Եվրոպայի փոստային օպերատորները Երևանում քննարկում են էլեկտրոնային առևտրի բարելավման ուղիները

Եվրոպական փոստային օպերատորները Երևանում անցկացվող «PostEurop»-ի տարեկան համաժողովի ընթացքում քննարկում են էլեկտրոնային առևտրի ու կառավարման արդյունավետության բարձրացման հարցեր: 

«Արմենպրես»-ի փոխանցմամբ` լրագրողների հետ ճեպազրույցում Համաշխարհային փոստային միության գլխավոր տնօրեն Բիշար Հուսեյնընշեց, որ աշխարհում ամենազարգացած ու տարածված փոստային ենթակառուցվածքը կարող է բարձրակարգ լոգիստիկ ծառայություն ապահովել առցանց առևտրի և հատկապես ապրանքների առաքման համար: «Տեխնոլոգիաները բացել են սահմանները, և այսօր ամբողջ աշխարհի հետ կարելի է հաղորդակցվել ցանկացած սարքի միջոցով վայրկյանների ընթացքում: Այն տեխնոլոգիաները, որոնք հսկայական հորիզոններ են բացել մեզ համար սոցիալակաÕ ¶ շփման դաշտում, նույն հնարավորություններն են ընձեռել էլեկտրոնային առևտրի առումով, որն ամբողջ աշխարհում դինամիկ զարգացում է ապրում: Այս թեման ռազմավարական ուղղություններից մեկն է, որը սեպտեմբերին կայանալիք Համաշխարհային փոստային միության կոնգրեսի ընթացքում քննարկելու ենք: Այն տրիլիոն դոլար արժողությամբ բիզնես է»,-ասաց Բիշար Հուսեյնը:

Եվրոպայի հանրային փոստային օպերատորների ասոցիացիայի՝ «PostEurop»-ի կառավարման խորհրդի ղեկավար Ժան-Փոլ Ֆորսևիլն էլ հայտնեց, որ փոստային կազմակերպություններն իրենց երկրի մասշտաբով ցանկանում են դառնալ էլեկտրոնային առևտրի օպերատորներ, ինչի համար պետք է բարելավեն իրենց ծառայությունները` մասնավորապես հետևելով ապրանքների ապահով առաքմանն ու վերադարձվող ապրանքների հետ կապված խնդիրներին: «Երկրները նաև մեծ հետաքրքրություն ունեն տարբեր երկրների միջև առևտուրը զարգացնելու հարցում: Արդե ն իսկ Եվրամիության անդամ 30 փոստային կազմակերպություններ միասին ստեղծել են փոստային կառույցներ, որ հետևեն անդրսահմանային առևտրին: Ծրագիրը զարգանալու և ընդլայնվելու միտում ունի, քանի որ «PostEurop»-ին անդամակցում են 52 երկրի կազմակերպություններ»,-ասաց Ֆորսևիլը:

Նա հավելեց, որ անցկացվող համաժողովի ընթացքում տեղի կունենա բիզնես ֆորում` միտված էլեկտրոնային առևտրին առնչվող հարցերի քննարկմանը: «Փորձի փոխանակում կլինի, որպեսզի ուղիներ փնտրենք ոլորտի բարելավման համար»,-ավելացրեց եվրոպացի պաշտոնյան:

«ՀայՓոստ» ՓԲԸ հավատարմագրային կառավարիչ, ընկերության դիտորդ խորհրդի նախագահ Խուան Պաբլո Գեչիջյանն էլ նկատեց, որ իրենց կազմակերպությունն արդեն 8 ամիս է, ինչ գործարկել է էլեկտրոնային առևտրի ծառայությունը: «Այն շատ նորարարական ծառայություն է, որն այսօր ներկայացվելու է մեր կոլեգաներին:  Այդ ծառայությունը հաճախորդներին թույլ է տալիս էլեկտրոնային առևտուր իրականացնել Ամերիկայում ու ստանալ իրենց ապրանքները շատ արագ ու մատչելի ձևով»,-նշեց Գեչիջյանը: Նրա խոսքով` ծառայությունը հնարավորություն է տվել հայաստանաբնա կներին ազատորեն օգտվել համաշխարհային ճանաչում ունեցող համացանցային առևտուր իրականացնող կայքերից, որոնք նախկինում «Հայաստանը» որպես հասցե մեծամասամբ չէին ճանաչում: