Թեստ. Ի՞նչ ես սպասում սիրուց

Shabat.am-ը գրում է.

1.Ի՞նչ է անում նա, երբ միասին եք.

ա) զբաղվում է միայն իրենով

բ) երբեմն կողքերն է նայում

գ) կատակում է, պատմում իր մասին:

2. Նրա ընկերներն ու ընկերախումբը քեզ դուր գալի՞ս են.

ա) նա սիրում է ինձ, ես էլ` իրեն, և դա ոչ մեկի գործը չէ

բ) ընկերներից մեկը քիչ ավելի, մյուսը` պակաս

գ) ոչ, դուր չեն գալիս, նրանք ինձ պարզապես զայրացնում են:

3. «Աշտարակ» բառը ինչի՞ հետ է ասոցացվում.

ա) գլխի

բ) Էյֆելյան, Կրեմլի, հեռուստատեսության աշտարակի

գ) կախարդական ամրոցի աշտարակի, որտեղ փակված է արքայադուստրը:

4. Ինչպե՞ս նա կարձագանքի, եթե հանկարծ հանդիպման չգնաս.

ա) կխենթանա, ես էլ հետո արժանի պատիժ կստանամ

բ) մի՞թե կարելի է «հանկարծ չգնալ». իհարկե, կբարկանա: Չէ՞ որ կարող էի զանգել…

գ) դժվար է ասել… գուցե որոշի վրեժ լուծել:

5. Ենթադրենք նա հետաքրքրվում է շախմատով, իսկ դու` ոչ: Ինչպե՞ս ես վերաբերվում նրա հետաքրքրություններին.

ա) կնստեմ կողքին ու կնայեմ` ինչպես է խաղում

բ) թող խաղա ընկերների հետ, ես էլ կշփվեմ ընկերուհուս հետ

գ) կփորձեմ սովորել, թեև հնարավոր է` անհետաքրքիր լինի: Հանկարծ չկարծի` հիմար եմ:

6. Սիրային հարաբերություններում ի՞նչն է քեզ համար գլխավորը.

ա) միշտ միասին լինելը

բ) հուսալիությունն ու վստահությունը

գ) առանց խոսքերի միմյանց հասկանալը:

7. Ի՞նչ է քեզ համար սերը.

ա) ամենակարևորը կյանքում

բ) մեծ հրաշք

գ) փրկություն միայնությունից:

8. Ի՞նչն է ամենատհաճը սիրային հարաբերություններում.

ա) լուն դավա դարձնելը

բ) ծածկամտությունը, երբ մարդիկ հետին մտքեր ունեն և անկեղծ չեն

գ) երբ պարտադրում են իրենց հայացքները և սահմանափակում ներքին ազատությունս:

9. Վստա՞հ ես, որ սիրելիդ իդեալդ է.

ա) իհարկե

բ) նա հրաշք է, իսկ եթե ինչ- որ բան դուր չի գալիս, սարսափելի ոչինչ չկա. տղամարդուն կարելի է վերադաստիարակել

գ) անթերի մարդ չկա, նա այնպիսի թուլություններ ունի, որ ինձ նույնիսկ հուզում են:

10. Երբ նրա մասին ես մտածում, ի՞նչ ես զգում.

ա) հիմա նույնքա՞ն շատ է կարոտում ինձ

բ) տխրում եմ և զանգում ընկերուհիներիս, որ միայնակ չլինեմ

գ) նրա կարիքն այնքան եմ զգում, որ գրեթե ֆիզիկական ցավ եմ ապրում:

11. Բնութագրիր նրա գլխավոր գծերը.

ա) խելացի և հասկացող

բ) հրաշք է, նրբազգաց, նրա կողքին հետաքրքիր է

գ) ուժեղ, հավատարիմ:

12. Ընտրիր քեզ համապատասխան բնութագրումը.

ա) ուրախ և լավատես

բ) կարծում եմ` զարգացած արժանապատվության զգացումը

գ) ամաչկոտ և երազել սիրող:

13. Ինչի՞ ես պատրաստ հանուն նրա.

ա) գաղտնի պահել շփումը նրանց հետ, ում նա չի սիրում, որպեսզի չբարկացնեմ մանրուքների պատճառով

բ) խզել կապերը այն ընկերների հետ, ում տանել չի կարողանում

գ) հրաժարվել սիրելի ընկերուհուց:

14. Ի՞նչ ես կարծում, աղջիկների մեջ ո՞ր արժանիքներն են գրավում տղաներին.

ա) գեղեցկությունը, հմայքը, յուրօրինակությունն ու անհատականությունը

բ) նրբազգացությունը, հասկացողությունը, հումորի զգացումը, գրավիչ արտաքինը

գ) գեղեցկությունը, սեքսուալությունը, սրամտությունը:

15. Ինչո՞վ կարող է երիտասարդը գրավել ուշադրությունդ.

ա) հնարավորություններով, ճաշակով, պահելաձևով, ինքնավստահությամբ

բ) պետք է լինի բարի, ուժեղ, քաջ, գեղեցիկ, խելացի, խենթությունների ընդունակ

գ) պետք է լինի խելացի, ինքնուրույն, հումորի զգացումով և նրբանկատ

Հաշվի՛ր միավորները

1. ա-20 բ-5 գ-10

2. ա-5 բ-10 գ-20

3. ա-10 բ-20 գ-5

4. ա-5 բ-10 գ-20

5. ա-20 բ-10 գ-5

6. ա-10 բ-20 գ-5

7. ա-5 բ-10 գ-20

8. ա-10 բ-20 գ-5

9. ա-20 բ-5 գ-10

10. ա-20 բ-5 գ-10

11. ա-5 բ-10 գ-20

12. ա-10 բ-20 գ-5

13. ա-20 բ-10 գ-5

14. ա-5 բ-10 գ-20

15. ա-20 բ-5 գ-10

Մինչև 120 միավոր

Քեզ է ձոնում իր ստեղծագործությունը, նշանակում է` ՀԱՆՃԱՐ է: Ձեռքերի վրա է պահում և հանուն քեզ պատրաստ է ամեն ինչի, ուրեմն` ԱՍՊԵՏ է: Վեհանձն ու նրբաճաշակ է` ԱՐՔԱՅԱԶՆ է: Իջի՛ր երկնքից: Հանճարը նվիրվում է ստեղծագործելուն, քեզ նա չի ծառայի: Արքայազնը պարտավոր է հանրության համար աշխատել, նա միշտ միապետի դերում է, իսկ դու նրա հետ ստիպված ես անել այն, ինչ չես ուզում: Իսկ նա, ով հնազանդ ծառայի, դժվար թե պահպանի հարգանքդ: Սա երեք անհամատեղելի մարդկանց ամբողջությունն է մեկի մեջ:

Խնդիրն այն է, որ ամեն ինչ միանգամից ես ուզում: Իհարկե, կյանքում էլ է ռոմանտիկա լինում: Դրա համար անհրաժեշտ է, որ ընտրյալդ էլ երևակայող լինի: Կարևորը, որ իր երազներում նա էլ տեսնի նույն հեքիաթը, ինչ որ դու: Իսկ եթե նրա իդեալն ուրի՞շ հեքիաթից է: Պարզիր` չէ՞ր ցանկանա ողջ օրն անցկացնել բազմոցին, ում բախտը բերել է, որ կինը ոսկի ձեռքեր ունի:

120-230 միավոր

Սիրում ես երազել, բայց հակված չես երևակայությունն ու իրականությունը խառնել իրար: Սիրահարվելիս միայն զգացմունքներիդ մասին չէ, որ մտածում է, չես պահանջում, որ նա շարժվի բացառապես քո կանոններով: Գթասիրտ ես և ձգտում ես հուսալի հարաբերությունների: Սիրո մեջ բացառում ես զինվորական խորամանկությունները, խարդավանքներն ու մեքենայությունները: Քանի որ ինքդ անկեղծ ես` չես կասկածում ուրիշների անկեղծությանը: Խնդիրն այն է, որ սիրեցյալիդ քո արշինով ես չափում: Մարդիկ տարբեր են: Տղամարդիկ մեզ նման չեն զգում, արտահայտվում և մտածում: Աշխատիր լավ ճանաչել նրան. ի՞նչն է սիրում մարդկանց մեջ, ի՞նչը տանել չի կարողանում: Ի՞նչի է ձգտում: Նրա ծրագրերում ո՞ր տեղն ես զբաղեցնում: Պատասխանելով նմանատիպ հարցերի` կկարողանաս հասկանալ` ինչպիսի մարդ է նա: Մի՛ ամաչիր ցուցադրել բնավորությունդ: Սիրահարվելը հիանալի է և երբեմն սիրահարվածությունից սեր է ծնվում:

235 և ավելի միավոր

Կարող ես փիսիկի պես քնքուշ լինել, բայց հենց քեզ ինչ-որ բան դուր չի գալիս, ճանկերդ ես ցույց տալիս: Ոմանք կարծում են` դաժան ես ու հաշվենկատ: Ավելի շուտ, նրանք սխալվում են: Քեզ շրջապատում ես փշերով` հույս ունենալով, որ ՀԵՐՈՍԴ կանցնի այդ փշերի միջով ու կնկատի քնքշությունդ և հետաքրքիր էությունդ: Բայց նա պետք է փրկի և պաշտպանի քեզ: Խնդիրն այն է, որ տարբերություն չես դնում ընդհանրապես ուժի և այդ ուժի իմաստավորման միջև: Ուժեղ, առույգ տղամարդը հիանալի է, բայց ինչի՞ն է ուղղված այդ ուժը: Ծայրահեղ իրավիճակներում հերոսները լավ են իրենց դրսևորում (խաղաղ կյանքում նրանք մարում են): Իսկ դու պատրա՞ստ ես էքստրիմի: Մեծ ուժն ու փառքը փող են բերում: Հարուստ մարդը կարող է գնել թանկարժեք իրեր, բայց իր ընկերուհուն էլ է վերաբերվում որպես թանկարժեք իրի: Ցանկանո՞ւմ ես սիրո փոխարեն որպես իր հայտնվել սնափառության տոնավաճառում: Հերոսին անհրաժեշտ է մարդասեր և բարեսիրտ ընկերուհի: Իսկ ի՞նչն է քեզ պակասում, որպեսզի դրսևորես բարությունդ: Խիզախությո՞ւնը...