5 փաստ առողջության մասին, որ բացահայտում է ձեր աչքերի գույնը

Վերջին հետազոտությունները պարզել են, որ այն հիվանդությունները, որոնցով տառապում եք, այն ճանապարհը, որի միջոցով փորձում եք պայքարել հիվանդությունների դեմ և նույնիսկ ձեր հուսալիության մակարդակը սերտորեն կապված են ձեր աչքի գույնի հետ: Եկեք պարզենք մուգ և բաց գույնի աչքերի միջև եղած տարբերությունները:

Աչքերը մեր մասին շատ բան կարող են պատմել. թե ինչ ենք մենք զգում կամ մտածում, արդյոք ճի՞շտն ենք ասում, թե ստում ենք, ինչպես նաև պատմում են մեր առողջության մասին ու տեղեկացնում, թե ինչ հիվանդություններով ենք հակված վարակվելու: Միանգամայն սխալ է ընդունված այն կարծիքը, որ 2 տարբեր գեներ կան միայն (մեկը կապույտ աչքերինն է, մյուսը՝ շագանակագույն). գոյություն ունեն 12-13 տարբեր գեներ, որոնք որոշում են մեր աչքերի գույնն ու մարմնում տեղի ունեցող մյուս գործընթացները:

1. Հիվանդություններ, որոնցով տառապում ենք

Վերջերս կատարված հետազոտությունները ցույց են տվել, որ մեր աչքի գույնը սերտորեն կապված է այնպիսի հիվանդությունների հետ, ինչպիսիք են շաքարախտը, մելանոման և վիտիլիգոն: Կապույտ աչքերով մարդիկ ավելի քիչ են տառապում վիտիլիգո կոչվող հիվանդությամբ , որի ժամանակ մաշկն ասես գունաթափված լինի  (այդ հիվանդության պատճառով մաշկի որոշ հատվածներում բացակայում է շագանակագույն գունանյութը և այդ պատճառով հետքեր են մնում):

Երբ մարդու աչքերը տարբեր գույների են լինում, օրինակ, մեկը լինում է կապույտ, իսկ մյուսը՝ շագանակագույն, ապա դա վկայում է տարբեր հիվանդությունների մասին, ինչպիսիք են Հորների սինդրոմը կամ գլաուկոմա ֆիգմանտրիտը: Բացի այդ շաքարախտով տառապող մարդկանց աչքերի գույնը գնալով  ավելի է մգանում:

2. Ձեր անձնական հատկանիշները

Ավստրալիայում կատարված հետազոտությունը, որին մասնակցել է 366 մարդ, պարզել է, որ բաց գույնի աչքերով մարդիկ ավելի մրցունակ են ու ավելի քիչ են նրբանկատ, ընկերասեր ու մեծահոգի քան մուգ աչքերով մարդիկ:

Կարող է չափազանցություն թվալ , բայց հետազոտողները պնդում են, որ սա կապված է մեր էվոլյուցիոն արմատների հետ (որն, իհարկե, հետագա ուսումնասիրությունների կարիք ունի). հազարավոր տարիներ առաջ, Հյուսիսային Եվրոպայի մեր նախնիները կարծում էին, որ կապույտ աչքերով մարդիկ ավելի գրավիչ են ու իդեալական զուգընկեր: Ահա թե ինչու այսօր կապույտ աչքերով մարդիկ ավելի մրցունակ են համարվում:

3. Ցավը հաղթահարելու մեր ճանապարհը

Որոշ գիտնականներ պնդում են, որ  աչքի գույնը  կարող է պատմել մարմնի ցավերի մասին: 58 կանանց շրջանակներում վերջերս արված հետազոտությունը պարզեց, որ բաց գույնի աչքերով կանայք ավելի քիչ ցավեր են ունենում ծննդաբերության ժամանակ, քան մուգ աչքերով կանայք:

Ուսումնասիրության համաձայն այս կանայք ոչ միայն ավելի քիչ ֆիզիկական ցավեր են ունենում, այլ նաև քիչ են անհանգստությունների և դեպրեսիայի մեջ ընկնում ու վատ մտքերով տարվում:  Այլ հետազոտություններ էլ պարզել են, որ աչքերի գույնը կարող է նաև վկայել, թե ինչքան ալկոհոլ կարող ենք օգտագործել: Վերջերս հետազոտողները պարզեցին, որ բաց գույնի աչքերով մարդիկ ավելի շատ ալկոհոլ կարող են օգտագործել, քան մուգ աչքերով մարդիկ:

4. Ձեր ծագումնաբանությունը

 

2008 թվականին գիտնականները բացահյտեցին, որ բոլոր կապուտաչյա մարդիկ ուղիղ գենետիկական կապ ունեն և սերում են միևնույն հորից. մարդ, որը 6,000-10,000 տարի առաջ գենետիկական մուտացիայի է ենթարկվել:  Մինչ այդ բոլոր մարդկանց աչքերը շագանակագույն էին: Մուտացիան ազդում է OCA2 գենի վրա և փոփոխություն է առաջացնում, որի պատճառով էլ շագանակագույն աչքերն արդեն անհնարին են դառնում: Գենետիկ այս փոփոխությունը իրենից ներկայացնում է մի «անջատիչ», որը սահմանափակում է մելանին արտադրելու կարողությունը, և հենց դա էլ աչքերի կապույտ գունավորման պատճառ է դառնում:

Եթե դուք ունեք կապույտ աչքեր, ապա սերում եք միևնույն նախնուց, ինչպես ձեզ շրջապատող բոլոր կապուտաչյա մարդիկ:

5. Ձեր հուսալիության մակարդակը

Արդյոք  հնարավո՞ր է այն փաստը, որ դուք ավելի շատ կարող եք վստահել շագանակագույն, քան բաց գույնի աչքերով մարդկանց: Հետազոտողներն ասում են, որ շագանակագույն աչքերով մարդիկ զգալիորեն ավելի վստահելի են, քան կապուտաչյա մարդիկ, այնուամենայնիվ, մարդու հուսալիությունը կախված է նաև նրա դիմագծերից:   Չնայած նրան, որ շագանակագույն աչքերով մարդկանց դեմքերը ավելի հուսալի են թվում քան կապույտ աչքերով մարդկանցը, այնուամենայնիվ միայն աչքի գույնը չէ, որ շագանակագույն աչքերի հանդեպ վստահություն է ներշնչում, այլ դեմքի որոշ առանձնահատկությունները նույնպես ունեն իրենց դերն այս հարցում: