Երկրներ, որտեղ հանգստանալը և մատչելի է, և հաճելի. լուսանկարներ

Խնայողությունը պատճառ չէ, որպեսզի ամառային արձակուրդը տանն անցկացնեք: Կան այնպիսի երկրներ, որտեղ հանգստանալը և մատչելի է, և հաճելի: Պարզապես պետք է գործի դնել հնարամտությունը և ճանապարհորդությունից առաջ մի լավ ուսումնասիրելզբոսաշրջային ընկերությունների առաջարկները: Ներկայացնում ենք այն երկրների ցանկը, որոնք իրենց արժեքով առավել մատչելի են տուրիզմի տեսակետից:

Ինդոնեզիա

Ինդոնեզիայում կարելի է ոչ միայն ուտել, այլև աղոթել և սիրել: Այստեղ կան մի շարք հետաքրքրություն ներկայացնող վայրեր, որտեղ կարելի է քիչ բյուջով այցելել:

Ինդոնեզիայում 1-10 դոլարով հնարավոր է մի կուշտ սնվել, իսկ 6-25 դոլար օրավարձովայնպիսի սենյակ վարձել, որը զինված է բոլոր անհրաժեշտ հարմարություններով:Տրանսպորտի ծախսը մեկ ամսվա համար կկազմի 100-150 դոլար:

Կամբոջա

Կամբոջան այն երկրներից է, որտեղ կարելի է գումար խնայել, բայց միաժամանակ լավ հանգստանալ: Անգամ եթե այցելեք այնպիսի տեսարժան վայրեր, ինչպիսին է Անգկոր Վատը,միևնույնն է, հազիվ թե օրը 20 դոլարից ավելի ծախսեք այս երկրում:

Կամբոջայում օրական 10-20 դոլարով կարելի է սենյակ վարձել, իսկ թանկարժեք ռեստորանում ճաշելն այստեղ կարժենա 10-12 դոլար:

Ռումինիա

Ռումինիան զբոսաշրջության համար ամենաէժան երկրներից մեկն է: Այստեղ մի քանի օրվա համար սենյակ հնարավոր է վարձել 140-150 եվրոյով, իսկ տրանսպորտի վրա ծախսել ընդամենը 1 եվրո: Ինչ վերաբերում է սնունդին, ապա Ռումինիայում 3-6 եվրոն բավարար է կուշտ ուտելու համար:

Վիետնամ

Վիետնամը մշակութային ու պատմական մեծ արժեք է ներկայացնում։ Ճանապարհորդներըսիրում են ժամանակ անցկացնել Վիետնամի լողափերում, ազգային արգելոցներում,թանգարաններում ու ռեստորաններում, որտեղ հնարավորություն կունենաք մոտիկիցծանոթանալ վիետնամական համեղ ճաշատեսակներին։ Այստեղ կարելի է սենյակ վարձել 6-10 դոլար օրավարձով, սնվել՝ 1-5 դոլարով:

Լաոս

Լաոսը Հարավարևելյան Ասիայի մեկ այլ մատչելի երկիր է։ Լաոսում ճանապարհորդելիսպարզեք, թե որտեղ են հանգրվանում ուսապայուսակով ճամփորդողները՝ այսպես կոչված«backpacker»-ները։ Հենց նրանց կողմից վարձակալվող սենյակներն են ամենամատչելին,սակայն դրանք զարմացնում են ոչ միայն իրենց ցածր գնով, այլև հարմարավետությամբ ուժամանակակից դիզայնով։ Այստեղ սենյակների օրավարձը կազմում է 9-10 դոլար:

Լաոսում կարող եք ընթրել 1-5 դոլարով, իսկ հեծանիվ վարձել՝ 9-11 դոլարով:

Թաիլանդ

Թեև Թաիլանդը զբոսաշրջիկների շրջանում հայտնի է և Ասիայի այլ երկրների համեմատ փոքր-ինչ թանկ երկիր է, այդուհանդերձ, Թաիլանդում գներն ի տարբերություն եվրոպական մի շարք երկրների, համեմատաբար էժան են: Այն հարուստ է կղզիներով ու լողափնյաառողջարաններով: Հատկապես տեսարժան են Պհուկետ կղզին, Պհի-Պհի կղզեխումբը և բուդդայական տաճարները: Թաիլանդում կարելի է սենյակ վարձել ամսական 160-320դոլարով: Չպետք է հրաժարվել նաև թաիլանդական մերսումից, որն արժե 5 դոլար մեկ ժամվա համար:

Հնդկաստան

Հնդկաստանը հայտնի է իր հրաշագեղ բնությամբ՝ ջրվեժներով, լճերով, անապատներով, տաճարներով, հնագույն քարանձավներով և այլ գեղատեսիլ վայրերով: Այցելել Հնդկաստան և չտեսնել Թաջ Մահալը, կարելի է ասել, որ դուք Հնդկաստանում չեք եղել: Իսկ Թաջ Մահալը տեսնելու համար ձեզ հարկավոր է ընդամենը 13 դոլար:

Այստեղ կարող եք սնվել ընդամենը 2 դոլարով, իսկ մեկ ամսվա համար սենյակ վարձակալելու համար դուք կարող եք հատկացնել 100-110 դոլար: Մեկ ամսվա համար տրանսպորտի վրա կծախսեք 63-79 դոլար, ինչը այլ երկրների համեմատ բավականին էժան է: Այնպես որ, ճանապարհրոդության համար Հնդկաստանը հիանալի վայր է:

Նեպալ

Նեպալում օրական 5 դոլարով կարող եք հիանալի հանգիստ կազմակերպել:

Բուլղարիա

Ամառային հանգստի ամենամատչելի երկրների թվում է նաև Բուլղարիան։ Բուլղարիայիսևծովյան հանգստավայրերն ամեն տարի հազարավոր զբոսաշրջիկների են գրավումաշխարհի տարբեր ծայրերից։

Բուլղարիայում ռեստորանում ճաշելու համար կծախսեք 15 եվրո, իսկ այլ սրճարաններում՝ միջինը 5 եվրո: Այստեղ 5-50 դոլարով կարող եք սենյակ վարձել, իսկ տաքսիով երթևեկելուհամար ձեզանից կպահանջվի 0,4-0,5 եվրո մեկ կմ-ի համար:

Չինաստան

Չինաստանի գյուղական բնությունը կզարմացնի Ձեզ իր անառիկ գեղեցկությամբ։ Այստեղմեկանգամյա սնունդը 1-4 դոլար արժե, իսկ քաղաքային փոխադրամիջոցներով երթևեկելուվրա 1 դոլարից էլ քիչ գումար կծախսեք։ Բնակարանավարձն այստեղ նույնպես հարմար էմիջին խավի մարդկանց համար։ Այստեղ հնարավոր է կարգին սենյակ վարձել 20-25դոլարով։

Աղբյուրը՝ Slaq.am