Ճապոնիայի կրթական համակարգի 10 առանձնահատկությունները

Ճապոնացիները հայտնի են ողջ աշխարհում իրենց ինտելեկտով, անկոտրում առողջությամբ և քաղաքավարությամբ: Սակայն ի՞նչն է պատճառը, որ այս ազգը այսքան տարբերվում է ողջ աշխարհից: Մենք ունենք դրա պատասխանը. Ճապոնիան ունի հրաշալի կրթական համակարգ:

1. Վարվելակերպ գիտելիքից առաջ

   

   Ճապոնական դպրոցներում աշակերտները մինչև 4-րդ դասարան հասնելը ոչ մի քննություն չեն հանձնում(մինչև 10 տարեկան լրանալը): Նրանք ուղղակի փոքրիկ թեստեր են անցնում: Դպրոցում առաջին երեք տարիների նպատակը ոչ թե երեխաների գիտելիքը գնահատելն է, այլ նրանց լավ վարվելաձև սովորեցնելն ու մարդկային լավ հատկություններ զարգացնելն է: Երեխաներին սովորեցնում են հարգել միմյանց և մեղմ լինել կենդանիների և բնության հանդեպ: Նրանք նաև սովորում են լինել առատաձեռն և կարեկցող: Բացի այդ երեխաներին սովորեցնում են այնպիսի որակների, ինչպիսիք են հաստատակամությունը, ինքնակառավարումը և արդարությունը:

2. Ուսումնական տարին սկսվում է Ապրիլի 1-ին

   

Նրանց մոտ դպրոցական առաջին օրը հաճախ համընկնում է նրանց մոտ ամենագեղեցիկ երևույթի՝ բալենու ծաղկման հետ: Ուսումնական տարին բաժանված է 3 մասի՝ ապրիլի 1 – հուլիսի 20, սեպտեմբերի 1 – դեկտեմբերի 26, և հունվարի 7 – մարտի 26: Ճապոնացի դպրոցականներն ամռանն ունենում են 6 շաբաթ տևողությամբ արձակուրդ: Նրանք նաև ունեն 2 շաբաթական արձակուրդներ ձմռանը և գարնանը:

3. Ճապոնական շատ դպրոցներ չունեն հավաքարարներ. աշակերտներն են մաքրում իրենց դպրոցը

   

Ճապոնական դպրոցներում աշակերտներն են մաքրում իրենց դասասենյակները, ճաշարանը և նույնիսկ զուգարանները: Ճապոնիայի կրթական համակարգը համարում է, որ աշակերտներին նման աշխատանք տալով նրանք սովորեցնում են նրանց աշխատել խմբի մեջ և օգնել միմյանց: Բացի այդ իրենց ժամանակը մաքրությանը տրամադրելով՝ երեխաները սկսում են հարգել իրենց և դիմացինի արած աշխատանքը:

4. Ճապոնական դպրոցներում լանչը բոլորի համար նույնն է, և երեխաներն ուտում են դասասենյակում:

   

   Ճապոնական դպրոցներն աշխատում են իրենց աշակերտներին մատուցել միայն առողջ և օգտակար սնունդ: Աշակերտներն իրենց լանչն ուտում են դասասենյակում՝ ուսուցչի հետ: Այդպես նրանք ավելի լավ հարաբերություններ են ստեղծում միմյանց հետ:

5. Արտադասարանային աշխատանքները շատ տարածված են Ճապոնիայում:

   

    

   Ճապոնիայում մարդիկ չեն զարմանում, երբ տեսնում են, որ երեխան երեկոյան կրկին վերադառնում է դպրոց, քանի որ նա գալիս է արտադասարանային հավելյալ դասերի:

6. Բացի ավանդական և պարտադիր դասերից, ճապոնացի երեխաները նաև սովորում են ճապոնական գեղագրություն և պոեզիա

   

   Ճապոնական գեղագրությունը կամ Շոդոն ներառում է թանաքով բամբուկի վրձնով բրնձի թղթի վրա հիերոգլիֆներ գրելը: Ճապոնացիների համար Շոդոն արվեստ է, որ պակաս հայտնի չէ, քան նկարչությունը: Իսկ Հաիկուն պոեզիայի տեսակ է, որ օգտագործում է պարզ բայց խորիմաստ արտահայտություններ, որոնք ընթերցողի մոտ խորը զգացմունքներ են առաջացնում: Այս երկու դասերն էլ սովորեցնում են երեխաներին հարգել իրենց սեփական մշակույթը և դարավոր ավանդույթները:

7. Գրեթե բոլոր ճապոնացի աշակերտները դպրոցական համազգեստ են կրում:

   

Սրա գլխավոր նպատակն է վերացնել աշակերտների միջև բոլոր սոցիալական տարբերությունները և նրանց մոտ աշխատանքային տրամադրություն ստեղծել:

8. Դպրոցական հաճախելիությունը 99.99% է կազմում:

   

   Ճապոնացի դպրոցականները երբեք չեն ուշանում դասերից, առավել ևս չեն թողնում ոչ մի դաս: Նրանց 91% -ն ասում է, որ նրանք միշտ լսում են իրենց ուսուցիչների դասերը:

9. Միայն մեկ թեստը որոշում է ուսանողների ապագան

   

   Ավագ դպրոցի վերջին տարում ճապոնացի աշակերտները մի կարևոր թեստ են հանձնում, որն էլ որոշում է նրանց ապագան: Աշակերտը կարող է մի համալսարան ընտրել և այդ համալսարանն առաջարկում է իր անցողիկ բալերը: Եթե ուսանողը այդ թեստը հանձնելով չի բավարարում այդ համալսարանի առաջարկած անցողիկ բալը, ուրեմն նա չի ընդունվում: Մրցակցությունը շատ թեժ է. շրջանավարտների միայն 76%-ն է իր կրթությունը շարունակում ավագ դպրոցից հետո:

10. Ուսանողական տարիներն ամենալավ արձակուրդներն են

    

    Անցնելով դպրոցի ավարտական քննության դժոխային շրջանը՝ ճապոնացի աշակերտները հանգստանում են: Ճապոնիայում ուսանողական կյանքը համարվում է մարդու կյանքի ամենալավ տարիները: Ճապոնացիներն այն անվանում են «հանգիստ աշխատանքից առաջ»:

    Նյութը հրապարակման պատրաստեց Past.am-ը: