Հայկական գրեթե բոլոր լրատվամիջոցները պատերազմական օրերին ցուցաբերեցին բարձր զսպվածություն եւ պրոֆեսիոնալիզմ
БЛОГԱնդրանիկ Իսպիրյանը Ֆեյսբուքյան իր էջում գրում է.
Ադրբեջանի կողմից իրականացված հարձակմանն ու դրան հաջորդող զարգացումներում բավականին ուշագրավ բաներ տեղի ունեցան։ Տեղի ունեցած թեժ բախումները հայկական լրատվամիջոցների, սոցմեդիայի ու ընդհանրապես հայության համար սթրես տեստի պես բան հանդիսացավ, որը ապահովեց ամենաբարձր արդյունքը։
Հայկական գրեթե բոլոր լրատվամիջոցները պատերազմական օրերին ցուցաբերեցին բարձր զսպվածություն եւ պրոֆեսիոնալիզմ, հայրենասիրական ոգով իրենց ռեպորտաժներն ու պաշտոնական աղբյուրների հիման վրա արված հրապարակումները ամբողջ հայության մոտ ամրապնդեցին Հայոց բանակի ու հայ մարտիկի հանդեպ վստահությունը։
Պետք է շեշտել հայկական լրատվամիջոցներն այս անգամ ինֆորմացիոն ճակատում մեծ առավելությամբ հաղթեցին ադրբեջանական ու թուրքական լրատվամիջոցներին։ Այս գործում կարեւոր դերակատարում ունեցան թուրքերեն բաժին ունեցող հայկական լրատվամիջոցները։ Օրինակ News.am-ի թուրքերեն բաժնի միայն քանի հրապարակումներ ֆեյսբուքում կիսվել են (share) մոտ 5000 թուրքեր ու ադրբեջանցիներ, իսկ այդ հրապարակումների ընթերցվածությունը մի քանի տասնյակ հազարի է հասել։
Այսքանից հետո այս քանի օրվա արտակարգ պայմաններում աշխատող մեր լրատվամիջոցներին, սոցկայքերի ողջախոհ օգտատերերին, Հայոց բանակին ու հայությանը մնում է միայն ասել՝ ՇՆՈՐՀԱԿԱԼՈՒԹՅՈՒՆ։