Այսօր ամփոփեցինք «Երևանյան ամառ 2015» եռամսյա միջոցառումների ծրագիրը
БЛОГՏարոն Մարգարյանը ֆեյսբուքյան իր էջում գրում է.
Այսօր ամփոփեցինք «Երևանյան ամառ 2015» եռամսյա միջոցառումների ծրագիրը և, դատելով ծրագրի շրջանակում իրականացված շուրջ վեց տասնյակ ամենատարբեր միջոցառումների նկատմամբ մեր բնակչության և մայրաքաղաքի հյուրերի վերաբերմունքից, վստահաբար կարող ենք փաստել, որ արդեն երրորդ տարին անընդմեջ իրականացվող «Երևանյան ամառ»-ը ոչ միայն, միանշանակ, կայացել է, այլև դարձել է բնակչության կողմից սիրված ու սպասված:
Ծրագրում ընդգրկված բազմաթիվ միջոցառումներ ավանդական են դարձել ու առանձնակի աշխուժացրել են մայրաքաղաքի մշակութային կյանքը: Համոզված եմ, որ այս ծրագիրը ձեր ակտիվ մասնակցությամբ, ձեր առաջարկություններով տարեցտարի էլ ավելի կհարստանա ինչպես մասնակցության, այնպես էլ բովանդակային առումով:
Մինչ այդ ուզում եմ շնորհակալություն հայտնել ծրագրի բոլոր մասնակիցներին, միջոցառումների կազմակերպմանն ու անցկացմանն օժանդակած և իրենց մասնակցությունը բերած բոլոր կառույցներին, կազմակերպություններին, մեր բոլոր աջակիցներին և, իհարկե, մեր համաքաղաքացիներին՝ 2015-ի ամառը` բարձր տրամադրությամբ ավելի ջերմացնելու համար: