Տիգրան Սարգսյանը Գրիգորի Ռապոտայի հետ քննարկել է եվրասիական ինտեգրացման հրատապ հարցերը

Եվրասիական տնտեսական հանձնաժողովի կոլեգիայի նախագահ Տիգրան Սարգսյանը ԵԱՏՀ-ի Մոսկվայի կենտրոնակայանում օգոստոսի 31-ին հանդիպում Է ունեցել Ռուսաստանի եւ Բելառուսի միութենական պետության պետական քարտուղար Գրիգորի Ռապոտայի հետ: Ինչպես «Արմենպրես»-ին տեղեկացրել են ԵԱՏՀ-ի մամուլի ծառայ ությունից, կողմերը քննարկել են երկուստեք հետաքրքրություն ներկայացնող հարցեր:

Տիգրան Սարգսյանն ընդգծել Է, որ հանձնաժողովի կարեւոր գերակայություններից մեկը աշխատանքն Է արտաքին ասպարեզում:«ԵԱՏՀ-ն կատարում Է այն առաջադրանքները, որոնք տարեսկզբին նշել Է Ղազախստանի նախագահ Նուրսուլթան Նազարբաեւը, եւ որոնց աջակցություն են հայտնել մեր Միության մյուս երկրների նախագահները: 2016 թվականը, իրոք, հանձնաժողովի համար դարձավ երրորդ երկրների եւ հանգուցային ինտեգրացիոն միավորումների հետ Միության տնտեսական հարաբերությունների խորացման տարի»,-նշել Է ԵԱՏՀ-ի կոլեգիայի նախագահը:

Նրա խոսքով՝ այդ առումով հանգուցային ուղղությունը չինականն Է: «Չինաստանի հետ բանակցային գործընթացը գործարկված Է,-ասել Է Տիգրան Սարգսյանը:-Աշխատանքային խմբի մակարդակով բանակցությունների առաջին փուլը կայացել Է օգոստոսին: Երկրորդը նախատեսվում Է հոկտեմբերին: Մենք պայմանավորվածություն ունենք, որ բանակցող խումբը նիստեր Է գումարելու ոչ պակաս, քան ամսական երկու անգամ: Հիմնական խնդիրը առեւտրատնտեսական ոլորտում փոխշահավետ լուծումներ գտնելն Է, «Մետաքսի ճանապարհի» չինական նախագծի հետ Եվրասիական տնտեսական միության զուգորդման գործը նթացի արագացումը:

ԵԱՏՀ-ի կոլեգիայի ղեկավարը Գրիգորի Ռապոտային նաեւ տեղեկացրել Է ազատ առեւտրի գոտու ստեղծման ուղղությամբ Իրանի, Հնդկաստանի, Սինգապուրի եւ այլ երկրների հետ բանակցային գործընթացի հաջող առաջխաղացման մասին: Նա, մասնավորապես, ընդգծել Է, որ իրանցիները «շատ լրջորեն են տրամադրված բանակցությունների դրական ելքի հարցում, բարձր մակարդակի բանակցային խումբ են ուղարկել»: Որոշակի տեղաշարժեր կան Հնդկաստանի հետ բանակցություններում, որտեղ հոկտեմբերի կեսին սպասվում են Միության երկրների հետ հանձնաժողովի համատեղ աշխատանքի առաջին ծանրակշիռ արդյոնքները: Ինչպես հայտարարել Է Տիգրան Սարգսյանը, շատ հեռանկարային են նաեւ Սինգապուրի հետ ընթացող բանակցությունները, հատկապես հաշվի առնելով այդ երկրում զարգացած ինովացիոն տեխնոլոգիաներն ու ֆինանսական հիմնադրամները ի նպաստ Միության պետությունների օգտագործելու հնարավորությունը:

Գրիգորի Ռապոտան վստահություն Է հայտնել, որ Ռուսաստանի եւ Բելառուսի միութենական պետության միջազգային համագործակցության փորձը կարող Է օգտակար լինել Եվրասիական տնտեսական միությանը: «Բազմաթիվ միջազգային համաժողովներում,- ինչպես ընդգծել Է պետական քարտուղարը,-մենք խոսում ենք մեր միավորումների ընդհանուր տնտեսական շահերի,   ինտեգրացիոն գործընթացներում Եվրասիական տնտեսական միության արժանիքների եւ մեծ դերի մասին»:

Տիգրան Սարգսյանը մի քանի հիմնական շեշտադրումներ Է արել նաեւ ԵԱՏՄ-ի ներսում Եվրասիական տնտեսական հանձնաժողովի աշխատանքի վերաբերյալ: «Նախեւառաջ ցանկանում եմ ասել, որ ավարտին են մոտենում Եվրասիական տնտեսական միության Մաքսային օրենսգրքի նախագծի շուրջ մեր բուռն ու բավական երկարատեւ քննարկումը: Մեր երկրների միջեւ սկզբում այդ հարցի շուրջ կար մոտավորապես 30 լուրջ հակասություն: Այժմ, ըստ Էության, կա միայն մեկ չկարգավորված հարց: Հուսով ենք, որ հոկտեմբերի 28-ին Միջկառավարական խորհրդի Մինսկի նիստում վերջնականապես կհաղթահարենք Մաքսային օրենսգրքի շուրջ առկա բոլոր հակասությունները: Դա ավելի արդյունավետ, ազատական ու արդիականացված փաստաթուղթ կլինի գործողի համեմատությամբ»,-նշել Է ԵԱՏՀ-ի կոլեգիայի նախագահը:

Ներքին երկրորդ հիմնարար ուղղությունը դեղորայքի ընդհանուր շուկայի գործարկումն Է Եվրասիական տնտեսական միությունում: Տիգրան Սարգսյանի խոսքով՝ այստեղ եւս երկրները վերջերս փոխզիջման են հասել, եւ այս տարվա հոկտեմբերի վերջին պետք Է սկզբունքային որոշում ընդունվի:

Տիգրան Սարգսյանը Գրիգորի Ռապոտայի ուշադրությունը հրավիրել Է նաեւ այն բանի վրա, որ Միության երկրները հաստատել են նավթի, նավթամթերքի ու գազի ընդհանուր շուկաների ստեղծման հայեցակարգերը, որոնք կսկսեն աշխատել 2025 թվականին: Մոտավորապես մեկուկես տարվա ընթացքում հանձնաժողովը երկրների լիազոր մարմինների հետ համատեղ պլանավորում Է պատրաստել այդ հայեցակարգերի իրագործման կոնկրետ միջոցառումների ծրագրերը:

Ներքին եւս մեկ գլխավոր վեկտոր, որտեղ միութենական պետություններն ու հանձնաժողովը դեռ շատ անելիք ունեն, թվային տարածության ստեղծումն Է: «Այժմ աշխարհում ամեն ինչ թվայնացվում Է,-ասել Է ԵԱՏՀ-ի կոլեգիայի ղեկավարը,-ձեռնարկությունները, ճյուղերը, առեւտուրը, պետական գնումները: Առաջատար երկրներն արագ են գործում: Վերջերս մեր հանձնաժողովն Էլ սկսել Է ակտիվորեն աշխատել այդ ուղղությամբ, աշխատանքային խումբ Է ստեղծվել Եվրասիական տնտեսական միության պետությունների լավագույն մասնագետների ներգրավմամբ: Մենք ունենք այդ աշխատանքի հատուկ կարեւորո ւթյան ընդհանուր ըմբռնումը»:

Գրիգորի Ռապոտան պաշտպանել Է Եվրասիական տնտեսական հանձնաժողովի ջանքերը ներքին ու արտաքին ասպարեզներում: Ընդսմին, արծարծելով Եվրասիական տնտեսական միությունում թվային տեխնոլոգիաների ներդրման հարցը, նա ընդգծել Է, որ դա ճիշտ նպատակադրում Է: Մանավանդ որ Միության պետությունները, նրա կարծիքով, ունեն «բարձրակարգ ծրագրավորողներ եւ մեծ ներուժ, որն անպայման հարկավոր Է օգտագործել»: Հիշեցնելով երկու ինտեգրացիոն միավորումների միջեւ Հուշագրի մասին՝ Ռապոտան առաջարկել Է տարեկան առնվազն երկու անգամ խորհրդակցություններ անցկացնել կողմերին ետաքրքրող հրատապ հարցերի շուրջ: