«Համախմբում» կուսակցությունը ազգը փրկելու ստանդարտ ծրագրիր է ներկայացնում

БЛОГ 10 Июнь, 2016 11:29

Էդգար Խաչատրյանը ֆեյսբուքյան իր էջում գրում է.

Երեկ «Համախմբում» կուսակցությունն հյուրընկալվել էր «Երիտասարդների կողքին» երտասարդական շարժման համաժողովին, որտեղ կրկին ազգը փրկելու ծրագրեր էին ներկայացնում:

Այսօր առավոտյան սկսեցի կարդալ ու լսել, այնտեղ հնչեցվող մտքերը և ոչ մի արտառոց բան չտեսա: Ստանդարտ տեքստեր, ստանդարտ մոտեցումներ, անգամ «Այլընտրանք» և «Իշխանափոխոթյուն» բառերն էին առանց որևէ փոփոխության ներկայացվում: Նորությունն այն էր, որ Վարդան Օսկանյանը, բացատրեց «Համախմբում» բառի իմաստը, ու երիտասարդները արդեն պատրաստ են հայոց լեզվի քննությանը:

Ստանդարտ մոտեցումները հերթով

1.Չեք մոռացել չէ՞ .«Բարև Ձեզ Ես Վարդանն եմ Օսկանյան, ԲՀԿ-ից» արտահայտությունը, երբ նախկին ԱԳՆ ղեկավարը ԲՀԿ-ի առաջինն համան էր Քաղաքապետի ընտրությունների ժամանակ, ահա այնտեղից հարազատ դարձած «Այլընտրանք» բառը սեփականաշնորհվում է «Համախմբման» կողմից: Ասել է թե ԲՀԿ բառապաշարը էքսպանսիայի է ենթարկվում:

2.«Իշխանափոխություն» բառն այնքն ծեծված է, որ անրադառնալ անգամ չեմ ուզում՝ ուղղակի հիշեցնեմ, որ ամեն հաջորդ այլընտրանքը իշխանափոխության է գնում ու Ազատության հրապարակից այն կողմ չի անցնում: Այստեղ էլ ավել բանի չսպասեք, իմ կարծիքով Ազատության հրապարակ էլ չենք հասնելու, ավելի քան ստանդարտ է ամեն ինչ:

3.«Համախմբումը» որդեգրել է ՕԵԿ-Ռենկարնացիա գործելաոճը, իրեն է միացնում տարբեր հ/կ-ներ, այստեղ էլ ոչ մի օրիգինալ բան չկա: Թերևս մեկ տարբերությամբ ՕԵԿ-ի մոտ Հ/Կ-ները գալիս էին, իսկ Հ/Կ-ների մոտ Վարդան Օսկանյանը յուր թիմով գնում է:

Սա ստանդարտ չէ սա ողբերգություն է

Ամենատխուրը սկսվում է այն պահին, երբ համախմբումը խոսում է արտաքին և ներքին քաղաքականության փոփոխության մասին: Ներքինը դեռ մի կողմ, այ որ նախկին ԱԳ նախարարի ղեկավարած կուսակցությունը խոսում է արտաքին քաղաքականության փոփոխության մասին, այստեղ պատմությունը կարող է լռել, իսկ նախկին նախարարը ի հեճուկս բոլոր համախմբվածների պետք է հեռանա այդ կուսակցությունից: