Արցախի ժողովրդի մարտական ոգին բարձր է, բնակչության շրջանում խուճապ չկա

Արցախի ժողովրդի մարտական ոգին բարձր է, նրանց շրջանում խուճապ չկա: «Արմենպրես»-ի հետ զրույցում ընդգծեց «Արցախպրես»-ի տնօրեն Վահրամ Պողոսյանը: «Ստեփանակերտում ու Ղարաբաղի բոլոր այն բնակավայրերում, որոնք ռազմական գործողությունն երից հեռու են, տիրում է խաղաղ, բնականոն վիճակ: Մենք պատերազմ անցած ժողովուրդ ենք, ու շատ լավ գիտենք` ով է մեր դեմ կռվողը: Մեր ժողովուրդն Ադրբեջանի իշխանության այս հերթական սադրանքից ոչ թե խուճապի է մատնվել, այլ հակառակը` ավելի է միավորվել»,-ասաց նա:

Վահրամ Պողոսյանի տեղեկացմամբ` Արցախյան ազատամարտիկների միություն են դիմել հարյուրավոր, նույնիսկ հազարավոր ազատամարտիկներ, ովքեր պատրաստ են զենք վերցնել և պաշտպանել հայրենիքը զամկետային զինծառայողների կողքին: «Իհարկե, դեռևս դրա անհրաժեշտությունը չկա, պաշտպանական բանակը քաջաբար կատարում է իր առջև դրված առաջադրանքը: Բայց մարդիկ այսօր պատրաստ են հետ բերել այն, ինչ կորցրել ենք պատերազմի ժամանակ»,-նշեց Վահրամ Պողոսյանը:

Ինչ վերաբերում է Ադրբեջանի հերտանակոծությանը մոտ գտնվող շրջաններին, ապա  այնտեղ իրականացվում են անհրաժեշտ միջոցներ խաղաղ բնակչության անվտանգությունն ու պաշտպանությունն ապահովելու համար:

 Ապրիլի 1-ի լույս 2-ի գիշերը և առավոտյան հակառակորդը ղարաբաղա-ադրբեջանական հակամարտ զորքերի շփման գծի ողջ երկայնքով ձեռնարկել էլայնածավալ նախահարձակ գործողություններ, որոնց ընթացքում հրթիռահրետանային արկակոծման են ենթարկվում ոչ միայն հայկական զինուժիպաշտպանական դիրքերը, այլև խաղաղ բնակավայրերը: Ըստ ՊԲ օպերատիվ տվյալների, ադրբեջանական զինուժի կողմից ապրիլի 2-ին` ժամը 08:30-իսահմաններում ,Մարտունու պաշտպանական ուղղությամբ ՄՄ-21 («Գրադ») կայանքից իրականացված հրթիռահրետակոծության հետևանքով սպանվել է2004թ. ծնված Վաղինակ Թաթուլի Գրիգորյանը, ևս երկու երեխա վիրավորվել են: ՊԲ առաջապահ ստորաբաժանումները պաշտպանական հաջող մարտեր ենիրականացնում առաջնային գծի բոլոր ուղղություններով՝ հակառակորդին պատճառելով կենդանի ուժի և զինտեխնիկայի զգալի կորուստներ:

ԼՂՀ պաշտպանության նախարարությունը հայտարարում է ադրբեջանական կողմի նոր ռազմատեխնիկայի ոչնչացման մասին: Առավել թեժ մարտեր են ընթանում արդեն ռազմաճակատի վերածված առաջնային գծի հարավային (Հադրութ) և հյուսիսարևելյան (Մարտակերտ) ուղղություններով: Հաստատված տվյալներով ղարաբաղյան ուժերը մարտագծի հարավարևելյան ճակատում շարքից հանել են 2 տանկ, հյուսիսարևելյան ուղղությամբ՝ 1 տանկ և 1 անօդաչու թռչող սարք: Այս հաղորդագրությունը պատրաստման ընթացքում էր, երբ հայտնի դարձավ, որ ժամը 12:30-ի սահմաններում ՊԲ հակաօդայինների կողմից հարավարևելյան ուղղությամբ խոցվել է թշնամու ևս մեկ ռազմական ուղղաթիռ, իսկ հյուսիսարևելյան ուղղությամբ՝ 1 անօդաչու սարք: Մեկ ուղղաթիռ էլ ոչնչացվել էր ավելի վաղ: