Հայաստանի ԶՈՒ ապագա հրամանատարները կսովորեն ժամանակակից տեխնոլոգիաներով հագեցած նորակառույց շենքում

Հայաստանի զինված ուժերի սպայական կազմի համալրումն ապահովող Վազգեն Սարգսյանի անվան ռազմական համալսարանի Հրամանատարաշտաբային ֆակուլտետի դասընթացներն այս սեպտեմբերից մեկից կանկացվեն նորակառույց շենքում:  «Արմենպրես»-ի փոխանցմամբ` ՀՀ պաշտպանության նախարար Սեյրան Օհանյանի և բարձրաստիճան սպայական կազմի մասնակցությամբ տեղի ունեցավ ռազմական համալսարանի հրամանատա րաշտաբային ֆակուլտետի շենքի տնօրհնեքի արարողությունը: Նախարար Օհանյանըլրագրողների հետ զրույցում նկատեց, որ ՀՀ ԶՈՒ զարգացման ուղղությունների մեջ ամենակարևորը ռազմական կրթության բաղադրիչի զարգացումն է, ինչի ուղղությամբ վերջին տարիներին բավականին լուրջ աշխատանք է կատարվել, ձևավորվել է ճանապահային քարտեզ:

Ռազմական համալսարանի Հրամանատարաշտաբային ֆակուլտետի կազմավորման համար հիմք է հանդիսացել ՀՀ պաշտպանության նախարարի 2011-ի օգոստոսի 24-ին հաստատած աշխատանքային պլանը: Հրամանատարաշտաբային դասընթացների մեկնարկը տրվել է 2013-2014 ուսումնական տարվանից, մինչ այժմ այն ՀՀ ԶՈՒ-ին տվել է 39 սպա:

Հրամանատարաշտաբային ֆակուլտետի կազմում են միջազգային և ազգային անվտանգության, ռազմարվեստի, ռազմամասնագիտական առարկաների ամբիոնները:

Նշյալ ֆակուլտետում դասընթացների տևողությունը 11 ամիս է, որի ընթացքում ունկնդիրները ուսումնասիրում են միջազգային ու ազգային անվտանգության, առաջնորդման և կառավարման ու ռազմական մասնագիտության կրթաբլոկների առարկաները: Ունկնդիրները ուսումնառության ընթացքում մասնակցում են ԶՈՒ Գլխավոր շտաբի պլանով նախատեսված հրամանատարաշտաբային զորավարժություններին, դասընթացներն ավարտում են պետական ավարտական քննություններով և մագիստրոսական թեզի պաշտպանությամբ:

«Մեր ժողովրդին, փառապանծ բանակին շնորհավորում եմ այս կրթական համալիրի բացման արարողության կապակցությամբ: Հայոց բանակի զինծառայողը պետք է կրթվի ու հետո գործնական ծառայության ընթացքում կիրառի և ամրապնդի ձեռք բերած գիտելիքները: Ըստ էության, սա մեր ռազմական ակադեմիան է: Կարելի է ասել, որ ամբողջ ճանապարհային քարտեզն ավարտված է, այս համալիրը հնարավորություն է տալու մեր սպաների մոտ ձևավորվել օպերատիվ մտածելակերպ: Նրանք համապատասխան գիտելիքներ, հմտություններ են ձեռք բերելու, որ կարողանան մշակել ժամանակակից մարտական գործողութÕ �ուններ, արագ կողմնորոշվեն ցանկացած իրադրությունում ու դրա գնահատման արդյունքում ընդունեն համապատասխան որոշումներ»,-ասաց նախարարը:

Նա կարևորեց հանգամանքը, որ կրթական համալիրն օժտված է ժամանակակից տեխնոլոգիաներով, որտեղ սովորողները դասարանային պայմաններում հարմարեցված տարբեր իրադրություններում հանդես կգան ոչ միայն հրամանատարի, այլև յուրաքանչյուր զորատեսակի ծառայության պետի դերում` իրականացնելով իրադրության համակողմանի գնահատում և ընդունելով որոշումներ:

«Բացի այդ, կից բանակների, ռազմական կրթական համակարգերին` փորձի փոխանակման միջոցով: Այս կրթական համալիրում օգտագործելու ենք օտարերկրյա դասախոսների հնարավորությունները: Այստեղ ձեռք բերած գիտելիքների շնորհիվ հայոց բանակի սպան ղեկավարելու է զորամասեր, զորամիավորումներ, կարողանալու է իր գիտելիքները տեղայնացնել այն իրադրության մեջ, որտեղ հանդիսանալու է հրամանատար ինչպես առօրյա գործունեությունն իրականացնելիս, այնպես էլ մարտական հերթապահություն կազմակերպելիս»,-նշեց Սեյրան Օհանյանը:

Խոսելով կադրերի առկայության մասին` նախարարը հայտնեց, որ նրանց թիվը բավարար է` շնորհիվ հայկական ռազմական համալսարանների` ի դեմ Վազգեն Սարգսյանի անվան ռազմական համալսարանի և Արմենակ Խամփերյանցի անվան ռազմավիացիոն համալսարանի: Նա միևնույն ժամանակ հավելեց, որ կլինեն հրավիրյալ դասախոսներ Ռուսաստանից, ՀԱՊԿ անդամ այլ երկրներից, ինչպես նաև Եվրոպայից ու Ամերիկայից:

Հարցին ի պատասխան, թե արդյոք նախարարին գոհացնում է ուսանողների թիվը, ովքեր նախընտրում են զինվորական դառնալ`նա ասաց. «Այս մակարդակի ուսուցման համար թիվը համապատասանում է մեր կադրային քաղաքականությանը, մենք ընդունում ենք ուղիղ այնքան սպաներ, ովքեր պետք է  իրենց ծառայությունը շարունակեն զորամասի, զորամիավորման հրամանատարների տեղակալ օղակներում: Ինչ վերաբերում է Վազգեն Սարգսյանի և Արմենակ Խամփերյանցի ռազմական համալսարաններում սովորողների թվին, վերջին տարիներին ես այդ թվերից գոհ չեմ, բայց մենք համապատասխան աշխատանքներ տանո ւմ ենք, որ տեղերը լրացված լինեն ոչ միայն ընդունվողների, այլև մեզ հետ համագործակցող ՀՀ բարձրագույն այլ հաստատությունների մեկամյա կամ այլ ծրագրերով լրացնելու շրջանակներում»:

Սեպտեմբերի մեկին Հրամանատարաշտաբային ֆակուլտետի նորակառույց շենք է այցելել ՀՀ նախագահ Սերժ Սարգսյանը: Նա ներկա է գտնվել Ռազմական համալսարանի զոհված շրջանավարտների հիշատակի խաչքարի օծման արարողությանը: Խաչքարի բացման պատիվը տրվել է զոհված զինծառայողներ կապիտան Զորիկ Գևորգյանի մորը` տիկին Հերմինեին և փոխգնդապետ Ալեքսան Առաքելյանի դուստր Աստղիկին: