Նյու Յորքի համաժողովը 15-ամյա լռությունից հետո 150 միջազգային խոշոր ներդրողներին կներկայացնի Հայաստանը

 Նյու Յորքում հոկտեմբերի 10-11-ը կայանալիք Հայաստանի խոշոր ներդրումային համաժողովը կանցկացվի 15 տարվա լռությունից հետո` կրկին համաշխարհային ներդրողների ուշադրությունը Հարավային Կովկասի երկրի վրա սևեռելու նպատակով: Ինչպես «Արմենպրես»-ի հետ զրույցում նշեց Հայաստանի զարգացման հիմÕ �ադրամի գործադիր տնօրեն Կարեն Մկրտիչյանը, ներկայում նախարարությունների հետ հստակեցնում են ֆորումին ներկայացվելիք խոշոր նախագծերի մանրամասները, որոնք տեղեկատվական տեխնոլոգիաների, գյուղատնտեսություն, հանքարդյունաբերություն, տրանսպորտի, էներգետիկայի, դեղագործության և զբոսարջության ոլորտներին են առնչվում: Նախագծերի արժեքը 10 միլիոն դոլարից ավելին է լինելու: «Նյու Յորքի ֆորումի կարևորությունը շատ էական է, քանի որ համաշխարհային ներդրումային միջավայրի մեջ մարդիկ նախ պետք է իրազեկ լինեն Հայաստանի մա սին: 15 տարի նման միջոցառում չի անցկացվել, մարդիկ այդ ինֆորմացիոն ֆոնը չունեն, որ որոշում կայացնեն Հայաստան գալու և ներդրումներ կատարելու: Սփյուռքահայերը հավանաբար գիտեն Հայաստանի մասին ու ունեն ցանկություն այստեղ գալու, բայց օտարներին պետք է իրազեկել: Բացի այդ` պետության դիրքորոշումը պետք է հստակ լինի ներդրողների պաշտպանվածության իմաստով, տեղեկատվություն տրամադրվի հարկային, մաքսային միջավայրի մասին: Ներդրողները պետք է իրազեկ լինեն, թե ինչ է նշանակում բիզնես հիմել Հայաստանում, որը Եվրասիական տնտեսական միության անդամ է, որոնք են առավ ելությունները: Իրանի հետ նորություններ կան, որոնց մասին պետք է խոսենք»,-ասաց Մկրտիչյանը:

Նա նշեց, որ համաժողովին ակնկալում են հյուրընկալել 150 պոտենցիալ ներդրողների, որոնք տարբեր ոլորտներում գործող միջազգային կազմակերպությունների ղեկավարներ, ներդրումային ֆոնդերի, զարգացող երկրների շուկայի ֆոնդերի կառավարիչներ են: Ներկայացվելու են նաև ներդրումային ֆոնդերը, որպեսզի ավելի փոքր նախագծերի դեպքում դրանց միջոցով հնարավոր լինի դրսի ներդրողներին բերել Հայաստան:

Ինչպես նշեց Մկրտիչյանը, համաժողովի միջոցով ոչ միայն փորձելու են դրսի ներդրողներին գրավել Հայաստան, այլ նաև քննարկվելու են արդեն այստեղ գործող միջազգային կազմակերպությունների ընդլայնման հնարավորությունները: «Դա նույնիսկ ավելի էական է, նշանակում է, որ Հայաստանում գործող օտար ընկերությունը կարողանում է զարգանալ»,-ավելացրեց զրուցակիցը:

Կարեն Մկրտիչյանը նաև շեշտեց, որ համաժողովի արդյունքում հենց հաջորդ օրը չի, որ տեսանելի է լինելու: Երկարաժամկետ ջանքեր, հետևողականություն է պահանջվում ներուժն օգտագործելու համար:

«Ինչ պատասխան պետք է տալ հնարավոր այն հարցին, որ Հայաստանը պատերազմական երկիր է» հարցադրմանը` համաժողովի կազմակերպման, մեթոդաբանությամբ զբաղվող «Ամերիա» ընկերությունների խմբի զարգացման գծով տնօրեն Տիգրան Ջրբաշյանը խոսեց ներդրումային տեխնոլոգիաներից` նշելով, որ ներդրումներ արվում են ամեն տեղ: «Ցանկացած ներդրում ունի երկու պարամետր` ռիսկ-շահութաբերություն: Այնտեղ, որտեղ ռիսկը բարձր է, շահութաբերությունը բարձր է, որտեղ ցածր ռիսկ է, այնտեղ ցածր շահութաբերություն է: Դա կանոն է, որը մինչև այսօր ոչ ոք չի ժխտել»,-ասաց նա:

 «Մենք համոզված ենք, որ Հայաստանում կան որոշակի սեկտրոներ, նախագծեր, պետության կողմից կա պատրաստակամություն պետություն-մասնավոր ֆորմատով գնալ ու ավելացնել շահութաբերությունը, դրանք կարող են համահունչ լինել Հայաստանի ռիսկերին: Խնդիրը այստեղ այն չէ, որ պատերազմական ենք, այլ այդ ռիսկերը հաշվարկած ծրագրեր կան»,-հայտնեց Ջրբաշյանը:

Խոսելով համաժողովի ձևաչափի մասին` Տիգրան Ջրբաշյանը նշեց, որ ներկայացվելու են 5-6 խոշոր նախագծեր, որոնք ենթադրում են պետություն-մասնավոր համագործակցություն, իսկ մյուս ծրագրերը կզետեղվեն որոշակի կատալոգի մեջ` հասանելի դառնալով խոշոր ներդրողներին: