Բարձրակրունկ կոշիկների օգտակար հատկությունները

Բոլորդ էլ կհամաձայնեք, որ մի զույգ բարձրակրունկները ինքնավստահ զգալու հրաշալի միջոց է: Սակայն խուսափելով ցավացող ոտքերից, ձգված կոճերից և վատ կեցվածքից՝ շատ կանայք նախընտրում են կրել ավելի ցածր և հարմարավետ կոշիկներ:

Պարզվում է, որ բարձրակրունկներ կրող կանանց համար շատ լավ լուր կա. ֆիզիոթերապևտ Ջոլին Շերն ասում է, որ բարձրակրունկեր հագնելը վնասակար չէ ողնաշարին:

Ավելին, կան բարձրակրունկների որոշ տեսակներ, որոնք իրականում շատ ավելի լավ են ձեզ համար, քան հարթ կոշիկները:

Ջոլին Շերն ասում է. «Կրունկով կոշիկ հագնելը կարող է պաշտպանել ձեր մեջքը և ոտքերը, քանի որ այն, ոտնաթաթի կամար ստեղծելով, օգնում է ձեզ: Իսկ հարթ կոշիկները, ընդհակառակը, շատ վատ են ձեր ոտքերի և կեցվածքի համար:»

Ըստ Շերի՝ մի քանի միջոցներ կան, որոնք կարող են ավելի հեշտացնել բարձրակրունկեր հագնելը և իհարկե պաշտպանել մեր կոճերը, ոտքերը և մեջքը:

Past.am-ը ներկայացնում է մի քանի խորհուրդներ՝ հարմարավետ բարձրակրունկեր հագնելու համար:

1. Ինչքան լայն, այնքան ավելի լավ

   

Ամեն օր հագնելու համար լայն կրունկով և թաթով կոշիկները շատ հարմարավետ կլինեն ձեր ոտքի մատների համար, քանի որ դրանք չեն սեղմվի, իսկ ձեր քաշը ավելի հավասարակշռված կլինի:

2. Ցածր կրունկներ

Ցածր կրունկ ասելով պետք է հասկանալ կոշիկի թաթի հատվածի ոչ շատ թեքվածություն և թաթերի ոչ ուղղաձիգ վիճակ, ինչի շնորհիվ ձեր ոտքի մատներն ու մեջքը չեն լարվում:

3. Հարմարավետության բարձիկ

   

   Բազմաթիվ կոշիկներ բարձիկներ ունեն, որոնք կարող ենք օգնել հանգստացնել ձեր ոտնաթաթերը: Իսկ եթե կոշիկները բարձիկներ չունեն, ուրեմն ոտքի տակ դնելու փափուկ հարմարանքներ տեղադրեք, որպեսզի ձեր ոտքերը չհոգնեն և իրենց հարմարավետ զգան:

4. Բշտիկներ կարող են առաջանալ նաև հարթ կոշիկներից

   Անկախ բարձրությունից՝ կոճին սեղմող կոշիկները կարող են բշտիկներ առաջացնել:
   Սա կարող է բերել մինչև այտուցվածության և բորբոքման: Այնուամենայնիվ, գեղեցիկ կոշիկ հագնելիս մենք միշտ էլ զոհաբերում ենք ինքներս մեզ:

5. Հաստ կրունկներ

   

   Եթե որոշել եք հաստատ բարձրակրունկ հագնել, ապա ընտրեք հաստ կրունկներ: Բարակ կրունկներով կոշիկները կարող են շատ ոճային և նուրբ լինել, սակայն դրանք սեղմում են ձեր ոտնաթաթերն ու կրունկները և դժվարացնում հավասարակշռությունը:

Շատ բարձր կրունկներով քայլել նշանակում է ամբողջ օրը միայն ոտքերի մատների վրա քայլել, ինչը պատկերացնելը միայն սարսափելի է: Բացի այդ՝ 13-15 սմ կրունկի բարձրություն ունեցող կոշիկներով դուք հրաշալի տեսք կունենաք, սակայն այդպես դուք ողջ լարումը կկենտրոնացնում եք ոտնաթաթերի վրա և այդպես կբորբոքեք դրանց շրջապատող նյարդերը և ոսկորները:

6. Շատ բարձր կրունկներ կրելու դեպքում ձեռքի տակ ունեցեք մի զույգ ցածր կոշիկներ:

7. Մարզեք ձեր ոտքերը

   Բարձրակրունկները կրելուց 15-30 րոպե առաջ մարզեք ձեր ոտքերը, որպեսզի դրանք պատրաստ լինեն քայլել բարձրակրունկների վրա:

   Նյութը հրապարակման պատրաստեց Past.am-ը: