Համաշխարհային մաֆիայի ամենահեղինակավոր «կնքամայրերը»

Blognews.am-ը գրում է․

Երբ լսում ենք «մաֆիայի աշխարհի հեղինակություն» արտահայտությունը, միանգամից մտաբերում ենք «Կնքահայրը» ֆիլմի հերոսներԴոն Կարլեոնեին  և Տոնի Սոպրանոյին: Իրական հեղինակությունների անուններն էլ են մեր օրերում դարձել բավականին ճանաչելի ու տարածված, սակայն այդ շարքում գրեթե երբեք չեն հնչում կանացի անուններ: Այնինչ՝ պատմությունը ճանաչում է մաֆիայի աշխարհի բացարձակ հեղինակություններ համարվող մի քանի կանաց անուններ, որոնք են՝ Սոնկա Զոլոտայա Ռուչկա կամ էլ Մամաշա Բարկեր: Մեր օրերում էլ կան նման կանայք, որոնց «հրաշալի յոթնյակը» այսօր կներկայացնենք ձեր ուշադրությանը:

1.Կլաուդիա Օչաո Ֆելիքս

Ինստագրամի այս աստղը աշխարհում հայտնի է ոչ միայն իր անկեղծ լուսանկարներով: Այս նուրբ աղջիկը նաև հանդիսանում է մեքսիկական Los Ántrax հանցախմբի պարագլուխը:  Նրա ղեկավարած հանցախմբի խղճին են բազում ծանր հանցագործություններ, այդ թվում նաև պատվերով սպանություններ:Կլաուդիան հանցախմբի պարագլուխ դարձավ այն բանից հետո, երբ նրա բոյֆրենդ Արեչիգա Գամբոն, ով Los Ántrax հանցախմբի պարագլուխն էր, 3 հոգու սպանության գործով ձերբակալվեց, իսկ հետո նաև ազատազրկվեց: Սրանից հետո Կլաուդիան շարունակեց իր սիրելիի գործը ՝  այն էլ շատ ավելի դաժան ու սառնասիրտ նոր հանցանքներ հեղինակելով: Ի շնորհիվ իր խորամանկության ու խելացիության, ինչպես նաև թիկնապահների մի ամբողջ բանակի, Կլաուդիան առայսօր մնում է ազատության մեջ:

2. Աննա Գրիստինա

Մի քանի տարի առաջ ամերիկյան մամուլը ակտիվորեն քննարկում էր «վերին Իստ-Սայդի տիկնոջ» անունը: «Տիկին» հասկացությունն այս ենթատեքստում նշանակում էր «կավատ», որը ղեկավարում էր մի քանի հասարակաց տներ ու բարդելներ: Աննային կավատությունից զատ մեղադրում էին նաև մարդկանց առևտրի՝ թրաֆիկինգի մեջ:Բայց կար  մեկ կարևոր հանգամանք՝ Աննան նաև բազմազավակ մայր էր, այդ իսկ պատճառով դատարանը նրա համար սահմանեց ընդամենը կես տարվա ազատազրկում և հինգ տարի պայմանական:

3.Ռաֆայելլա Դե Ալտերիո

Պարզվում է՝ Նեոպոլիտանական մաֆիայում կան ոչ միայն կնքահայրեր, այլ նաև կնքամայրեր: Ռաֆայելլան ամենահին մաֆիոզ  խմբավորման՝ «Կամորրայի» պարագլուխը դարձավ այն բանից հետո, երբ իր ամուսինը՝ Նիկոլո Պիանեսը, որը տվյալ խմբավորման պարագլուխն էր, մահացավ: Երեք տարի առաջ Ռաֆայելլան ձերբակալվեց ռեկետ իրականացնելու ժամանակ: «Մեծ Փիսիկի» (այդպես են նրան կոչում մաֆիայի աշխարհում) տան խուզարկության ժամանակ միայն առձեռն 10 մլն դոլլար գումար է առգրավվել, իսկ նրա հանցախմբի 30 տարվա գործունեության արդյունքը մոտ 4000 (չորս հազար) սպանություն էր: Ռաֆայելլան մեղադրվեց նաև թմրանյութերի առուվաճառքի հոդվածով, ուստի դժվար չէ կանխատեսել, որ նրա ազատազրկման  պատժաչափն ավելի երակար կլինի, քան կյանքը, որ պիտի ապրի:

4.Ջուդի Մորան

Այս տեսքից անմեղ թվացող թոշակառուն իրականում ավստրալական հանցավոր կլանի՝ «Մորանոյի» պարագլուխն է: «Մորանոն» կանաչ մայրցամաքի  ամենահայտնի ու ամենահեղինակավոր հանցախումբն է, որը զբաղվում է թմրանյութերի առք ու վաճառքով: Բայց սա միակ ուղղությունը չէ, որով զբաղվում է  այս բանդան: Ջուլիան այս հանցախմբում իր հեղինակությունը ժառանգել է ամուսնուց՝ Լեսլի Կոուլից, որի մահից հետո նա ամուսնացավ հանցախմբի պարագլուխ դարձած Լյուիս Մորանոյի հետ, իսկ նրա մահից հետո էլ դարձավ մաֆիայի պարագլուխը: Հարկ է նշել, որ իր երկու ամուսիններից էլ Ջուլիան ունեցել էր երկու որդի, որոնք սակայն ևս զոհվել են  փոխրհաձգությունների արդյունքում: Ջուլիան ձերբակալվել է 2009թ  և դատապարտվել 27 տարվա ազատազրկման:

5.Սանդրա Ավիլա Բելտրան

The Queen of the Pacific-խաղաղօվկիանոսյան թագուհի ՝ այսպիսի անուն ունի մաֆիայի  աշխարհում Սանդրա Բելտրանը, որը համաշխարհային մաֆիայի շրջանակներում հայտնի է որպես չափազանց խելացի, խորամանկ հանցագործ, ով երբեք ու ոչ մի տեղ ոչ մի հանցահետք չի թողնում: Սանդրան երկու անգամ ամուսնացած է եղել, ընդ որում, երկու անգամ էլ նրա ամւոսինները նախկին ոստիկաններ են եղել, որոնք գումարի դիմաց վերածվել էին մարդասպանների ու այդպիսով պաշտոնանկ արվել և դատապարտվել:Սանդրային անհնար էր ձերբակալել, եթե այդ հարցում ոստիկանությանը «չօգնեին» թմրանյութերի վաճառքով զբաղվող այլ հանցավոր մրցակիցներ, որոնք էլ այսպես ասած ՝ «սարքեցին» Սանդրայի գլխին: Նրանք փախցրեցին սանդրայի երեխային: Սեփական ուժերով ոչ մի կերպ երեխային ետ վերադարձնելու գործը ձախողելուց հետո, հուսահատ մայրը դիմում է ծայրահեղ քայլի ՝ նա միայնակ տնային տնտեսուհու կերպարի ներքո դիմում է ոստիկանությանը և փաստորեն սեփական ճակատագրի վրա քար է գցում, որովհետև ոստիկանությունը շուտով բացահայտում է Սանդրայի իրական դեմքը:

6.Մարիա Լիչարդի

Նեոպոլիտանական մաֆիայի ևս մեկ կնքամայր, ով կարողացավ իր կործանվող բանդան փրկել նոր բիզնես ձեռնարկելով, այն է ՝ թրաֆիկինգ և սեքս-ծառայություններ մատակարարող  ցանց: Հանցախումբը ալբանական մաֆիայից գնում էր անչափահաս աղջնակների և այնուհետև նրանց մի քանի անգամ թանկ գնով վաճառում սեքս-գերության Իտալիայում: Իսկ այն աղջիկները, որոնք գնորդներ չունեին, սպանվում էին:

7.Մարիա Լեոն

Մարիայի հանցավոր կյանքը վառ էր ու տպավորիչ: Մաֆիայի պարագլուխ լինելը նրան չխանգարեց 13 երեխա ծննդաբերել: Մարիայի գլխավորած բանդան կատարում էր ծանրագույն հանցանքներ ՝ սպանություն, թրաֆիկինգ, թմրանյութերի առք ու վաճառք: Այս բանդան սարսափի մեջ էր պահում ողջ Լոս-Անջելեսը: Նրան ձերբակալելը երկար ժամանակ չէր հաջողվում միայն այն բանի համար, որ Մարիան գտնվում էր մեքսիկական մաֆիայի  հովանու տակ: 2008թ. Խուլիգանական փոխրհաձգության արդյունքում սպանվում է Մարիայի որիդիներից մեկը: Մարիան Մեքսիկայից վերադառնում է Լոս-Անջելես, որպեսզի մասնակցի որդու թաղմանը, և ձերբակալվում է:

Նյութը՝ Արմինե Հայրապետյանի