Daily Mail. «Սամվել Կարապետյանի որդու հարսանիքը մեր տեսած ամենաարտասովոր հարսանի՞քն է»

«Խնջույք ժանտախտի ժամանակ» շարքից մեր հոդվածները շարունակվում են, չէ՞ որ Յուվենալի «Հաց ու զվարճանք» արտահայտությունն առայսօր չի կորցրել իր արդիականությունը: Մոտեցումը հին է , բայց գործում է անվրեպ:

Եվ այսպես, մի ամբողջ ամիս Մոսկվան խոսում ու քննարկում էրինգուշ միլիարդատեր Միխայիլ Գուցերիեւի որդու հարսանիքը , իսկ հիմա էլ սկսել են քննարկել Սամվել Կարապետյանի որդու՝ Սարգիսի ու Սալլի Կինցուրաշվիլու հարսանիքը:

Բրիտանական Daily Mail-ը նույնպես չի կարողացել անտարբեր անցնել այս իրադարձության կողքով ու սկսել է քննարկել մանրամասները (խեղճ բրիտանացիք դժվար թե ի վիճակի լինեն հասկանալ, որ մենք այստեղ փող չունենք, բայց «մի կերպ դիմանում ենք»՝ ինչպես Ռուսաստանի վարչապետ Դմիտրի Մեդվեդևն էհանճարեղ արտահայտվել):

Եվ այսպես, եթե Սաիդ Գուցերիեւի հարսանիքին երգում էին Ջեյ Լոն , Էնրիկե Իգլեսիասը , Սթինգը, Կաասը, Պուգաչովան , ապա Կարապետյանի հարսանիքին ելույթ էին ունենում Maroon 5 խումբը ( որը նախանցած օրը Բաթումիում էր համերգ տալիս (ի դեպ հարգանքներս Զեմֆիրային , որ ոչ մի գումարի դիմաց հարսանիքներին չի երգում)), Նիկոլայ Բասկովը, Վերա Բրեժնևան, Կիրկորովը , որը ընդմիջել է իր համերգային շրջագայությունը, հատուկ այս հարսանիքին ելույթ ունենալու համար, Պուգաչովան , Տիմատին, Դիմա Բիլանը, Վալերի Մելաձեն, Գրիգորի Լեպսը, Սոֆիա Ռոտարուն: Հարսանիքին ներկա էր նաև Հայաստանի նախագահ Սերժ Սարգսյանը:

Որոշ հաշվարկներով հարսանիքի վրա, որն անցել է այդ նույն «Սաֆիսա» հանրահայտ ռեստորանում, Սամվել Կարապետյանը երկու միլիոն դոլար է ծախսել ( շատ ավելի քիչ քան Գուցերիեւները):

Սալին հանդիսության ընթացքում երեք զգեստ է փոխել Դրանցից մեկը «Մեծն Գեթսբի» ֆիլմից էր: Հարսնացուն շլացնում էր Tiffany ապրանքանիշի 200 հազար դոլար ընդհանուր արժողության ճոխ զարդերով: Հարսնիքին բոլորը լուսանկարում էին երկու մետր բարձրության հրաշագործ տորթը: Ռեստորանի պատերը զարդարված էին 23-ամյա Սարգիսի ու 25-ամյա Սալիի հսկայական լուսանկարներով:

Հայտնի է , որ իր ելույթի համար Maroon 5 խումբը ստացել է 500-800 հազար դոլար հոնորար: Սալին մեկ երգ է կատարել Ադամ Լեվայնի հետ:

Հարսանիքը վարում էին Տանյա Գեւորգյանն ու Անդրեյ Մալախովը:

Սալին հագուստի ընտրության հարցում նախապատվությունը տվել էր Elle Saab–ին ( 35 հազար դոլար) ու Alessandra Rich-ին (գինը հայտնի չէ):

Հյուրերին զվարճացնում էին նաև հայկական ու վրացական պարերով:

Դիզայներները այնպես էին զարդարել ռեստորանը , որ ռեստորան մտնողները ասես հեքիաթի մեջ էին հայտվում:

Միջոցառմանը ներկա էր մոտ 500 հյուր: Ամենուրեք արհեստական ծառեր էին, գետնին ու պատերին հազարավոր ծաղիկներ էին, սրահի մի պատը ամբողջովին բնական ծաղիկներից էր սարքված: Դեկորի ոճն անվանել են «Ալիսան հրաշքների աշխահում»:Լուսավորությունը հիմնականում մանուշակագույն երանգի մեջ էր, ինչը դեկորին իրոք հեքիաթային ոճ էր հաղորդում:

Ի դեպ , վերոնշյալ տորթի մասին` այն պատրաստել էր այն շեֆ խոհարարը, որը ժամանակին Քուվեյթի արքայազնի մոտ է աշխատել:

Աղբյուր՝  NEWS.am STYLE