Պատգամավորը նախագահների հանդիպումը հուսադրող է համարում

Ազգային ժողովի ՀՀԿ խմբակցության պատգամավոր Խոսրով Հարությունյանը ողջունում է Լեռնային Ղարաբաղի հակամարտության կարգավորման շուրջ ցանկացած հանդիպում: Պատգամավորն առավել քան կարևոր է համարում մայիսի 16-ին Վիեննայում Հայաստանի և Ադրբեջանի նախագահների հանդիպումը ապրիլյան քառօրյա պատերազմից հետո տարածաշարջանի համար պայթյունավտանգ իրա վիճակի շտկման առումով: «Ուշագրավ է այն հանգամանքը, որ հանդիպմանը մասնակցել են նաև ԵԱՀԿ Մինսկիխմբի համանախագահող երկրների արտաքին գործերի նախարարները: Հենց նրանք էին նախաձեռնել այս հանդիպումը ու իրենքէլ մասնակցում էին, ինչը խոսում է այն մասին, որ միջազգային կարևոր խաղացողները էապես կարևորում են հակամարտությանխաղաղ կարգավորումը և այդ ուղղությամբ արդեն լուրջ քայլեր են ձեռնարկվում»,- «Արմենպրես»-ի հաղորդմամբ՝ նշեց Հարությունյանը:

Նրա խոսքով՝ այս հանդիպումից հետո էական քայլեր են ձեռնարկվելու հակամարտության խաղաղ կարգավորման բանակցային գործընթացի վերսկսման նախապայմանների իրականացման համար: «Դուք գիտեք, որ հայկական կողմը բանակցությունների վերսկսման համար առաջ է քաշել երեք կարևոր հարցադրում՝ շփման գծում մոնիթորինգի և հետաքննության մեխանիզմների ներդրում, երաշխիքներ, որ Ադրբեջանը չի գնա նոր ռազմական գործողությունների և հրադադարի ռեժիմի պահպանում, ինչպես նաև հասցեական գնահատականներ: Երեկվա հանդիպումից հետո տարածվեց հայտարարությունՄինսկի խմբի համանախագահող երկրների արտաքին գործերի նախարարների կողմից, որում խոսում է այն մասին, որ 1994թ. հրադադարի և 1995թ. այդ հրադադարի ամրապնդման համաձայնագրերը շարունակում են ուժի մեջ մնալ և պետք է անվերապահորեն կատարվեն: Սա շատ կարևոր եմ համարում: Կարևոր եմ համարում նաև այն, որ այս հանդիպումից առաջ Հայաստանի և Ադրբեջանի նախագահների հետ հանդիպել է ԵՄ գերագույն հանձնակատար Ֆեդերիկա Մոգերինին, ինչը ևս խոսում է այն մասին, որ միջազգային հանրությունը լրջորեն տրամադրված է հասնել հակամարտության կարգավորմանը բանակցային ճանապարհով»,- նշեց Հարությունյանը:

Պատգամավորը կարևորում է նաև այն հանգամանքը, որ հակամարտող կողմերի նախագահները պայմանավորվածություն են ձեռք բերել նաև առաջիկա ամիսներին հայտարարել հաջորդ հանդիպման տեղի և ժամկետների մասին: «Այսինքն, մոտակա ամիսներին մենք իմանալու ենք նախագահների հաջորդ հանդիպման մասին: Իհարկե, մինչ այդ էլ քայլեր են կատարվելու շփման գծում հրադադարի խախտումները բացառելու, վստահության մեխանիզմներ ներդնելու համար: Մի խոսքով՝ ես կարող եմ ասել, որ այս ամենը հուսադրող է բանակցային գործընթացը վերսկսելու նախապամանները կյանքի կոչելու և հակամարտութ յան խաղաղ կարգավորման  բանակցությունները վերսկսելու համար»,- եզրափակեց Հարությունյանը:

Վիեննայում մայիսի 16-ի երեկոյան Հայաստանի Հանրապետության Նախագահ Սերժ Սարգսյանը և Ադրբեջանի Հանրապետության նախագահԻլհամ Ալիևը մասնակցել են ԵԱՀԿ Մինսկի խմբի համանախագահող երկրների արտաքին գործերի նախարարների նախաձեռնությամբ և ԱՄՆպետքարտուղար Ջոն Քերիի, ՌԴ արտգործնախարար Սերգեյ Լավրովի, Ֆրանսիայի եվրոպական հարցերով պետքարտուղար Արլեմ Դեզիրիմասնակցությամբ տեղի ունեցած քննարկմանը: Հանդիպմանը մասնակցել են երկու երկրների արտաքին գործերի նախարարներ ԷդվարդՆալբանդյանը և Էլմար Մամեդյարովը, դեսպաններ Իգոր Պոպովը (Ռուսաստան), Ջեյմս Ուորլիքը (ԱՄՆ), Պիեռ Անդրիոն (Ֆրանսիա) և ԵԱՀԿ գործողնախագահի անձնական ներկայացուցիչ Անջեյ Կասպրշիկը: Քննարկվել են ԼՂ հակամարտության գոտում ս.թ. ապրիլի սկզբին զինադադարիկոպիտ խախտման հետևանքով ստեղծված լարված իրավիճակը և դրանից դուրս գալու ուղիները: Համանախագահող երկրներիներկայացուցիչները պնդել են 1994թ. զինադադարի և 1995թ. զինադադարի ամրապնդման մասին համաձայնագրերի անշեղ իրագործմանանհրաժեշտությունը: Համաձայնություն է ձեռք բերվել քայլեր ձեռնարկելու դրանց իրականացման մշտադիտարկման և միջադեպերիհետաքննության մեխանիզմի ներդրման, ԵԱՀԿ գործող նախագահի անձնական ներկայացուցչի թիմի կարողություն ների ավելացման,հակամարտության կարգավորման բանակցային գործընթացի հնարավոր վերսկսման ուղղությամբ: