովսիսյանի, Ռոբերտ Արզումանյանի և Գևորգ Կասպարովի բացակայությունը, Էդուարդ Շարմազանովը պատասխանեց. «Ես շատ բարձր եմ գնահատում թե Յուրայի, թե Կասպարովի, թե Ռոբերտ Արզումանյանի ծառայությունները մեր հավաքականին: Սակայն մարզիչն է որոշում՝ ում բերի հավաքական: Եվ նաև մենք ունեցել ենք խաղեր, երբ խաղացել ենք մարտական կազմով և պարտվել ենք տարբեր թիմերի: Այստեղ կարևոր է նոր էջից սկսել: Ես Վարուժան Սուքիասյանին նաև որպես ֆուտբոլիստ եմ շատ լավ հիշում: Վարուժան Սուքիասյանը լավ, գրագետ մարզիչ է: Նա նախկինում էլ մարզել է Հայաստանի հավաքականը: Ես շատ լավ ծանոթ եմ նաև նրա մարդկային որակներին: Այստեղ հոգեբանական խնդիր կա, և ես համոզված եմ, որ Վարուժան Սուքիասյանը կկարողանա մեր թիմին համախմբել, որովհետև նա երկար տարիներ խաղացել է, եղել է «Կոտայք» ակումբի ավագը և շատ լավ գիտի ֆուտբոլիստի հոգեբանությունը: Ես՝ որպես ֆուտբոլից քիչ թե շատ հասկացող մարդ, կարող եմ ասել, որ երեկ մեր թիմի խաղում ձեռագիր կար: Օրինակ, ես չէի սպասում, որ երեկ Սարկիսովը աջ եզրում կխաղար Օզբիլիսի փոխարեն, բայց նա լավ խաղաց: Մանուչարյանը շատ լավ խաղաց առաջ քաշ ված հարձակվողի դիրքում: Մխիթարյանի խաղը հետաքրքրիր էր: Կարևորն այն է, որ խաղի մեջ որակ կար, մնում է, որ տղաները համախմբվեն և նորմալ խաղան»:

Մարտի 25-ին Հայաստանի ֆուտբոլի ազգային հավաքականը Երևանում ընկերական հանդիպում անցկացրեց Բելառուսի ազգային թիմի դեմ: Խաղն ավարտվեց գոլազուրկ ոչ ոքի արդյունքով՝ չնայած որ հատկապես երկրորդ խաղակեսում Հայաստանի հավաքականը մեծ առավելություն ուներ մրցակցի նկատմամբ: Բելառուսի դեմ ընկերական հանդիպումն առաջինն էր Հայաստանի հավաքականի նորանշանակ գլխավոր մարզիչ Վարուժան Սուքիասյանի համար: Նրա գլխավորությամբ Հայաստանի հավաքականը կսկսի նախապատրաստվել ֆուտբոլի 2018թ. աշխարհի առաջնության ընտրական փուլին, որը մեկնարկելու է ընթացիկ տարվա սÕ �պտեմբերին: Հայաստանի հավաքականի հետ նույն խմբում ընդգրկված են Լեհաստանի, Ռումինիայի, Ղազախստանի, Դանիայի և Մոնտենեգրոյի ազգային ընտրանիները: