«Եվրո 2016». Ինչ սպասել F խմբի խառնաշփոթից

«Եվրո 2016»-ում պայքարի լրջությամբ և անկակնալներով ամենահարուստը F խումբն է: Այստեղ բոլոր թիմերը պահպանում են «Եվրո 2016»-ի 1/8 եզրափակիչում պայքարը շարունակելու հնարավորությունները: Վերջին տուրի շրջանակում կմրցեն Պորտուգալիա-Հունգարիա, Իսլանդիա-Ավստրիա զույգերը:

Իպանդիա-Ավստրիա:  Ավստրիայի հավաքականը «Եվրո 2016»-ի գլխավոր անհաջողակն է: Համալրված լինելով համաշխարհային ֆուտբոլի մի շարք ճանաչված  խաղացողներով՝ թիմը ձախողեց մրցաշարի մեկնարկը. առաջին երկու հանդիպումներում վաստակած ընդամենը 1 միավոր: Իսլանիդիայի հավաքականը Եվրոպայի առաջնությունում գլխավոր բացահայտումներից է: Իսլանդիան ուներ բոլոր շանսերը մեկնարկային 2 խաղերից մեկում առնվազն հաղթանակ տանելու: Թիմի իսկական առաջատարներն են Գեֆլի Սիգուրդսոնն ու Արոն Գունարսոնը: Ավստրիայի հավաքականի հետ խաղը կարելի է որակել «կ ենաց և մահու պայքար»: Թիմերից յուրաքանչյուրը պայքարը շարունակելու համար պետք է հաղթանակի հասնի, որպեսզի կախում չունենա խմբի մյուս հանդիպման արդյունքից: Ավստիան հաղթանակի դեպքում էլ կարող է լավագույն 3-րդ տեղ զբաղեցրած հավաքականների մեջ չլինել: Հանդիպումը կսկվի Երևանի ժամանակով ժամը 20:00-ին:

Ավստրիայի և Իսլանդիայի՝ միմյանց հետ հանդիպումների պատմությունը չափազանց աղքատիկ է: Թիմերը միմյանց հետ անցկացրել են ընդամենը 2 պաշտոնական  հանդիպում: 1990 թվականի աշխարհի առաջնության որակավորման փուլում թիմերը ընդգրկված էին 3-րդ ենթախմբում: 1-ին դիմակայությունը տեղի ունեցավ Ռեյկյավիկում և ավարտվեց գոլազորկ հաշտությամբ: Թիմերը պատասխան հանդիպումը անցկացրեցին Զալցբուրգում, որտեղ Ավստրիայի հավաքականը ավելի ուժեղ գտնվեց և կարողացավ հաղթել մրցակցին: Արձանագրվեց 2-1 հաշիվը: Թիմերի միջև տեղի է ունեցել նաև մեկ ընկերական հանդիպում: Ինսբրոկում Ավստիրան և Իսլանդիան մեկական անգամ գրավել են միմյանց դարպասները և հանդիպումն ավարտել ոչ-ոքի արդյունքով: Իսլանդիան այս խաղերի ընթացքում դարձել է 2 գոլի հեղինակ սեփականն ընդունելով 3-ը:

Պորտուգալիա-Հունգարիա: Վերջին խմբի բացահայտ ֆավորիտը և «Եվրո 2016»-ի քողարկված ֆավորիտներից մեկը Պորտուգալիայի ազգային ընտրանին է: Ֆեռնանդու Սանտուշի ֆուտբոլիստները Եվրոպայի առաջնության մեկնարկում ցուցադրում են իրենց ամենադժգույն խաղը: Իսլանդիայի հետ դիմակայույթյունում Պորտուգալիան ձեռքից բաց թողեց հաղթանակը և բարդացրեց հետագայում պայքարը շարունկելու իր խնդիրը: Ավստիրայի հետ դիմակայությունը ևս անհաջող դասավորվեց «եվրոպական բրազիլացիների»-ի համար: Ի տարբերություն Պորտուգալիայի՝ Հունգարիայի ընտրանին առաջ է շարժում հաղթական գրաֆիկով: Մեկ հաղթանակ և մեկ ոչ-ոքի գրանցելով՝ Հունգարիան իր խմբի առաջատարն է: Հիանալի մրցաշար է անցկացնում թիմի առաջատար Ադամ Սալայը: Պորտուգալիաի հավաքականի հետ նույնիսկ ոչ-ոքի արդյունքը թիմին դուրս կբերի «Եվրո 2016»-ի 1/8 եզրափակիչ:

Պորտուգալիա-Հունգարիա հանդիպումը կսկվի Երևանի ժամանակով ժամը 20:00-ին:

Երկու թիմերը միմյանց հետ հանդիպել են 10 անգամ: Դիմակայությունում միանշանակ առաջատարը Պորտուգալիայի ընտրանին է, որը կարողացել է հաղթանակի հասնել 7 անգամ: Հունգարիան իր ակտիվում չունի և ոչ մի հաղթանակ: Հունգարացիները կարողացել են ոչ-ոքի արդյունքի հասնել 3 խաղում: Պորտուգալիան այս ընթացքում դարձել է 23 գոլի հեղինակ՝ սեփական դարպասն ընդունելով ընդամենը 7 գնդակ: Թիմերի միջև առաջին պաշտոնական խաղը կայացել է Մանչեստրում` աշխարհի առաջնության շրջանակում 1966 թվականին և ավարտվել Պորտուգալիայի հաղթանակով՝ 3-1 հաշվով: