Ինչպես անթերի տեսք ունենալ լուսանկարներում. մի քանի խորհուրդ

Մեզանից յուրաքանչյուրը, հայտնվելով լուսանկարչական ապարատի առջև, ի վերջո ցանկանում է տեսնել գերազանց արդյունք, չնայած՝ ստացված լուսանկարը ոչ միշտ է առաջացնում դրական զգացումներ: Շատերն էլ ընդհանրապես հրաժարվում են լուսանկարվելուց՝ պատճառաբանելով, որ ֆոտոգենիկ չեն:

Պարզվում է՝ ամեն ինչ այդքան էլ վատ չէ, որքան թվում է: Կան մի քանի խորհուրդներ, որոնք կօգնեն Ձեզ լինել ավելի ինքնավստահ և լուսանկարներում հրաշալի տեսք ունենալ:

1.Որպեսզի լուսանկարում հայացքն ավելի տպավորիչ լինի, իսկ աչքերն էլ տեսողականորեն մեծ թվան, ապա կզակը մի փոքր ցածր թողեք:

2.Մուգ հագուստը Ձեր կառուցվածքին կատարյալ տեսք չի հաղորդի, եթե Դուք լուսանկարվելու եք բաց ֆոնի ներքո: Նման իրավիճակում Դուք կստանաք հակառակ արդյունքը. ամեն ինչ շատ մարնամասն ու հստակ կերևա: Հիշեք՝ հետևի ֆոնը պետք է լինի մոտ Ձեր հագուստի գույնին:

3.Ցանկացած ոք լուսանկարում երևում է ավելի լայն դիմագծերով, քան իրականում է. սա օպտիկայի օրենքներից է: Եթե կողքով շրջվեք դեպի լուսանկարիչն ու ուղղեք իրանը, ապա լուսանկարում կունենաք Ձեր երազած անթերի կառուցվածքը:

4.Եթե ցածր հասակի հետ կապված բարդույթներ ունեք, ապա լուսանկարվելիս ուշադիր եղեք, որպեսզի շրջապատում չլինեն առարկաներ, որոնք կգերազանցեն Ձեր հասակը:

5.Նկարվելիս ուշադիր եղեք՝ ինչ դիրքով եք նկարվում, այնպես արեք, որ Ձեր դեմքի ստվերը ընկնի ներքև, հակառակ երևույթը, հնարավոր է, դիտողի մոտ առաջացնի տհաճ զգացողություններ:

6.Երկար քիթը, ոչ հաճախ անհանգստացնում է անգամ նրանց, ովքեր չունեն այդ խնդիրը. շատերն են անհանգստանում՝ քիթը կարող է փչացնել լուսանկարը: Ամենակարևորն ամեն ինչ արեք, որպեսզի խուսափեք քթի վրա ընկնող հնարավոր ստվերներից, ինչպես նաև ուշադիր եղեք՝ լույսը վերևից չընկնի:

7.Եթե մարդը նստած է, ոտքերը լուսանկարում հաստ կերևան, ուստի ոտքերը դրեք թաթերի վրա. դա կօգնի, որ ոտքերն ավելի բարակ և գեղեցիկ թվան:

Հաճելի ֆոտոսեսիա ենք մաղթում: