Գյումրիում փողոցների վերանորոգման վարկային ծրագիրը կավարտվի հաջողությամբ. ՎԶԵԲ ներկայացուցիչ

 Գյումրու քաղաքապետ Սամվել Բալասանյանն հունիսի 8-ին ընդունեց Վերակառուցման և զարգացման եվրոպական բանկի (ՎԶԵԲ) ներկայացուցիչներին:

Հանդիպման ընթացքում կողմերը քննարկեցին Գյումրու փողոցաշինության և լուսավորության արդիականացման համար տրամադրվելիք 23.5 մլն եվրոյի հետ կապված մի շարք հարցեր:

Սամվել Բալասանյանն անդրադարձավ տրամադրվելիք վարկին, դրա անհրաժեշտությանը, գործողությունների հետագա ընթացքին: Եվրոպական բանկի ներկայացուցիչ Մաթեո Պռիչարդը շնորհակալություն հայտնելով ջերմ ընդունելության համար« միաժամանակ ընդգծեց« որ իր համար մեծ պատիվ է լինել Գյումրիում« տեղում ծանոթանալ ծրագրերի ընթացքին: Մաթեո Պռիչարդը, կարևորվելով ծրագիրը՝ նշեց, որ այն համատեղ ներդրված մեծ ջանքերի արդյունք է: Եվրոպական բանկի ներկայացուցիչը վստահ է՝ ծրագիրն ունենալու է հաջող ընթացք և ավարտ:

«Սա հնարավորություն է սեփական աչքերով տեսնելու,  թե ինչպես են իրականում կյանքի կոչվում  ծրագրերը և երբ ծրագրերը սկսում են զարգանալ, ես ավելի լավ եմ հասկանում, որ մեր համագործակցության արդյունքում, միացյալ ուժերով,  այդ ծրագրերն ավելի լավ կիրականացվեն: Սա, բնականաբար, շատ կարևոր ծրագիր է: Կարծում եմ, դա մեր բոլորի ջանքերի շնորհիվ է, որ մենք բանակցություններից հետո հասանք այս փուլին և վստահ եմ, որ հաջողությամբ կիրականացնեք այս ծրագիրը: Ես վստահ եմ որ այս ծրագիրը շատ հաջող կընթանա: Գիտեմ՝ ծրագրի ընթացքում առաջ եկած բոլոր մարÕ �ահրավերները հաղթահարվելու են այսպիսի գործընկերների հետ»,-նշեց Մաթեո Պռիչարդը:

Վարկային համաձայնագիրը ստորագրվեց այս տարվա մայիսի 11-ին, Վերակառուցման եւ զարգացման եվրոպական բանկի (ՎԶԵԲ)-ի՝ Լոնդոնում կայացած տարեկան ժողովի ժամանակ: Վարկի շրջանակներում հատկացված գումարը կծախսվի Գյումրու հիմնական փողոցների վերակառուցման եւ փողոցային լուսավորության արդիականացման համար: Ծրագրի իրականացման համար կհայտարարվի միջազգային մրցույթ: Գյումրիի փողոցների վերակառուցման ծրագրի շրջանակներում տրամադվելու է  14,6 մլն եվրո  սուվերեն վարկ՝ երեք տրանշով:

Փողոցների վերակառուցման ծրագիրը կներառի նոր ասֆալտապատ մայթեր, կատարելագործված դրենաժային ենթակառուցվածք, հետիոտներիի համար բարելավված հարմարություններ եւ ընդհանուր ճանապարհային անվտանգության բարելավում: Փողոցային լուսավորության արդիականացումը կներառի նոր` էներգաարդյունավետ լուսադիոդային (LED) լուսավորություն, վերահսկողության եւ մոնիտորինգի համակարգ, սյուների փոխարինում եւ վերանորոգում, ինչպես նաեւ սնուցման մալուխների փոխարինում:

Ծրագիրը ներդրումային դրամաշնորհների տեսքով նաեւ 7,3 մլն եվրո  համաֆինանսավորում կստանա ՎԶԵԲ-ի բաժնետերերի հատուկ հիմնադրամից եւ միջազգային այլ դոնորներից:  Ի հավելումն, ծրագրի նախագծա-նախահաշվային փաթեթի համար  հատկացվելու է 1,6 մլն եվրո:

Վարկային մասը մարվելու է տարիների ընթացքում: 14«6 մլն եվրո գումարի տոկոսները մարելու է Գյումրու քաղաքապետարանը, իսկ մայր գումարը՝ ՀՀ կառավարությունը:

Ընդհանուր քաղաքում վարկային այս գումարով նախատեսվում է վերականգնել մոտ 16 կմ ճանապարհ: Ծրագիրը բացի փողոցների վերանկանգման աշխատանքերից ներառում է նաև խնայողական լամպերի տեղադրում շուրջ 15 հազար:

Արմենուհի Մխոյան