Ի՞նչ տեսք ունեն բնակարանները տարբեր երկրներում

Հաճախ մենք ֆիլմերում կամ ամսագրերում տեսնում ենք շքեղ ինտերիերով գեղեցիկ առանձնատներ և հիանում ենք դրանց դիզայնով: Մեդիայի շնորհիվ մենք հնարավորութւուն ունենք տեսնելու, թե ինչ տեսք ունեն աշխարհի տարբեր ծայրերում ապրող մարդկանց բնակարանները: Սակայն հաճախ մենք չենք գիտակցում, որ այն ամենն, ինչ մենք տեսնում ենք էկրաններին, կարող են զգալիորեն տարբերվել իրականությունից:

Ձեզ ենք ներկայացնում բնակարաններ՝ աշխարհի տարբեր երկրներից:

1. Ճապոնիա

   

Տոկիոն ամենաթանկ և ամենախիտ բնակչությամբ քաղաքներից մեկն է: Հենց այդ պատճառով էլ միայն հարուստ մարդիկ կարող են այդտեղ ապրել մեծ և ընդարձակ տներում, իսկ մեծամասնությունը Ճապոնիայում ապրում են փոքրիկ բնակարաներում: Տան միակ մեկ սենյակը թե՛ ննջարան է, թե՛ հյուրասենյակ և թե՛ ճաշասենյակ:

2. Իսպանիա

   

   

   
   Շատերն Իսպանիայում նախընտրում են ապրել բնակարաններում: Ահա թե ինչ տեսք ունեն դրանցից շատերը:

Իսպանիայում բնակարանների պատերը հիմնականում սպիտակ են, քարե հատակ ունեն, իսկ պատուհանները փեղկերով են: Ինտերիերի այդ տարրերը օգնում են մարդկանց պայքարել այնտեղի շոգ ամառային եղանակի դեմ: Սակայն հաճախ ձմռանը այդ բնակարաններում շատ ցուրտ է: Բնակարանները տաքացնում են էլեկտրական տաքացուցիչներով, սակայն քանի որ Իսպանիան եվրոպական երկրների մեջ ամենաբարձր էլեկտրականության սակագներից ունեցողներից է, տունը էլեկտրական վառարանով տաքացնելը արդյունավետ որոշում չի համարվում:

3. Շվեդիա

   

   
   Շվեդիայում ամենատարածված բնակելի շենքերն այսպիսի տեսք ունեն: Շվեդական շենքերի յուրահատկությունն այն է, որ այս շենքերում շատ արդյունավետ են օգտագործվում նկուղային հարկերը. Դրանք օգտագործվում են որպես հեծանիվների պահոց, որպես լվացքի սենյակ կամ էլ մարզասենյակ: Իսկ բնակարանները տարբերվում են իրենց վառ ինտերիերով:

4. Մեծ Բրիտանիա

   

   
   Շատ անգլիացիներ խուսափում են բնակվել շենքերում: Նրանք նախընտրում են բնակվել քաղաքից դուրս՝ նման տներում: Այս տների բնակիչները փորձում են ամեն կերպ տաք պահել իրենց տունը. բուխարիները գրեթե պարտադիր պայման են այդ տներում: Իսկ բոլոր սենյակները ծածկված են գորգերով:

5. Հարավային Կորեա

   

   
   Հարավային Կորեայի բնակչության մոտ 80%-ն ապրում է բարձրահարկ շենքերում: Կորեական շենքերի յուրահատկությունն այն է, որ դրանք ունեն շատ մեծ համարակալումներ, որ տեսանելի են նաև հեռվից:

Հետաքրքիր է, որ կորեական բնակարանները չունեն նախասենյակներ:Սենյակները բավականին փոքր են, սակայն շատ լուսավոր են: Ինչպես նաև չկան լոգանքի համար սենյակներ: Դրանք գտնվում են շենքի հատուկ լոգանքների հարկում:

6. Ավստրալիա

   

   
   Բնակչության մեծ մասն ապրում է առանձնատներում, սակայն 30%-ը նախընտրում է բնակվել բնակարաներում: Այս երկրում տների միջին չափը 80-120 ք/մ է: Գրեթե բոլոր դռները պատրաստված են ապակուց:

7. Հնդկաստան

   

   
   Եթե ընտանիքը հարուստ է, ապա նրանք ապրում են մեծ այգի ունեցող երկու հարկանի առանձնատներում: Հնդկական տների ինտերիերը ժամանակակից Արևմուտքի և Արևելքի ոճերի խառնուրդն է: Կանանց սենյակների պատուհանները բացվում են դեպի տան հետևի այգին, քանի որ նրանք իրավունք չունեն նայել պատուհանից:

8. Կուբա

   

   
   Այստեղ տները հիմնականում կառուցվում են բետոնից և ունեն 1 կամ 2 հարկ: Տները հիմնականում չունեն ապակե պատուհաններ: Դրա փոխարեն մարդիկ օգտագործում են փայտե կամ մետաղական փեղկեր: Հավանայի բնակարանները հրաշալի ինտերիեր ունեն. գաղութային ոճով, բարձր առաստաղներով, հնաոճ կահույքով այս տները կարծես իսկական գլուխգործոցներ լինեն:

9. ԱՄՆ

   
   ԱՄՆ-ն համարվում է միջինում մեկ անձի համար ամենամեծ բնակարանային տարածություն ապահովող երկրներից մեկը: Այստեղ ընդունված է, որ ննջարանների թիվը պետք է համապատասխանի սանհանգույցների թվին:

 

 

Նյութը հրապարակման պատրաստեց՝ Past.am-ը: