Մեր երկրի վիճակը գնահատելիս սկսում ենք Երևանից, բանակի անմխիթար վիճակից, անապահով ընտանիքներից
БЛОГԷդգար Թումանյանը ֆեյսբուքյան իր էջում գրում է.
Մեր երկրի վիճակը գնահատելիս սկսում ենք Երևանից, բանակի անմխիթար վիճակից, անապահով ընտանիքներից: Եվս մեկ բան վերջերս աչքիս առաջ եկավ՝ գյուղերի մեղմ ասած մարդաթափությունը: Հատկապես Գյումրին՝ մեր փոքր մայրաքաղաքը: Ժամանակին ծաղկուն ու մշակութային կենտրոն՝ Գյումրին: Ամեն անունը տալիս սիրտս կտոր-կտոր է լինում: Երբեմնի գեղեցիկ, մարդաշատ, հումորով Գյումրին այժմ անբնակիչ է մնացել, այդքան մռայլ Գյումրին երբեք չէի տեսել, այդքան դատարկ ու քարուքանդ: Երկրաշարժից հետո էնտեղ դեռ հույսը չէրմեռել՝ նոր կյանք կառուցելու , իսկ հիմա մեռավ այդ հույսը, ավելի շուտ սպանեցին: Սպանեցին նրանք ովքեր իրենց անկշտության պատճառով գործազրկության մատնեցին քաղաքը, ինչը և ստիպեց մեր երիտասարդներին մեկնել դուրս, արտագնա աշխատանքի, գոնե ինչ-որ կերպ իրենց ընտանիքները ապահովելու համար: Ու ամեն անգամ երբ մտածում եմ, թե որքան մոտ է Գյումրին թուրքի սահմանին, նույնիսկ պատկերացնել չեմ ուզում, որ մեր անգործության ու անտարբերության պատճառով Արևմտյան Հայաստանի սահմանը կարող է մի օր որոշ պաշտոնյաների թեթև ձեռքով համալրվել մեր 12 մայրաքաղաքներից ևս մեկով, այն այժմ այնքան թույլ ու տկար է, որ նույնիսկ ամենափոքր հարվածը կխոցի և արմատական հետք կթողն