Ինչ հարցեր են դատարանի դահլիճում տվել մեղադրյալին. Պերմյակովն ասել է, որ խղճում է Ավետիսյանների հարազատներին

Գյումրիում Ավետիսյանների ընտանիքի յոթ անդամների սպանության մեջ մեղադրվող Վալերի Պերմյակովի գործով դատական նիստին ամբաստանյալին հարցեր են ուղղել դատավորը, տուժողների իրավահաջորդների շահերի պաշտպանները և Պերմյակովի դատապաշտպանը:

«Արմենպրես»-ի թղթակիցը դատարանի դահլիճից ներկայացնում է տուժողների իրավահաջորդների փաստաբաններ Լուսինե Սահակյանի և Երեմ Սարգսյանի հարցերն ու դրանց Պերմյակովի տված պատասխանները:

-Հոգեբանական ինչպիսի՞ վիճակում ես:

-Նորմալ:

-«Օդնոկլասսնիկ»-ի սոցցանցի էջը քոնն է:

-Այո:

-Գրառումները նույնպե՞ս:

-Հնարավոր է նաև ուրիշն է արել:

-Ինչ-որ մեկին ապացուցելու բան ունե՞ս:

-Ոչ մեկին ոչ մի բան չունեմ ապացուցելու:

-Սպանվածների հարզատներին ասելիք ունե՞ս:

-Ասելու ոչ մի բան չունեմ:

-Մարդկանց խղճո՞ւմ ես:

-Այո:

-Ո՞ւմ ես հիմա խղճում:

-Ավետիսյանների հարազատներին:

-Գիտակցո՞ւմ ես, որ դուք եք նրանց այդ վիճակում դրել:

-Այո:

-Եթե հիմա քեզ այստեղից ազատ արձակեին, ի՞նչ կանեիր:

-Ես կասեի... բայց չեմ ասի:

-Եթե որևէ մեկը քեզ ասեր, որ ինչ-որ մեկը յոթ անձի է սպանել, ինչ կասեիր:

-Ես կասեի, որ խելագար է: Բայց պարկերացրեք ես այդպիսին չեմ:

-Զղջո՞ւմ ես:

-Այո ու դա չեմ ասում զուտ ասելու համար:

-Սատանիստական խմբավորման պատկանո՞ւմ ես:

-Ոչ:

-Ինչո՞ւ ես քմծիծաղ տալիս:

-Հարցն է ծիծաղելի:

-Դու գրառում ունես սատանայի նամակի հետ կապված:

-Գրառումն իմը չէ:

Հարցեր ուղղեցին նաև դատապաշտպան Էդուարդ Աղաջանյանը և դատավոր Հարություն Մովսիսյանը, դատական նիստում եզրափակվեց հարցեր ուղղելու փուլը:

Ավետիսյանների ընտանիքի 6 անդամների սպանությունը տեղի է ունեցել 2015 թվականի հունվարի 12-ին՝ վաղ առավոտյան, ժամը 06:00-ի սահմաններում, նրանց մահը վրա է հասել հրազենային վնասվածքներից։ Ավետիսյանների ընտանիքից ողջ էր մնացել 6 ամսական փոքրիկը՝ Սերյոժա Արմենի Ավետիսյանը, ովկտրող-ծակող գործիքից ստացած վնասվածքներով տեղափոխվել էր բժշկական կենտրոն, այնուհետև` յոթ օր հետո մահացել: Կասկածյալին ռուսսահմանապահները հայտնաբերել են հայ-թուրքական սահմանը հատելու փորձ կատարելիս եւ հանձնել 102-րդ ռուսական բազայի հրամանատարությանը:

Քրեական գործը հարուցվել է ՀՀ քրեական օրենսգրքի 104-րդ հոդվածի 2-րդ մասի 1-ին կետով (երկու և ավելի անձանց սպանությունը): Վալերի Պերմյակովինքրեական գործով որպես մեղադրյալ ներգրավելու մասին, և ՀՀ քննչական կոմիտեի քննիչները Վալերի Պերմյակովին  մեղադրանք են առաջադրել ՀայաստանիՀանրապետության քրեական օրենսգրքի 104-րդ հոդվածի 2-րդ մասի 1-ին կետով՝ երկու եւ ավելի անձանց դիտավորյալ սպանության համար: ՎալերիՊերմյակովն ընդունել է առաջադրված մեղադրանքը: Ռուսական կողմում հարուցված քրեական գործով Պերմյակովը դասալքության եւ զենքի ապօրինի կրման համար օգոստոսի 12-ին դատապարտվել է 10 տարվա ազատազրկման: