17 պատճառ, որ կին լինելն ավելի լավ է...

ЛАЙФ 6 Сентябрь, 2016 12:30

Համեմատությունները մեր կյանքում շատ մեծ տեղ են զբաղեցնում: Մենք միշտ կատարում ենք համեմատություններ մարդկանց, հագուստների, օծանելիքների և այլ բաների միջև: Փորձում ենք հասկանալ, թե որն է ավելի լավը: Հիմա ես ուզում եմ համեմատություն անցկացնել տղամարդու և կնոջ միջև, ավելի ճիշտ՝ ներկայացնել 17 պատճառ, որ կին լինելն ավելի լավ է:

Դե սկսեցինք.

1.Կինը կարող է իրեն թույլ տալ լացել բոլորի մոտ և դրա պատճառով խայտառակ չլինել, այլ հակառակը. դա երբեմն օգնում է լուծել խնդիրները:

2.Կնոջը հարկավոր չէ սափրվել ամեն օր:

3.Իր շատ քայլեր և բացթողումներ նա կարող է բացատրել կանացի տարրական տրամաբանությամբ:

4.Կինը հիշում է բոլոր կարևոր և ոչ կարևոր ամսաթվերը: Եվ նա, ի տարբերություն տղամարդու, ստիպված չի լինում ամաչել մոռանալու պատճառով և մեղքը քավելու համար գնել տարբեր նվերներ:

5.Կինը կարող է ծախսել, ավելի ճիշտ՝ քամուն տալ տղամարդու փողերը, բայց հակառակ տարբերակի դեպքում դա կդիտվի որպես ամոթ և խայտառակություն:

6.Կինը կարող է հեշտ ընդունվել աշխատանքի իր գեղեցիկ արտաքինի շնորհիվ, բայց տղամարդուն սիրուն աչքերը չեն օգնի:

7.Կինն իր դեռահասության տարիքի բշտիկները կարող է ծածկել հազար ու մի զըռթ ու զիբիլներով և հիասքանչ տեսք ունենալ, բայց տղամարդը ստիպված է մարդկանց երևալ այդ սարսափազդու տեսքով:

8.Կինը կարող է ընկերուհու հետ քնել նույն մահճակալում, հագնել նրա շորերը, նրանք կարող են փաթաթվել, որքան ուզում են, բայց դրա հետ մեկտեղ ոչ ոք չի մտածի, թե նրանք շեղում ունեն:

9.Կինը կարող է իր մայրիկի հետ հեռախոսով խոսել մի քանի ժամ, բայց նրան չեն անվանի «մամայի բալա»:

10.Կնոջն ավելի հաճախ են տալիս նվերներ, հատկապես՝ ծաղիկներ:

11.Եթե կինը հարվածում է տղամարդուն, նա չի կարող պատասխան հարված հասցնել, դա չգրված օրենք է:

12.Կինը զոքանչ չի ունենում (բայց մեկ-մեկ ահավոր սկեսուր է ունենում):

13.Կինը կարող է ուշանալ հանդիպման նշանակված ժամից, ավելին՝ նա կարող է իր սեփական հարսանիքին ներկայանալ վերջին պահին:

14.Տղամարդուն բարում չեն առաջարկի անվճար խմիչք իր երկար ոտքերի կամ գեղեցիկ կազմվածքի համար:

15.Կինը երթուղայինում երբեք իր տեղը չի զիջի տղամարդուն:

16.Կինը հղիության ժամանակ տղամարդուց ստանում է այն, ինչ սիրտն ուզում է, իսկ տղամարդիկ նման հնարավորություն չունեն:

17. Եվ վերջապես միլիոնատիրոջ հետ ամուսնանալը տղամարդկանց դեպքում քիչ կամ ընդհանրապես հավանական չի: