Կենդանական աշխարհի թունավոր ներկայացուցիչներ` լուսանկարներով

Կենդանական  աշխարհի որոշակի տեսակների  ներկայացուցիչների մեկ խայթոցը  անգամ բավական է այն աշխարհ ուղարկելու համար: Ֆաունայի նման ներկայացուցիչների պաշտպանիչ օրգաններում կամ  հյուսվածքներում այնպիսի նյութեր են պարունակվում, որոնք թունավոր ներազդեցություն են գործում մարդու և այլ կենդանիների օրգանիզմի վրա:

Այդ մահաբեր «զենքով» բնությունը օժտել է որոշ կենդանատեսակների՝ վայրի պայմաններում գոյատևելու համար: Այդ թույնը նրանք, որպես կանոն, օգտագործում են պաշտպանվելու կամ զոհերին որսալու համար:

Թունավոր կենդանիներ ամենից հաճախ հանդիպում են սարդազգիների և օձերի շրջանում:  Այս մասին գրելով`  Bigpicture.ru-ն ներկայացրել է  ստորջրյա աշխարհում և ցամաքում բնակվող թունավոր կենդանիներից 10-ին:

1. Քար-ձուկ

Ստորջրյա աշխարհի այս ներկայացուցիչը համարվում է ամենաթունավոր ձուկը, որը բնակվում է Խաղաղ և Հնդկական օվկիանոսների կորալյան խութերի հարևանությամբ: Թիկնային լողակի 12 թունավոր փշերից մեկի` արյունատար անոթում հայտնվելուց 2-3 ժամ հետո զոհը կարող է մահանալ:

 2. Դեղին կարիճ

Դեղին կարիճները բնակվում են Աֆրիկայի, Արաբական թերակղզու և Մերձավոր Արևելքի տարածքներում: Թույլ առողջություն ունեցող մարդկանց և երեխաների համար դեղին կարիճի խայթոցը մահացու է:

 3. Ջրիմուռներ

Խորանարդավոր ջրիմուռները 20 տեսակ են ներկայացնում, որոնք բնակվում են արևադարձային և մերձարևադարձային ջրերում:  Դրանց հետ հանդիպումը կարող է բավականին վտանգավոր լինել մարդու համար:

 4. Գորտեր

Կենտրոնական և Հարավային Ամերիկաների անձրևային անտառներում բնակվում են այնպիսի գորտեր, որոնք  ուժեղ թույն են արտադրում: Դրանց մաշկը արտադրում է թույնը, որը մարդու մաշկին քսվելիս խոր այրոցներ է առաջացնում:

 5. Կապտաօղակավոր ութոտնուկ

Այս ութոտնուկի չափսերը չեն գերազանցում 12-20 սմ-ը, սակայն այն այնքան թույն է պարունակում, որը բավարար կլինի մի քանի րոպեում 26  չափահաս մարդու սպանելու համար:

 6. Ֆուգու ձուկ

Ճապոնիայում ֆուգուն նրբուտեստ է համարվում և մեծ պահանջարկ է վայելում, սակայն ձկան ներքին օրգաններում  թունավոր նյութի մահաբեր չափաքանակ է պարունակվում: Եթե խոհարարը չհեռացնի բոլոր թունավոր մասերը, այս ուտեստի սիրահարների համար այն վերջին ընթրիքը կդառնա:

 7. Կեռնեխ-ճանճորսներ

Նոր Գվինեայի անտառներում բնակվող այս թռչունների մաշկն ու փետուրները  թունավոր նյութ են պարունակում: Թռչնի օրգանիզմում թույնը հայտնվում է Choresine pulchra բզեզներից, որոնց ուտում են թռչունները:

 8. Բադակտուց

Երկու սեռի երիտասարդ բադակտուցները հետին ոտքերի վրա եղջյուրանման ելուստ ունեն: Էգերի մոտ այն ընկնում է, իսկ արուների մոտ` հասնում 1.2-1.5 սմ-ի: Դրանք բազմացման շրջանում թույն են պարունակում, որը կբավականացնի ոչ խոշոր կենդանու սպանելու համար, իսկ մարդու մոտ կարող է  սուր ցավ առաջացնել: