Հուսով եմ՝ սերը կհաղթի ամեն ինչ. «Երանիի» սցենարիստ Անի Մաղաքյան

«Երանի» հեռուստասերիալը կարճ ժամանակում դարձավ հայկական հեռուստաեթերի հիթերից մեկը: Ե՞րբ են գլավոր հերոսները հաշտվելու, ե՞րբ է նրանց երջանկությունը կատարյալ լինելու, արդյո՞ք Անիի ու Արամի սերը կկարողնա հաղթահարել նրանց շուրջ ծագած անարդարությունները...

Հեռուստասրիալի երկրպագուներից շատերն են խնդրում պարզել այս հարցերի պատասխանները: Հենց այդ նպատակով էլ զրուցեցինք «Երանի» հեռուստասերիալի սցենարիստ, գրող եւ լրագրող Անի Մաղաքյանի հետ (ի դեպ, Անին նաեւ «Վենդետտա» հեռուստասերիալի սցենարիստն է):

-Անի, եթե չեմ սխալվում վերջերս եք սկսել գրել «Երանիի»սցենարը. ֆիլմի ո՞ր հատվածից սկսեցիք «կառավարել» Անիի ևԱրամի ճակատագիրը: 

-Արդեն երկու ամիս է... Նախքան դա` եղել եմ սցենարիստի օգնական` սյուժետային գծերի հետ կապ չեմ ունեցել:  

-Երկրպագուներն ակտիվ քննարկում են հեռուստասերիալի ամենմի դրվագը. հետևո՞ւմ եք նրանց մեկաբանություններին եւ հետագազարգացումները գրելիս հաշվի՞ եք առնում նաեւ նրանցցանկություններն ու առաջարկները: 

-Քանի որ հիմա երկու նախագիծ եմ անում, ժամանակս չի հերիքում անընդհատ հետեւել քննարկումներին: Ամեն սերիայից հետո նամակներ եմ ստանում, որոնց փորձում եմ անպայման պատասխանել, ավելի շատ այդպես եմ տեղեկանում սերիալի շուրջ ձեւավորված կարծիքներին: Լինում են եւ դրական կարծիքներ, եւ դիտողություններ: Լինում է, որ երկրպագուի հետ քննարկում ենք տարբեր տեսարաններ, որովհետեւ իրականում մի երկրպագու էլ ես եմ:) Բոլորի կարծքիներն էլ կարեւոր են ինձ համար:  

-Հաճա՞խ է լինում, որ դերասաններն իմպրովիզի դիմեն ու փոխենսցենարային ինչ-որ գծեր կամ երկխոսություններ. ո՞վ էհիմնականում նման իմպրովիզների սիրահար:

-Սցենարային գծեր, իհարկե, չեն կարող փոխել, բայց երկխոսությունների մեջ իմպրովիզներ արվում են: Երբեմն դերասանը այնքան է խորանում իրավիճակի մեջ, որ իր բառերով է ասում կերպարի խոսքը, դա ինձ դուր է գալիս, բայց հիմնական տեքստից չեն շեղվում: Շատ են իմպրովիզ անում Վլադի և Ֆելոյի կերպարներին մարմնավորող դերասանները` Սարգիս Թասչյանը եւ Գարիկ Սաֆարյանը` հիմնականում ավելի հումորային, թեթեւ դիալոգների ժամանակ: 

-Հեռուստադիտողներն անհամբերությամբ սպասում են գլխավոր հերոսների՝ Անիի եւ Արամի վերամիավորմանը. դեռ երկա՞ր ենսպասելու:

-Երկար, թե կարճ չեմ կարող ասել: Ես էլ եմ սպասում դրան:) Երբ վերցրեցի սերիալը, զույգն արդեն բաժանված էր. մի քիչ երկար տանջեցի թե նրանց, թե երկրպագուներին, որովհետեւ անհրաժեշտ էր կոնֆլիկտը սրել, թեժացնել, հասցնել ծայրահեղության, որպեսզի վերջապես բեկում լինի: Իսկ թե երբ կլինի այդ բեկումը, ինչպես կլինի, կամ կլինի, թե ոչ, միայն սերիալը դիտելով կարող եք իմանալ... 

-Հաճախ սցենարիստները մինչեւ վերջին սերիան չենկողմնորոշվում` ինչպիսի վերջաբան հնարել ֆիլմի համար. դուքարդեն պատկերացնո՞ւմ եք, թե ինչպես պետք է ավարտվի ֆիլմը: 

-Սցենարի հետ կապված կարեւոր գծերը անպայման քննարկում եմ ռեժիսորի հետ: Ինքս դեռ ավարտ չեմ որոշել, բայց մի քանի տարբերակներ կան, որոնք կքննարկենք Վահեի հետ եւ կարծում եմ՝ լավագույնը կընտրենք: Հուսով եմ, որ սերը կհաղթի ամեն ինչ:  

-Հետաքրոիր է` դերասանները` Բենն ու Շուշաննան, արդենգիտե՞ն, թե ինչ է իրենց հերոսներին սպասում ապագայում, թե՞իրենցից գաղտնի եք պահում դեռ: 

-Բենը եւ Շուշաննան գիտեն ուղարկված սցենարների չափով, ինչպես նաեւ մյուս դերասանները: Սյուժեն չի բացահայտվում նախապես, բոլորը իմանում են միայն ըստ պատրաստի սցենարների: 

-Մոտավորապես, քանի՞ սերիա է մնացել մինչեւ ֆիլմի ավարտը: 

-Սերիաներ դեռ շատ կան: Չեմ ուզում հիմա կոնկրետ ժամկետներ ասել և սերիաների քանակ, որովհեեւ վստահ չեմ, որ կարող եմ հիմա այդ մասին խոսել: Կասեմ միայն, որ սերիաներ դեռ շատ կան եւ մեկը մյուսից հետաքրքիր են:

Սյունե Առաքելյան  

NEWS.am STYLE