Հայաստանում կոռուպցիան հաճախ գիտակցաբար խառնում են կաշառակերության հետ
БЛОГՎիկտոր Ենգիբարյանը ֆեյսբուքյան իր էջում գրում է.
Հայաստանում կոռուպցիան հաճախ գիտակցաբար խառնում են կաշառակիրության հետ, իջեցնելով այն հասարակ պետավտոտեսուչի կամ տեղեկանք տվողի մակարդակի: Այնինչ, կաշառակիրությունը ընդամենրը կոռուպցիայի «ծաղկիկներն են»: Կոռուպցիան շատ ավելի լայն ու վտանգավոր երևույթ է, այն իր մեջ պարունակում է հանուն անձնական շահերի պետական շահերի ստորադասումը: Պետական այդ շահերը կարող են լինել տարբեր. էկոլոգիական (օրինակ հանքերի ոչ-թափանցիկ տնօրինում կամ անտառահատումներ), օտարերկրյա ուղղակի ներդրումների խանգարումներ (փայեր ու «օտկատներ»), հողերի կամ այլ գույքի ապօրինի բաշխումներ, օրենքների ընդունում, որոնք հակասում են ընդհանուրի, բայց նպաստում են անհատական ինչ-ինչ շահերի (տիպիկ է ԱԺ-ում ու կառավարությունում օլիգարխների ներկայության պայմաններում), անհավասար մրցակցային պայմանների ստեղծում, հովանավորչություն, պետական միջոցների փոշիացում և այլ և այլ:
Այս շարքը առանց չափազանցության հնարավոր է անվերջ շարունակել ոլորտ առ ոլորտ, սակայն բոլոր դեպքերում, ցանկացած գործարկ, որը արվում է հանուն անհատական շահերի և ստորադասում է պետական շահերը, ազգային անվտանգության լրջագույն խնդիր է:
Եթե շարունակենք պահելով ներքաղաքական ստատուս քվոն, կձախողենք պետությունը. մեր երեխաները ոչ հեռու ապագայում կամաչեն մեր փոխարեն ու բոլորիս միասին, սերունդով հանդերձ, կնետեն պատմության աղբամանը:
Շնորհավոր բոլորիս երեխաների իրավունքների պաշտպանության տոնը