Խրճիթ, տնակ, ինքնաթիռ. 10 հյուրանոց հայտնի ֆիլմերից և սերիալներից

Բոինգը ծառի վրա «Կորուսյալներից», Հոբբիթների խրճիթներ, տնակ «Դաունթոն աբբայությունից» և այլ հյուրանոցներ, որտեղ կարող եք ձեզ զգալ սիրելի ֆիլմի և սերիալի հերոս:

Wizard Chambers համարներ  The Georgian House հյուրանոցում Հարրի Փոթերի սիրահարների համար
(Լոնդոն, Անգլիա)

Հնագույն լոնդոնյան «The Georgian House» հյուրանոցում, որը բացվել է 160 տարի առաջ, 2014 թվականի աշնանը բացվել են համարներ Հարրի Փոթերի սիրահարների համար: Wizard Chambers համարները ձևավորված են Հոգվարթս ամրոցի ոճով: Համարներում կան հովարներով մահճակալներ, կաթսաներ, հին կոճղեր և նույնիսկ կախարդանքով գրքեր և շշեր: Այս համարներում մնալու արժեքը երկուսի համար կազմում է 209 ֆունտ:

Hotel Mi Norte կինոմանների համար
(Ռիբադեո, Իսպանիա)

Իսպանական Ռիբադեո քաղաքի մոտակայքում 2012 թվականին բացվել է հյուրանոց կինոմանների համար` Mi Norte: Հյուրանոցի յուրաքանչյուր համար ձևավորված է այս կամ այն կինոյի ոճով: Ռոմանտիկ պատմությունների սիրահարները կարող են գիշերել  «Ամելի» համարում, լրտեսական սագաների սիրահարները՝ «Ջեյմս Բոնդում», իսկ տխուր ավարտով պատմությունների սիրահարները՝ «Ռոմեո և Ջուլիետա» համարներում: Կիսաքանդ շենքը թեմատիկ հյուրանոցի է վերածել Քրիստինա Տորվիսոն, ում շենքը հասել է ժառանգությամբ: Հյուրանոցում կա ընդհանուր առմամբ տասը համար, իսկ համարներ կարելի է ամրագրել  www.booking.com կայքում:

Hotel Costa Verde հյուրանոց «Lost» սերիալի սիրահարների համար
(Մանուել Անտոնիո ազգային պարկ, Կոստա Ռիկա)

«Lost» սերիալի յուրաքանչյուր երկրպագու հիշում է, որ առաջին սեզոնը սկսվում է Սիդնեյ-Լոս Անջելես չվերթի վթարով, ինչից հետո հերոսները հայտնվում են արևադարձային կղզում: Գիշերել ջունգլիներում ծառից կախված բոինգում առաջարկում է Costa Verde հյուրանոցը: Հյուրանոց են դարձրել 1965 թվականին արտադրված ինքնաթիռի սրահը: Իր նախկին կյանքում  «Բոինգը» իրականացրել է չվերթներ հարավային Աֆրիկայից դեպի Կոլումբիա և հակառակը: Ինքնաթիռի ներսում տեղավորվել են երկու սենյակ՝ կահավորված ձեռագործ կահույքով, օդափոխիչով, հեռուստացույցներով, լոգասենյակով և սանհանգույցով: «Բոինգի» թևին կա բացօթիկ:

Քեմփինգ «Մատանիների տիրակալ»-ի սիրահարների համար
(Գեվերսդուիլ, Հոլանդիա)

2013 թվականի մարտին հյուրերին սկսեց ընդունել Hobbit House քեմփինգը, որը գտնվում է հոլանդական Գեվերսդուիլ քաղաքում: Այստեղ կարելի է բնակվել հոբբիթների իսկական հողե տնակներում՝տանիքի անցքերով և մեծ կլոր պատուհաններով և դռներով: «Հոբբիթյան բների» ներսում կա խոհանոց, ննջասենյակ և փոքրիկ լոգասենյակ: Չնայած նրան, որ  Hobbit House-ը ներկայանում է՝ որպես քեմփինգ, այստեղ բնակվելու արժեքը բավականին բարձր է՝սկսած 296 եվրոյից:

Տնակ  «Դաունթոն աբբայություն» սերիալի սիրահարների համար հայքլեր ամրոցի տարածքում
(Բերքշիր կոմսություն, Մեծ Բրիտանիա)

Այս տարվա գարնանից սկսած բոլոր ցանկացողները կարող են վարձակալել տնակ Բերքշիր կոմսության Հայքլեր ամրոցի տարածքում, որտեղ տեղի են ունենում հայտնի բրիտանական «Դաունթոն աբբայություն» սերիալի նկարահանումները: Մինի հյուրանոցը կազմված կլինի ընդամենը երկու համարից: Հայքլեր ամրոցի սեփականատերեր կոմս և կոմսուհի Կարնարվոնները ներսում վերականգնել են հին ինտերիերը՝ փայտի վառարանով, զգեստապահարանով, լոգասենյակով և խոհանոցով: Տնակում բնակությունը մատչելի հաճույք չէ: Մեկ գիշերվա բնակության արժեքը կազմում է  350 ֆունտ:

«Ալյոշա Պոպովիչ բակ» վիպական երգերի սիրահարների համար
(Յարոսլավլ, Ռուսաստան)

Յարոսլավլում գործում է հյուրանոց ռուսական վիպական երգերի սիրահարների համար: «Алеша Попович двор» հյուրանոցի ստեղծման գաղափարը ծնվել է Ռոստով Մեծի ծննդյան  1150-ամյակի տոնակատարության ժամանակ, որն անվանում են էպիկական հերոսների ծննդավայր: Ճիշտ է՝ հյուրանոցը արդյունքում բացվեց Յարոսլավլում՝ քաղաքի պատմական կենտրոնում: «Алеша Попович двор» համալիրի բոլոր համարները ունեն թեմատիկ անվանում՝ «Դոբրինյա Նիկիտիչ», «Իլյա Մուրոմեց», «Յարոսլավ Մուդրիյ» և այլն: Հյուրանոցում գործում է Ղրիմի խոհանոցով ռեստորան: Բնակության արժեքը սկսվում է 2600 ռուբլուց:

Համար Ջեյմս Բոնդի սիրահարների համար փարիզյան  Seven by Elegancia հյուրանոցում
(Փարիզ, Ֆրանսիա)

Փարիզյան Hotel Seven by Elegancia հյուրանոցում յուրաքանչյուր համարը ձևավորված է յուրովի: Այստեղ կարելի է գիշերել Մարիա Անտուանետայի զարդախուցի ոճով սենյակում, «Կաբարե» լյուքսում կամ  007 գործակալի սուիթում: Համարում բոնդիանայի սիրահարները կգտնեն հետաքրքիր մանրուքներ, որոնք նրանց կտեղափոխեն ֆիլմաշարի աշխարհ: Լրտեսական համարում բնակության արժեքը սկսվում է  348 եվրոյից:

Մոթել Pacific Inn Motel
(Ֆորքս, ԱՄՆ)

Վաշինգտոն նահանգի նախկինում քիչ հայտնի Ֆորքս քաղաքը ճանաչում ձեռք բերեց այն բանից հետո, երբ այստեղ տեղի ունեցան  «Մթնշաղի» նկարահանումները: Այդ ժամանակից ի վեր «Ամերիկայի ամենաանձրևոտ քաղաք» սկսեցին այցելել վամպիրային սաագայի երկրպագուները, որպեսզի լուսանկարվեն պիկապի ֆոնին, որը վարում էր գլխավոր հերոսուհի Բելլան, և այցելեն միջին դպրոցը, որտեղ սովորում էին հերոսները:  Տեղի Pacific Inn Motel մոթելի սեփականատերերը նույնպես գումար վաստակելու միջոց են գտել: Իրենց հյուրանոցի համարներից մեկը նրանք ձևավորել են «Մթնշաղի» ոճով: Սենյակը ձևավորված է սև-կարմիր գույներով, իսկ պատուհանները՝ փակված խիտ վարագույրներով, որպեսզի լույս չներթափանցի ներս: Համարի պատերին փակցված են ֆիլմի հերոսների լուսանկարները: Գիշերը  «Twilight Room»-ում արժի 99 դոլար:

«Կրիմինալ» հյուրանոց Շերլոկ Հոլմսի և Էրքյուլ Պուարոյի երկրպագուների համար

(Հիլլեսհայմ, Գերմանիա)

Krimihotel հյուրանոցում, որը գտնվում է գերմանական միջնադարյան Հիլլեսհայմ քաղաքում, մեկ հարկի տակ կարող են տեղավորվել Ագաթա Քրիստիի, Էրքյուլ Պուարոյի, Շերլոկ Հոլմսի և այլ կերպարների սիրահարները: Հյուրանոցի տասը համարներից յուրաքանչյուրը նվիրված է այն կամ այն կինոհերոսին կամ ամբողջ ֆիլմին: Միսս Մարպլ սենյակում են գտնվում նրա անձրևանոցը և ծաղկային նկարներով վարագույրները, Շերլոկի համարում են դետեկտիվի ծխամորճը և ձեռնափայտը, իսկ Հիչկոկի սենյակում՝ ռեժիսորի դիմակ և ագռավ պատին: «Քրեական» մթնոլորտ ստեղծելու համար հյուրանոցի ստեղծողները փնտրել են հին իրեր շուկաներում և հնավաճառների մոտ: Krimihotel հյուրանոցում մեկ գիշեր բնակության արժեքը սկսվում է  85 եվրոյից: Ի դեպ, եթե չեք ցանկանա մնալ հյուրանոցում, կարող եք այցելել մոտակայքում գտնվող առեղծվածային սպանությունների Գերմանիայի ամենախոշոր արխիվը: