ՀՀ Առաջին տիկինն Արցախում այցելել է Ադրբեջանի գնդակոծության հետևանքով վիրավորվածներին

 Հայաստանի Հանրապետության Առաջին տիկին Ռիտա Սարգսյանի գլխավորությամբ Երևանից մի խումբ հայ տիկնայք ապրիլի 11-ին այցելել են Արցախ, եղել Ստեփանակերտի կենտրոնական հոսպիտալում, հանրապետական հիվանդանոցում և Ստեփանակերտի «Արևիկ» մանկական բուժմիավորումում: Ինչպես հաղորդում է «Արմենպրես»-ը` վկայակոչելով «Արցախպրես»-ը, նրանք ծÕ �նոթացել են հակառակորդի գնդակոծության հետևանքով վիրավորվածների բուժման ընթացքին:

Այցելության ժամանակ ՀՀ Առաջին տիկին Ռիտա Սարգսյանը Ստեփանակերտի կենտրոնական հոսպիտալում շրջել է բոլոր հիվանդասենյակներով, ծանոթացել նրանց առողջական վիճակին, կարեկցանքի և գոտեպնդման ջերմ խոսքեր ասել զինվորներին:

Ստեփանակերտի կենտրոնական հոսպիտալի պետ Զորի Սաղյանը նշել է, որ հոսպիտալում բուժում ստացող հիվանդների վիճակը բավարար է և որ իրենք էլ արդեն ծանր հիվանդ չունեն: «Համապատասխան բուժում են ստացել բոլոր վիրավորները: Վիրավոր զինվորների տրամադրվածությունը մարտական է: Բուժման կուրսն ավարտելուց հետո նրանք պատրաստակամություն են հայտնել կրկին մեկնելու առաջնագիծ և շարունակելու իրենց պարտքը հայրենիքի նկատմամբ: Ունենք Երևանից գործուղված մասնագետներ, ովքեր առաջին իսկ օրից մեծ բուժօգնություն են ցուցաբերել: Ստեղծվել են բժշկական բրիգադներ, որո նք աշխատում են իրենց մասնագիտական ուղղություններով: Ստեփանակերտի հոսպիտալը բժշկական սարքավորումների և դեղորայքի կարիք չունի»,-ասել է նա:

«Արագիլ» բարեգործական հիմնադրամի աջակից, Կոմիտասի անվան պետական կոնսերվատորիայի հայոց պատմության ուսուցչուհի Ամալյա Կարապետյանն էլ ասել է, որ Արցախում ունի շատ մտերիմ ընկերներ և որ միշտ հպարտացել է արցախցիներով: «Այս օրերին մենք ևս չէինք կարող անտարբեր լինել: Մեր ցանկությունն այն էր, որ գանք ու լինենք Արցախում, որ գոնե մեր ջերմ խոսքով ու ժպիտով սատարենք նրանց: Այնինչ, մեր գեղեցկատես ու արի տղաները իրենք ուժ ու կորով տալիս ու գոտեպնդում մեզ: Իմ այն հարցին, թե ինչի կարիք ունեն նրանք, չկար մեկը, որ որևէ օգնության ցանկություն հայտն եր: Բոլորս էլ հպարտ ենք մեր համախմբվածությամբ ու միասնականությամբ: Այս օրերին, ի հեճուկս թշնամու, Արցախ աշխարհում ծնվել է 30-ից ավելի հայ բալիկ: Ուրեմն, կյանքը շարունակվում է, և Արցախի ապագան միշտ էլ հուսալի ձեռքերում է լինելու»,- նշել է Ա. Կարապետյանը:

Պայմանագրային զինծառայող, Հադրութի շրջանի Ազոխ գյուղի բնակիչ Ռուդոլֆ Գրիգորյանը, ով ևս վիրավորվել էր ադրբեջանական կողմի արձակած կրակից, հատուկ շնորհակալություն է հայտնել բուժանձնակազմին՝ վիրավորների նկատմամբ ցուցաբերած ուշադրության համար և ընդգծել, որ ինքը և մնացած զինվորներն առավել գոտեպնդվել են Առաջին տիկնոջ մարդկային ջերմ ու անկեղծ վերաբերմունքից: «Նա նոր ուժ ու տոկունություն է հաղորդել մեզ՝ խոստանալով, որ չորրորդ երեխան ունենալու դեպքում բնակարան է նվիրելու»,- ասել է Գրիգորյանը:

Թշնամու արկակոծության հետևանքով վիրավորված Մատաղիսի երիտասարդ գյուղապետ Զավեն Ավանեսյանն էլ, իր շնորհակալությունը հայտնելով հանրապետական հիվանդանոցի բուժանձնակազմին, մասնավորապես ասել է. «Ապաքինվելուց հետո պատրաստվում եմ վերադառնալ գյուղ և ներգրավվել համայնքի վերականգնման աշխատանքներին»: