Հայ մարզիկները, շարունակելով հայ զինվորի գործը, 2016թ. ապրիլը դարձրեցին հաղթական ամիս
БЛОГԳաբրիել Ղազարյանը Ֆեյսբուքյան իր էջում գրում է.
Այս գիշեր Զվարթնոց օդանավակայանում էի, որտեղ դիմավորում էի Նորվեգիայից Երևան վերադարձող Հայաստանի ծանրամարտի հաղթական հավաքականին: Եվրոպայի այս առաջնությանը մեր մարզիկների մասնակցությունն, ապրիլյան իրադարձությունների համատեքստում, առանձնահատուկ նշանակություն ուներ բոլորիս համար: Հայ զինվորը հայրենիքը պաշտպանում է սահմանին, հայ մարզիկը՝ մրցահարթակում: Եվ ես պատահական չեմ համարում այս օրերին Նորվեգիայում նվաճած 3 ոսկե, 2 արծաթե և 1 բրոնզե մեդալները, իսկ այն հանգամանքը, որ մեր հավաքականը մեդալների քանակով դարձավ առաջնության բացարձակ առաջատար, համարում եմ հայ մարզիկների արժանի պատասխանը մեր ռազմատենչ հարևաններին:
Նույն օրերին Թուրքիայում ընթանում էր բռնցքամարտի վարկանիշային մրցաշար, որտեղ նույնպես մերոնք շատ լավ են հանդես եկել՝ նվաճելով օլիմպիական չորս ուղեգիր: Ամառային օլիմպիական խաղերի մայրաքաղաքից երկու ուղեգիր բերում են մեր մարմնամարզիկները: Սերբիայում մեկ ուղեգիր էլ նվաճել է ազատ ոճի ըմբիշ Գառնիկ Մնացականյանը:
Փառք ու պատիվ մեր բոլոր մարզիկներին, ովքեր շարունակելով հայ զինվորի գործը, 2016 թվականի ապրիլն իսկապես դարձրեցին հաղթական ամիս և մեկ անգամ ևս ապացուցեցին, որ հայ ժողովուրդն իր ոգու ամրության, կամքի և հզորության շնորհիվ ողջ աշխարհին ապացուցում է, որ իր բազմադարյա պատմությունը հավերժ է և դեռ երկար է շարունակվելու՝ ի հեճուկս բազմաթիվ թշնամիների: