«Եվրո 2016». Անգլիան ու Սլովակիան բաժանվեցին հաշտությամբ

«Եվրո 2016»-ի Բ խմբում ավարտվեց պայքարը: Անգլիայի և Սլովակիայի հավաքակնները հանդիպեցին «Ժոֆրուա Գիժար» մարզադաշտում: «Արմենպրես»-ը հաղորդում է, որ Անգլիա-Սլովակիա հանդիպումն ավարտվել է` 0-0 հաշվով:

Սլովակիա . Կոզաչեկ, Պեկարիկ, Շկրտել, Դյուրիցա, Վայս, Դուդա, Հուբոչան, Համշիկ, Կուցկա, Մակ, Պեչովսկի;

 Անգլիա .  Հարթ, Կեյհիլ, Սմոլինգ, Լալանա, Վարդի, Կլայն, Հենդերսոն, Սթարիջ, Դայեր, Ուիլշիր, Բերտրանդ;

Գլխավոր մրցավար`Կարլոս Վելասկո Կարբալիո:

Անգլիա-Սլավակիա հանդիպման առաջին խաղակեսն անցավ անգլիացիների բացահայտ խաղային և տարածքային առավելությամբ: Գրեթե բոլոր գրոհները կազմակերպվեցին Ռոյ Հոջսոնի ֆուտբոլիստների կողմից: Սլովակիայի հավաքականը հիանալի թիմային պաշտպանություն ցուցադրեց, իսկ այն դրվագներում, որտեղ պաշտպաններին ոչինչ չէր մնում անել, օգնության էր հասնում դարպասապահ Մատուշ Կոզաչեկը: Անգլիայի հավաքականը առաջին իրական հնարավորությունը ունեցավ 5-րդ րոպեին: Դանիել Սթարիջի հարվածից հետո գնդակի ճանապարհը փակեց Պետեր Պեկարիկը: Անգլիայի հավաքականի մյուս հարձակվողը էր մասին խոսել տվեց 17-րդ րոպեին: Ջեյմի Վարդիի նպաստավոր դիրքից կատարած հարվածը ետ մղեց դարպասապահ Կոզաչեկը: Սլովակ դարպասապահը անթերի գործեց նաև 37-րդ րոպեին: Ադամ Լալանայի հարվածը կրկին չանցավ Կոզաչեկին: Անգլիան 1-ին  կեսի վերջնամասում էլ ուներ մեծ առավելություն, սակայն դա գոլի վերածել այդպես էլ չկարողացավ: Առաջին 45 րոպեները անցան անարդյունք ոչ-ոքիով:

2-րդ խաղակեսի սկզբում Սլովակիայի հավաքականը ունեցավ այն եզակի հնարավորությունը, որը չէր ունեցել ամբողջ խաղի ընթացքում: 53-րդ րոպեին Քրիս Սմոլինգը սխալվեց իր տուգանային հրապարակում և Ռոբերտ Մակին ընդամենը փոքր հպում բաժանեց հաշիվը բացելուց: Անգլիան կես րոպե անց պատասխխանեց արժանի գրոհով, որից հետո գնդակը բարձր ընթացավ: 61-րդ րոպեին փոխարինման դուրս եկած Դելի Ալին, հիանալի դիրքում ստանալով գնդակը, հարվածեց  Սլովակիայի դարպասին: Մարտին Շկրտելը ազատ դարպասից հանեց գնդակը: Սլովակիան կրկին փրկվեց: Թիմերը խաղաղ անցկացրեցին 2-րդ կեսի վերջնամասը և մեծ ռիսկի այդպես էլ չդիմեցին: Գրոհների հիմնական նախաձեռնողը անգլիացիներն էին, սակայն բոլոր փորձերը ավարտվեցին անարդյունք: Խաղն այդպես էլ ավարտվեց անարդյունք 0-0 հաշվով: Անգլիան վաստակեց 5 միավոր և խմբում զբաղեցրեց 2-րդ տեղը` զիջելով Ուելսին 1-ինը: Սլովակիան 3 միավորին գումարեց ևս 1-ը , և խմբում գրավեց 3-րդ տեղը: Սլովակները հետագայում 4 լավագույն 3-րդ հորիզոնականը զբաղեցրած թիմերի մեջ հայտնվելու հիանալի  հնարավորություն են պահպանում և կարող են շարունկել պայքարը «Եվրո 2016»-ում: