Աստղեր, որոնց չի թույլատրվում միասին նկարահանվել

Style.news.am-ը գրում է.

Երբ Հոլիվուդում քասթինգ է անցկացվում, շատ գործոններ են հաշվի առնվում. Որքա՞ն գեղեցիկ են նայվում տվյալ դերասանները կադրում. նրանք սազո՞ւմ են միմյանց: Արդյո՞ք նրանք միասին նկարահանվելու խնդիր չունեն: Վերջին կետը, միգուցե, տարօրինակ հնչի, բայց Հոլիվուդում քիչ չեն դերասանները, որոնք, այս կամ այն պատճառով, չեն նկարահանվում միեւնույն ֆիլմում կամ նախագծում:

Բերենք մի քանի օրինակ:

Հյու Ջեքման եւ Անջելինա Ջոլի

2015 թ-ին Ջեքմանի կինը` Դեբորա-Լի Ֆյուրինսը, շոուներից մեկի ժամանակ նշեց, որ չի ցանկանա, որ իր ամուսինը, երբեւէ, նկարահանվի Անջելինա Ջոլիի հետ միեւնույն տեսարանում: Նա այդ հայտարարությունից հետո սկսեց ծիծաղել, սակայն ինչպես ասում են` յուրաքանչյուր կատակի մեջ կա ճշմարտություն: Առհասարակ, շատերն են Անջելինա Ջոլիից վախենում: Նրանցից ոմանք, դեռեւս, այն համոզմունքին են, թե Անջելինան «գողացել» է Փիթին Ջեննիֆեր Էնիսթոնից եւ չեն ցանկանում, որ նույնը պատահի նաեւ իրենց ամուսինների հետ:

Ջեննիֆեր Գարներ եւ Սքոթ Ֆոլեյ

Այս երկու հոլիվուդյան աստղերը ժամանակին ամուսիններ են եղել: Այժմ Ֆոլեյն ամուսնացած է դերասանուհի Մարիկա Դոմինչիկի հետ: Շշուկներ են պտտվում, թե նրանց ամուսնական պայմանագրում նշված է, որ դերասանը այլեւս երբեք չպետք է շփվի իր նախկին կանանցից եւ ոչ մեկի հետ: Հետեւաբար Սքոթին եւ Ջեննիֆերին չենք կարողանա տեսնել միեւնույն ֆիլմերում:

Քրիստեն Ստյուարտ եւ Ռուպերտ Սանդերս

«Սպիտակաձյունիկը եւ որսորդը» ֆիլմի նկարահանումների ժամանակ շշուկներ տարածվեցին, թե ֆիլմի ռեժիսոր Ռուպերտ Սանդերսը եւ գլխավոր դերակատար Քրիստեն Ստյուարտը սիրավեպ են սկսել, այն դեպքում, երբ դերասանուհին հանդիպում էր դերասան Ռոբերտ Փաթինսոնի հետ, իսկ ռեժիսորն ամուսնացած էր Մոդել Լայբերթի Ռոզի հետ: Ասում են` մինչ Լայբերթին փորձում էր վերականգնել իր հարաբերությունները Ռուպերտի հետ, նա արգելել է ռեժիսսորին այլեւս միեւնույն հարթակում հայտնվել Ստյուարտի կողքին: Չնայած Լայբերթին եւ Սանդերսը ամուսնալուծվեցին 2014 թ-ին` կարծիք կա, որ ռեժիսորն այլեւ չի աշխատի Ստյուարտի հետ, քանի որ դա հերթական սկանդալի եւ խոսակցությունների առիթ կարող է հանդիսանալ:

Իեն Սոմերհոլդեր եւ Նինա Դոբրեւ

Գաղտնիք չէ, որ «Վամպիրի օրագրերը» հեռուստասերիալի աստղերը հանդիպում էին, մինչեւ որ 2014 թ-ին պարզ դարձավ, որ Իենի կյանքում փոփոխություններ են կատարվել եւ նա հանդիպում է մեկ այլ հայտնի դերասանուհու` Նիկի Ռիդի հետ: Մեկ տարի անց Նինան հայտարարեց, որ այլեւս չի նկարահանվի «Վամպիրի օրագրերը» հեռուստասերիալում: Այդ հայտարարությունից քիչ անց Իենն ու Նիկին տեղեկացրեցին իրենց ամուսնության մասին: Շատերին արդեն պարզ էր, թե ինչով էր պայմանավորված Նինայի` հեռուստասերիլալը լքելու որոշումը: Բացի դա` ասում են` Նիկին արգելում է ամուսնուն լինել այն միջոցառումներին, որտեղ ներկա է նաեւ Դոբրեւը: Իենը, նույնիսկ, չի մասնակցել Teen Choice Awards-ին, որտեղ Էլենայի եւ Դեյմոնի էկրանային համբույրը ճանաչվել էր լավագույնը: Դոբրեւը միայնակ է բարձրացել բեմ եւ ստացել այդ մրցանակը:

Քենդալ Ջեններ եւ Քիմ Քարդաշյան

Իհարկե, տարօրինակ է հնչում` ինչպե՞ս կարող են քույրերը չցանկանալ միմյանց հետ աշխատել: Սակայն իր հարցազրույցներից մեկում Քենդալը նշել է, որ արգելել է Քիմին ներկա գտնվել որեւէ ամսագրի շապիկին իր նկարահանումներին, քանի որ չի ցանկաում, որ իր հայտնի քույրիկի ստվերն, անընդհատ, ուղեկցի իրեն:

«Նման դեպքերում որքան հեռու լինեմ Քարդաշյաններից, այնքան լավ կլինի ինձ համար: Ուզում եմ, որ ինձ ավելի լուրջ ընդունեն եւ կարողանամ ինքնուրույն կառուցել իմ կարիերան»,-ասել է Ջենները: