Սիրիական զորքերը դիմագրավել են զինյալների հարձակումը Հալեպի հարավում

Սիրիական բանակի մարտիկները եւ աշխարհազորայինները օգոստոսի 12-ին վերադարձրել են վերահսկողությունը Հալեպից (Դամասկոսից 360 կիլոմետր հեռավորությամբ) հարավ Էլ Գազալյան արգելոցի մերձակայքում կորցրած իրենց դիրքերի նկատմամբ: Այդ մասին հայտնել Է «Ալ Մայադին» հեռուստաալիքը:

Նրա տեղեկությունների համաձայն՝ զորքերն այս շրջանում հետ են մղել հակառակորդի վտանգավոր գրոհը: «Ջեյշ ալ Ֆաթհ» զինված կոալիցիայի ելուզակախմբերը նետվում Էին դեպի Հանասիր Աթրայա խճուղի, այսպես կոչված կյանքի ճանապարհ, որը Հալեպը կապում Է Համայի եւ Դամասկոսի հետ:

«Հակառակորդը ճեղքման ուղղությամբ գործի Էր դրել խոշոր ուժեր, եւ օգոստոսի 11-ին կառավարական ուժերը խճուղուց դեպի արեւմուտք թողել Էին դիրքերը Էլ Գազալյանում,-հայտնել Է գործողությանը մասնակցած սիրիացի սպաներից մեկը:-Սակայն օգոստոսի 12-ին ձեռնարկված հակագրոհի ընթացքում մարտիկներն այնտեղից դուրս են քշել ահաբեկիչներին»:

Ինչպես տեղեկացնում Է «Ալ Մայադին»-ը, սիրիական ռազմաօդային ուժերն օգոստոսի 12-ինելուզակային կազմավորումների կրակակետերին հարվածներ են հասցրել Հալեպի հին մասում, ինչպես նաեւ Բուստան Էլ Քասրի շրջանում: Այնտեղից զինյալները գնդակոծում են քաղաքի խաղաղ թաղամասերը, որոնք գտնվում են սիրիական բանակի պաշտպանության ներքո:

Օգոստոսի 11-ին Էլ Համդանիում, որտեղ ականներ են պայթել, զոհվել Է չորս մարդ, այդ թվում՝ մեկ դեռահաս: Քաղաքի բժշկական վարչության տեղեկությունների համաձայն, հուլիսի 31-ից Հալեպի գնդակոծումների զոհ Է դարձել 155 բնակիչ, նրանց թվում՝ 48 երեխա եւ 31 կին: Վիրավորների թիվը հասել Է 721-ի:

Սիրիայի ռազմաօդային ուժերը ներկայում «Ջեյշ ալ Ֆաթհ»-ի դիրքերի վրա գրոհում են Ռամուսա, Էլ Ամիրիա եւ Խան Թոուման արվարձաններում: Կատաղի մարտական բախումներ են ընթանում քաղաքի հարավում՝ ռազմական ուսումնարանների համալիրի մատույցներում, որը ելուզակների կողմից գրավվել Էր անցած շաբաթ: Կառավարական ուժերին հաջողվել Է մի շարք վայրերում նպաստավոր դիրքեր գրավել՝ այնտեղից դուրս մղելով զինյալներին, հաղորդել Է ՏԱՍՍ-ը: