Հայուհիների թույլ տված ամենատարածված հակաթրենդները. Մեկնաբանում է ոճաբան Արայիկ Գաբաջյանը

ЛАЙФ 27 Август, 2016 14:39

Վերջին տարիներին ոճաբանները հաճախ եմ նշում, որ հայուհիները սկսել են ավելի նորաձեւ հագնվել ու հետեւել սեզոնային թելադրանքներին: Սակայն այս միտումը չի խանգարում նկատել նաեւ, որ երբեմն հայ աղջիկները սխալ են կրկնում դիզայներների առաջարկած հիթերն ու արդյունքում աչքի են ընկնում ոչ թե նորաձեւ ոճով, այլ հակաթրենդներով:

Life.panorama.am-ի հետ զրույցում ոճաբան Արայիկ Գաբաջյանը առանձնացրել է հայուհիների թույլ տված ամենատարածված հակաթրենդները:

Գույներ

Մեր երիտասարդությունը երբեմն շատ սխալ է իրականցնում գույների համադրությունը: Կոնկրետ այս սեզոնին նրանք թրենդային գույներ դեղինը, վարդագույնը համադրում են սեւի հետ, որն այս դեպքում հակաթրենդ է համարվում գարուն-ամառա հավաքածուների համար: Մեր ազգի մենթալիտետից ելնելով, կարծես թե չենք կարողանում հրաժարվել սեւ կամ մռայլ գույներից: Սեւը շատ պաշտպանողական գույն է, որի օգնությանը հայերը շատ են դիմում: Սա իսկապես մեծ խնդիր է, քանի որ հայուհիները կարող են, ինչպես նշեցի, հագնել վարդագույն բլուզ, բայց այն համադրեն օրինակ սեւ տաբատով կամ գոնե սեւ կոշիկով, ինչն ուղղակի փչացնում է ողջ նորաձեւ տեսքը: Սեւը ինքնին որպես առօրյայում օգտագործվող գույն՝ հակաթրենդ է համարվում, իհարկե, խոսքը չի վերաբերվում դասական սեւ զգեստներին, որոնք երեկույթների ժամանակ կարող են շքեղ տեսք հաղորդել: Սեզոնի նորաձեւության բարձրակետում են կապույտի եւ կանաչի ճիշտ համադրությունը, որը եւս միշտ չէ, որ ճիշտ երանգներով է օգտագործվում:

Կոշիկ

Սեզոնի համար հակաթրենդ են համարվում առօրյայում բարձրակրունկների օգտագործումը, որը մեր երիտասարդ աղջիկները արդեն 4-րդ սեզոնն է, ինչ ամեն գնով փորձում են այն նորաձեւության մեջ պահել: Ի դեպ՝ սա վերաբերվում է ոչ միայն ամառային կոշիկներին, այլեւ երկարաճիտք կոշիկներին եւս:

Պայուսակ

Շատ թրենդային է փոքրիկ պայուսակները, որոնց հետ մեր աղջիկները այդպես էլ չհարմարվեցին ու գուցե հաջորդ տարի կարողանան «լեզու գտնել» այդ նորաձեւ իրի հետ: Ամբողջ աշխարհում նորաձեւ է փոքրիկ պայուսակները կրել աջ կամ ձախ ուսից, բայց մեր աղջիկները չգիտես ինչու նախընտրում են հնարավորինս մեծ պայուսակներ ընտրել: Սրան գումարած նրանք ընտրում են կաշվե կամ զամշից տարբերակներ, որոնք ուղղակի անընդունելի է ամռանը կրել: Եթե մենք ծովափնյա քաղաքում ապրեինք, կարելի կլիներ օգտագործել մեծ ծղոտե պայուսակներ, բայց հայաստանյան պայմաններում օգտագործել մեծ, այն էլ կաշվե պայուսակներ, ուղղակի ապսուրդ է:

Շպար

Հայուհիների շրջանում այսպիսի տենդենց կա՝ որեւէ մեկի վրա տեսնում են գեղեցիկ զգեստ կամ շրթներկի գեղեցիկ գույն ու սկսում են իրենք էլ այդպես հագնվել, կամ շրթներկի այդ գույնն օգտագործել: Օրինակ` գրեթե սեւ եզրերով մուգ կարմիր (бордовый) շրթներկը մեր աղջիկները չգիտեն՝ ինչպես է ճիշտ օգտագործել: Նախ այդ գույնը բոլորի համար չէ, այն հիմանականում օգտագործում են նեղ ու լայն շուրթեր ունեցողները, որը վիզուալ մեծացնում է շուրթերի ծավալը, բացի այս, այս գույնը երեկոյան շպարի մի մաս է կազմում ու շատ տհաճ է, երբ այդ գույնն օգտագործում են առօրյայում: Հատկապես խիստ հակաթրենդ է համարվում, երբ արհեստականորեն մեծացնում են շուրթերն ու դա բավարար չէ, օգտագործում են նաեւ մուգ կարմիրը, ինչի արդյունքում աղջիկների շուրթերին նայելը պարզապես տհաճ է դառնում: Տարվա թրենդներից է նաեւ այսպես կոչված «No make up»-ը, ինչի արդյունքում շպարում են այնպես, որ տպավորություն է ստեղծվում, թե շպար չկա դեմքին: Սակայն սա եւս ամեն մեկի համար չէ, դրա համար պետք է ունենալ իդեալական դեմք: Այս դեպքում ակցենտավորում են միայն շուրթերը, ինչը եւս մեր աղջիկները շատ սխալ են կրկնօրինակում: Շատ տհաճ է, երբ ամենօրյա դիմահարդարումը լինում է ծանր, երկար թարթիչներով ու հոգնած աչքերով:

Վարսեր

Իհարկե, երկար մազերը միշտ են ակտուալ, սակայն մեր երկրի ազգային առանձնահատկություններից ելնելով այն երբեմն դառնում է հակաթրենդ մեր երկրում: Հայուհիների մեծ մասի հասակը 1.60 մետրից չի անցնում, իսկ այդ հասակով ունենալ 70-90 սմ մազեր, խիստ սխալ է համարվում, քանի որ այդպես վիզուալ էլ ավելի է կարճանում ընդհանուր հասակը:

Ինձ համար շատ հակահիգիենիկ ու հակաթրենդ է թափված ու չոր մազերը: Էլ ավելի տհաճ է, երբ մեր աղջիկները նույն սանրվածքով գնում են որեւէ փարթիի, իսկ հաջորդ օրը այդ նույն սանրվածքով գնում են առրեւտրի կենտրոն կամ աշխատանքի:

Հեղինակ՝ Աուշիկ Մելքոնյան