Ինչպես է անցնելու Եվրո 2016-ի հերթական խաղային օրը
БЛОГՄաթոս Աբգարյանը ֆեյսբուքյան իր էջում գրում է.
Եվրո 2016
խաղային օրը կմեկնարկի Թուրքիա-Խորվաթիա խաղով, ապա դաշտ դուրս կգան Հյուսիսային Իռլանդիայի և Լեհաստանի հավաքականները, իսկ երեկոյան բունդես թիմը կխաղա մայդանիստների դեմ:
Թուրքիան խաղային 90 րոպեների ընթացքում 6 խաղերում չի հաղթել Խորվաթիային, սակայն նրանք կարողացան Եվրո 2008-ի քառորդ եզրափակիչում հետխաղյա 11 մետրանոցներով հետագա պայքարից դուրս թողնել բավականին գեղեցիկ ֆուտբոլ խաղացող բալկանյան թիմին: Մշտապես համակրելի Խորվաթիայի հավաքականը այսօր կունենա որոշակի դժվարություններ նոր վերելք ապրող Թուրքիայի դեմ, այդուհանդերձ Մոդրիչի, Ռակիտիչի, Պերիշիչի, Մանջուկիչի, Կալինիչի պես ֆուտբոլիստները ի վիճակի են հաղթանակ ապահովել առաջին խաղում:
Որքան էլ զարմանալի է, լեհերը հաջող վիճակագրություն չունեն բողոքայական իռլանդացիների դեմ խաղերում, 2 հաղթանակ 3 պարտության դիմաց, բայց կարծում եմ այսօր նրանք կհավասարվեն հաղթանակների քանակով: Որքան էլ, որ ընտրական փուլում շատ լավ ֆուտբոլ խաղացին բրիտանական իռլանդացիները, այդուհանդերձ նրանք այսօր անակնկալ դժվար թե մատուցեն ֆուտբոլասերներին: Լեհաստանին համարում եմ ԵՎրոյի հաղթողի հավանակն թեկնածուներից մեկը, թիմի կարգապահությունն ու համախմբվածությունը կարող են նպաստել գործելու հույների սխրանքը:
իսկ ահա ուկրաինացիներին չի փրկի նույնիսկ ինտելեկտի արքա Կլիչկոյի միջնորդությունը, գերմանական մեքենան կարող է առաջինը գրանցել խոշոր հաշվով հաղթանակ Եվրոյի խմբային փուլում: