Ո՞ր նվերները չի կարելի ընդունել

Style.news.am-ը գրում է.

Երբ որոշում եք ինչ-որ մեկին նվեր գնել, առաջին հերթին պետք է մտածել սնահավատության մասին, քանի որ կան մարդիկ, որոնք չեն ընդունում այս կամ այն նվերը։ Ներկայացնում ենք այդպիսի իրերի ցուցակը։

1. Ձեռնոց

Ձեռնոցի միջոցով մեր մատները ջերմացնում ենք ցրտից, իսկ ինչու պետք է ուրիշի տված ջերմությամբ տաքանանք։ Ձեռնոց նվիրելով՝ դուք որոշակի ազդեցություն եք ունենում տվյալ մարդու վրա։ Հնում ինչ-որ մեկին ձեռնոց նվիրելով՝ դուք հնազանդեցնում էիք նրան։

2. Գոտի

Եթե ձեռնոցի միջոցով կարելի է ազդել դիմացինի վրա, ապա գոտի նվիրելով դուք սահմանափակում եք նրա հաջողությունը, նոր հորիզոններ նվաճելը, փոփոխությունները եւ այլն։ Փորձեք խուսափել գոտի նվիրելուց։

3. Թաշկինակ

Ոչ նվիրեք, ոչ էլ նման նվեր ընդունեք։ Թաշկինակ ընդունելը նշանակում է, որ շուտով ստիպված եք լինելու սրբել ձեր արցունքները։ Հնում թաշկինակ տվել են հուղարկավորությունների, ամուսնալուծությունների, ծանր հիվանդությունների ժամանակ։ Թաշկինակ նվիրելը անհաջողությունների նշան է։

4. Կախազարդ խաչ

Եթե վստահ եք, որ նվիրողը անկեղծ է այն տվել ձեզ, եթե նա երջանիկ, հարուստ ու հաջողակ է, ապա կարող եք ընդունել։ Իսկ եթե նվիրողը խնդիրներ ունի, նրա հետ դժբախտություններ են պատահել, ուրեմն նա այդ խաչով իր ճակատագիրը փոխանցում է ձեզ։ Երկրորդ պարագայում խաչը տարեք եկեղեցի կամ վաճառեք այն եւ գումարով բարեգործություն արեք։

5.Արտասահմանից բերված հուշանվերներ

Բոլորիս ընկերներն էլ արտասահման մեկնելիս հուշանվերներ են բերում։ Եթե դուք սնահավատ եք, ուրեմն հուշաներները պետք է փաթաթել սպիտակ մետաքսե կտորի մեջ եւ 7 օր պահել մութ տեղում։ Այնուհետեւ հուշանվերը պետք է լվանալ «ոսկե» եւ «արծաթե» ջրով։ Ամենավտանգավորը Աֆրիկայից բերված դիմակներն են եւ տարբեր ծիսակատարությունների ժամանակ օգտագործվող իրերը։

6. Ժամացույց

Այս նվերը կարող է կանգնեցնել ձեր երջանկությունը։ Անմիջապես հրաժարվեք դրանցից։

7. Հայելի

Հայելին խլում է ձեր երիտասարդությունը, երջանկությունը եւ կենսուրախությունը։ Առավել վտանգավոր են հնաոճ հայելիները։

8. Հին մետաղադրամներ

Հնում միմյանց գումար նվիրելը նշանակում էր դիմացինին ներքաշել հանցագործությունների մեջ։ Մետաղադրամները պահպանում են իրենց յուրաքանչյուր տիրոջ զգացմունքները, չարությունը, ատելությունը եւ այլն։

9. Մալաքիտ

Խորտակում է դիմացինի կյանքը։ Եթե մալաքիտ եք ստացել, ուրեմն պետք է այն փաթաթել մանուշակագույն մետաքսի մեջ եւ դրա մոտ մոմ վառել։ Մալաքիտից պատրաստված զարդը չի կարելի կրել վեց ժամից ավելի։

10. Մկրատ

Կրճատում է կյանքը եւ խարխլում ձեր հարաբերությունները շրջապատի հետ։ Մի ամաչեք հրաժավել այս նվերից։ Իսկ եթե հյուրը, միեւնույնն է, թողնում է նվերը ձեր տանը, ուրեմն պարզ է, թե ինչ նպատակով է նա բերել այն։ Դեն նետեք մկրատը։

11. Դանակ

Հանցագործության է դրդում։ Արագ պետք է ազատվել այդ նվերից։

12. Դրամապանակ

Դրամապանակը դատարկ չեն նվիրում։ Դրա մեջ առնվազն մետաղադրամ են դնում, որպեսզի այն հաջողություն բերի իր նոր տիրոջը։