Վալերի Պերմյակովի գործով հաջորդ դատական նիստը նշանակվեց մայիսի 27-ին

ОБЩЕСТВО 13 Май, 2016 22:05

Ավետիսյանների ընտանիքի անդամների սպանության մեջ մեղադրվող Վալերի Պերմյակովի գործով հաջորդ դատական նիստը նշանակվեց մայիսը 27-ին:

Դատարանը մայիսի 13-ին կայացած նիստի ընթացքում բավարարեց Ավետիսյանների իրավահաջորդների շահերի պաշտպան, փաստաբան Լուսինե Սահակյանի միջնորդությունը՝ հաջորդ դատական նիստը 2 շաբաթով հետաձգելու վերաբերյալ՝ հաշվի առնելով այն հանգամանքը, որ նախապատրաստվում է միջնորդություն, որը բավական երկար ժամանակ է պահանջում:

Ինչպես տեղեկացրեց Լուսինե Սահակյանից, չնայած գործի հանգամանքերից ելնելով միջնորդության մասին դեռ վաղ է խոսել, սակայն փաստաբանը փաստեց, որ խոսքը վերաբերում է քաղհայցով դատարանին դիմելու միջնորդությանը:

Նիստի ընթացքում դատարանը մերժեց փաստաբան, Ավետիսյանների իրավահաջորդների շահերի պաշտպան Արայիկ Զալյանի միջնորդությունը Ավետիսյանների 5 հարևանների դատակոչելու վերաբերյալ՝ նշելով, որ նրանք գործով չեն հարցաքննվել: Սակայն դատարանն այս միջնորդությունը մերժեց, փոխարենը բավարարեց փաստաբան Միհրան Պողոսյանի՝ 102-րդ ռազմաբազայի ծառայող Աշոտ Կարապետյանին դատակոչելու միջնորդությունը: Ըստ փաստաբանի Աշոտ Կարապետյանը եղել է այն անձը, ով ոչ միայն մասնակցել է Պերմյակովի հետախուզման գործընթացին, այլ նաև առաջիններից է դեպքից հետո տեսել Պեր մյակովին: Դատարանը, կարևոր համարելով վկայի ցուցմունքը, բավարերեց այն: Նիստին միջնորդությամբ հանդես եկավ նաև պաշտպանական կողմը՝ պաշտպան Էդուրադ Աղաջանյանը դիմեց դատարանին գործով որոշ իրեղեն ապացույցներ, գործից դուրս բերելու միջնորդությամբ: Դատավոր Հարություն Մովսիսյանն առաջարկեց այդ միջնորդությունը քննարկել խորհրդակցական սենյակում:

Ավետիսյանների ընտանիքի 6 անդամների սպանությունը տեղի է ունեցել 2015 թվականի հունվարի 12-ին՝ վաղ առավոտյան, ժամը 06:00-ի սահմաններում, նրանց մահը վրա է հասել հրազենային վնասվածքներից։ Ավետիսյանների ընտանիքից ողջ էր մնացել 6 ամսական փոքրիկը՝ Սերյոժա Արմենի Ավետիսյանը, ով կտրող-ծակող գործիքից ստացած վնասվածքներով տեղափոխվել էր բժշկական կենտրոն, այնուհետև` յոթ օր հետո մահացել: Կասկածյալին ռուս սահմանապահները հայտնաբերել են հայ-թուրքական սահմանը հատելու փորձ կատարելիս եւ հանձնել 102-րդ ռուսական բազայի հրամանատարությանը:

Քրեական գործը հարուցվել է ՀՀ քրեական օրենսգրքի 104-րդ հոդվածի 2-րդ մասի 1-ին կետով (երկու և ավելի անձանց սպանությունը): Վալերի Պերմյակովին քրեական գործով որպես մեղադրյալ ներգրավելու մասին, և ՀՀ քննչական կոմիտեի քննիչները Վալերի Պերմյակովին մեղադրանք են առաջադրել Հայաստանի Հանրապետության քրեական օրենսգրքի 104-րդ հոդվածի 2-րդ մասի 1-ին կետով՝ երկու եւ ավելի անձանց դիտավորյալ սպանության համար: Վալերի Պերմյակովն ընդունել է առաջադրված մեղադրանքը: Ռուսական կողմում հարուցված քրեական գործով Պերմյակովը դասալքության եւ զենքի ապօրինի կրման համար օգոստոսի 12-ին դատապարտվել է 10 տարվա ազատազրկման: