9 հետաքրքիր փաստ համացանցի մասին

Internet of things կամ առարկաների համացանց. այս գաղափարը վերագրվում է այն ֆիզիկական առարկաներին, որոնք կապված են համացանցին և, հետևաբար, կարող են փոխանցել և ստանալ ինֆորմացիա: Դրանք կարող են լինել նոր Apple ժամերը, կամ ձեր տան անվտանգության համակարգը, որը դուք կարող եք ղեկավարել ձեր հեռախոսով:

Իրականությունը ցույց է տալիս, որ առարկաների համացանցը նորարարական մարդկանց և ընկերությունների հայտնագործությունների հետ միասին ավելի է աճելու: Իսկ հիմա եկեք ուսումնասիրենք մի քանի վիճակագրական տվյալներ:

1. 2008 թվականին ավելի շատ առարկաներ էին միացված համացանցին, քան մարդիկ: Ըստ Cisco-ի մինչև 2020 թվականը այդ թիվը աճելու է մինչև ավելի քան 50 միլիարդ առարկաների:

2. Նախագծերը ենթադրում են, որ առարկաների համացանցի շուկան ավելի շատ ապրանքներ է վաճառելու քան անձնական համակարգիչների, թաբլեթների և բջջային հեռախոսների շուկաները միասին վերցված:

3. Այնուամենայնիվ, հետազոտությունները ցույց են տալիս, որ ամերիկացիների մոտ կեսը տեղյակ չեն, որ, օրինակ սմարթ սառնարանները և տոստերները արդեն առկա են շուկայում:

4. Մյուս կողմից հարցումն անցած ամերիկացիների 69%-ը անհանգստացած են իրենց ինֆորմացիայի անվտանգության մասին:

5. Մենք նաև կարիք չունենք անհանգստանալու, որ IP հասցեները կարող են վերջանալ, քանի որ IPv6-ի նոր տարբերակը ունի այնքան շատ հասցեներ, որ երկրի վրա ցանկացած ատոմի բաժին կընկնի 100 IP հասցե:

6. 2012 թվականին մեքենաների միայն 10%-ն էր միացված համացանցին: Ըստ կանխատեսումների՝ մինչև 2020 թվականը այս թիվը կհասնի 90%-ի:

7. Ըստ Ջեներալ Էլէկտրիկի հաշվարկների, եթե առարկաների համացանցի տեխնոլոգիան կարողանա գազի և նավթի ուսումնասիրության զարգացումը գոնե մեկ տոկոսով ավելի էֆեկտիվ դարձնել, ապա նրանք կկարողանան խնայել 90 միլիարդ դոլար:

8. Ջեներալ Էլեկտրիկի ևս մեկ ուսումնասիրություն պարզել է, որ առարկաների համացանցը հաջորդ 20 տարիներում արդյունաբերության մեջ ունի 10-15 տրիլիոն դոլարով համաշխարհային ՀՆԱ-ն հարստացնելու նախադրյալ:

9. Ըստ Մորգան Ստենլիի հաշվարկների անվարորդ մեքենաները կարող են ԱՄՆ-ին բերել 1.3 տրիլիոն դոլար խնայողություն, իսկ համաշխարհային մասշտաբով՝ մոտ 5.6 տրիլիոն դոլար:

Եթե դուք կարծում եք, որ դուք կարող եք դիմակայել առարկաների համացանցին, ապա ամենայն հավանականությամբ դուք սխալվում եք:

Իսկ ի՞նչ կարծիք ունեք դուք առարկաների համացանցի մասին: Դուք արդեն ունե՞ք սմարթ սարք, որն աշխատում է համացանցի միջոցով: Իսկ չե՞ք անհանգստանում ձեր անձնական տվյալների անվտանգության մասին: Խորհուրդ կտանք մտածել այս ամենի շուրջ:

Նյութը հրապարակման պատրաստեց Past.am-ը: