Սիրուհիները խմում են այլ կանանց ամուսինների արյունը եւ ծախսում նրանց փողերը։ Իհարկե, կան այսպիսի սիրուհիներ, սակայն կան նաեւ այնպիսի կանայք, որոնք իրենց էությամբ լիրբ չեն, պարզապես կանացի երջանկության պակաս են զգում։
Առասպել 1. Սիրուհին իր թակարդն է գցել ամուսնուն
Այո, այսօր կանայք ավելի ուժեղ են ու համարձակ, սակայն տղամարդիկ դեռ իշխողի դերում են եւ սիրային արկածներում հենց նրանք են առաջատարի եւ նախաձեռնողի դերում։ Նրանք են սկսում հաճոյախոսություններ անել կնոջը, զանգել նրան, հանդիպումներ փնտրել եւ այլն։
Առասպել 2. Սիրուհին ունի միայն մեկ ցանկություն՝ քանդել նրա ընտանիքը
Երբ կինը սիրավեպ է սկսում ամուսնացած տղամարդու հետ, պարտադիր չէ, որ նա ցանկանա քանդել նրա ընտանիքը։ Կան սիրուհիներ, որոնք սիրահետում են որոշ տղամարդկանց, բայց ոչ մի դեպքում նրա հետ չէին ամուսնանա՝ նույնիսկ եթե տղամարդը ցանկանար։ Հետեւաբար, միշտ չէ, որ սիրուհին պատրաստ է ամուսնանալ եւ լուրջ հարաբերություններ սկսել տղամարդու հետ։
Առասպել 3. Ուրիշի դժբախտության վրա երջանկություն չեն կառուցում
Սիրուհիները համաձայն չեն այս տեսակետին։ Նրանք կարծում են, որ սա հենց կանայք են հորինել։ Ի սզբանե սիրուհու երջանկությունը լիարժեք չէ, սակայն դա մեկ ուրիշ կնոջ հետ ոչ մի կապ չունի։
Առասպել 4. Մենք այնքան գեղեցիկ զույգ էինք
Սիրուհիները սովորաբար հայտնվում են այն զույգերի կյանքում, որոնք արդեն իսկ «բաժանված» էին։ Ինչու պետք է տղամարդը սիրուհի ունենա, եթե նա իսկապես սիրում է իր կնոջը, ցանկանում է լինել նրա կողքին եւ հենց նրա հետ անցնել կյանքի բոլոր փորձությունները։ Եթե ամուսինների կյանքում ամեն ինչ հարթ լիներ, սիրուհին այնտեղ տեղ չէր ունենա։
Առասպել 5. «Ինչու՞ է նա սիրահետում իմ ամուսնուն․ մի՞թե նա ավելի երիտասարդ մեկին չի կարող գտնել»
Ոչ, նրան դրայվ է հարկավոր, նա իր կողքին հասուն ու կայացած մեկին է ցանկանում տենել։
Առասպել 6. Նա ընդհանրապես գեղեցիկ չէ
Որքան էլ որ տխուր հնչի, բայց ամուսնությունից հետո կանայք մտածում են «վերջ, ամեն ինչ արված է»։ Նրանք կարծում են, որ ՔԿԱԳ-ում գրանցվելուց հետո ամուսինը իրենց սեփականությունն է։ Նա սկսում է միայն մտածել, թե ուր է իր ամուսինը, ում հետ է, ինչի մասին է երազում, երբ կվերադառնա տուն եւ այլն։ Կանայք կարծում են, որ սիրուհինները հրեշներ են, որոնք խորտակում են իրենց կյանքը։ Սակայն մոռանում են, որ ամուսինը նույնպես ցանկություններ եւ զգացմունքներ ունի, եւ երբեմն նրան գրավում են արգելված երեւույթները։
Առասպել 7. Սիրուհին անբարոյական է
Հավանաբար դուք պետք է համաշխարհային գրականությունից որոշ ստեղծագործություններ կարդալ։ Ոչ բոլոր սիրուհիներն են անբարոյական, պետք չէ բոլորին նույն անկյան տակ դիտարկել։ Կան գեղեցիկ եւ արժանապատիվ կանայք, որոնց չի հաջողվել անձնական կյանքն ունենալ եւ սիրեկանի հայտնվելուց հետո նրանք վատը չեն դառնում։
Հոդվածն ամբողջությամբ՝ սկզբնաղբյուր կայքում:
