«Եվրո 2016». Ռումինիան ու Շվեյցարիա կիսեցին միավորը

СПОРТ 15 Июнь, 2016 23:33

Եվրո 2016-ը շարունակում է ընթացքը:1-ին ընտրական խմբում տեղի ունեցավ 2-րդ տուրի առաջին հանդիպումը: «Արմենպրես»-ը տեղեկացնում է , որ Ռումինիա-Շվեյցարիա հանդիպումն ավարտվել է արդյունավետ «ոչ ոքի»-ով` 1-1 :

Հավաքականները խաղադաշտ են դուրս եկել այսպիսի մեկնարկային կազմերով.

Շվեյցարիա. Զոմեր, Լիխշտայներ, Սեֆերովիչ, Ջակա, Բեհրամի, Ռոդրիգես, Ջեմայիլի, Մեհմեդի, Ջուրու, Շեր, Շաքիրի

Ռումինիա. Տետերուշանու, Ռաց, Կիրիկեշ, Կիպչու, Պինտիլի, Տորժե, Կեշերյու, Պրեպելիցե, Ստանկու, Գրիգորե, Սեպունարու

Գլխավոր մրցավար ` Սերգեյ Կարասյով

Շվեյցարիա-Ալբանիա խաղի 1-ին կեսը սկսվեց ժամացույցների հայրենիքը ներկայացնող թիմի առավելությամբ: 2 անգամ դարպասը գրավելու հնարավորություն ուներ Հարիս Սեֆերովիչը: Նախ 7-րդ րոպեին նրա հարվածը նպաստավոր դիրքից շեղ ընթացավ, այնուհետև դարպասային գծի վրա հիանալի խաղաց Չիպրիան Տետերուշանուն և փրկեց իր թիմին: Ռումինիան առաջին առաջխաղացման ժամանակ կարողացավ վաստակել 11 մետրանոց հարված: Լիխշտայները խախտեց խաղի կանոնները տուգնային հրապարակում և Ռումինիան ստացավ Եվրո 2016-ում 2-րդ տուգանային հարվածի իրավունքը: Բոգդան Ստանկուն 2-րÕ ¤ անգամ հիանալի իրացրեց 11 մետրանոցը իր թիմի կազմում և 18-րդ րոպեին առաջ մղեց Ռումինային 1-0: Շվեյցարացիները առաջ նետվեցին՝ ետ բերելու կորցրածը: Ֆաբիան Շարի 20-րդ րոպեին կատարած հեռահար կրակոցից հետո Տատարուշանուն կրկին մտավ խաղի մեջ և դուրս բերեց գնդակը դարպասից: Ռումինիան պատասխանեց Քրիստիան Սապունարույի հարվածով, որից հետո գնդակը շոշափեց Շվեյցարիայի ուղղահայաց դարպասաձողը: Խաղակեսը այդպես էլ ավարտվեց, ռումինացիները ընդմիջման գնացին հաղթողի կարգավիճակում:

2-րդ խաղակեսը Շվեյցարիան սկսեց այն ակտիվությամբ, որով առաջինը: Ի տարբերություն առաջին 45 րոպեների այս անգամ Շվեյցարացիները կարողացան հասնել հաջողության: 57-րդ րոպեին խաղարկված անկյունայինը տվեց իր պտուղները: Ռումինիայի տուգանային հրապարակում պաշտպանը հեռացրեց գնդակը, բայց վրա հասած Ադմիր Մեհմեդին մեկ հպումով գնդակն ուղարկեց Ռումինիայի դարպասը: Բաց թողած գնդակից հետո Ռումինիան ունեցավ միայն մեկ հնարավորություն հաշվի մեջ առաջ անցնելու: 70-րդ րոպեին ռումինացի ֆուտբոլիստի հարվածից հետո Յան Զոմերը հանեց գնդակը դարպասի հեռավոր անկյունից: Թիմերը այսքանով բավարարվեցին և վաստակեցին մեկական միավոր: Այս խաղից հետո Շվեյցարիան ունի 4 միավոր և գլխավորում է 1-ին խմբի աղյուսակը: Ռումինիան ունի ընդամենը 1 և խմբում դեռ 3-րդն է : Ֆրանսիայի հավաքականը մեկ խաղ պակաս է անցկացրել և հաղթելու դեպքում կվերադառնա 1-ին տեղ: