Այսօրվա ոստիկանությունն անշուշտ էապես տարբերվում է նախորդ տարիների և հատկապես խորհրդային տարիների ոստիկանությունից
БЛОГՌոբերտ Մելքոնյանը Ֆեյսբուքյան իր էջում գրում է.
Այսօր ՀՀ ոստիկանության օրն է…Ուրախությամբ և հպարտությամբ եմ փաստում, որ այսօրվա ոստիկանությունն անշուշտ էապես տարբերվում է նախորդ տարիների և հատկապես խորհրդային տարիների ոստիկանությունից: Այն ավելի տեսանելի է, ավելի արդիական, ավելի հանդուրժող և իմ կարծիքով ավելի գրագետ ու պատրաստված:
Դա իհարկե նաև իմ կողմից շատ հարգված և ոստիկանության հեղինակության, նրա դերի բարձրացման գործում մեծ ներդրում ունեցած ՀՀ ոստիկանապետ Վլադիմիր Գասպարյանի հետևողական աշխատանքի և ուշադրության արդյունքն է:
Սրտանց շնորհավորում եմ համակարգում աշխատող և պահեստազորում հայտնված իմ սիրելի ու հարգարժան բարեկամների տոնը…Շնորհավորում եմ և հաջողություններ մաղթում…
Բարդ աշխատանք է, նաև անշնորհակալ, դժվար, վտանգավոր, սակայն միևնույն ժամանակ անհրաժեշտ ու պատվաբեր: Բարեկամներս, կատարելով ձեր պարտականությունները առաջնորդվեք օրենքի պահանջներով, միշտ <<զրուցեք>> ձեր խղճի հետ և եղեք նվիրված Հայրենիքին ու ժողովրդին…Բարեմաղթանքներս ձեզ` բոլորիդ…
ՇՆՈՐՀԱՎՈՐ ՏՈՆԴ, ՈՍՏԻԿԱՆ….