Շտապ հանել. քաղաքական գործիչների սկանդալային հագուստները

ЛАЙФ 14 Сентябрь, 2016 16:56

Wnews.am-ը գրում է.

Երկրի առաջին դեմքերի եւ քաղաքական գործիչների ոճը սովորաբար մանրակրիտ մշակվում է։ Հաճախ նրանց զգեստապահարանով զբաղվում են հատուկ մասնագետները, սակայն, չնայած դրան, երբեմն գրանցվում են թյուրիմացություններ, որոնք էլ դառնում են սկանդալի առիթ։

Wnews.am-ը ներկայացնում է քաղաքական գործիչների կողմից թույլ տրված սխալները, որոնք էլ աղմուկ են բարձրացրել հասարակության կողմից։

Ռուսաստանի վարչապետ Դմիտրի Մեդվեդեւը՝ Jimmy Choo կոշիկներով
Հուլիսի սկզբին Մեդվեդեւը ռուսական հեռուստաընկերություններից մեկին հարցազրույց էր տալիս։ Նրա կոշիկները քիչ ուշադրություն չէին գրավում, քան հարցերին իր պատասխանները։ «50 հազար ռուբլիանոց Jimmy Choo կոշիկներով Մեդվեդեւը ողջունում է բոլոր թոշակառուներին, բռնվե’ք»,- թվիթերյան իր էջում գրել էր կոռուպցիայի դեմ պայքարող ֆոնդի ղեկավար Ալեքսեյ Նավալնովը։

Վարչապետի հայտնվելը Jimmy Choo կոշիկներով տեղի ունեցավ Ղրիմ կատարած այցից հետո, երբ ցածր աշխատավարձի դեմ բողոքողներին նա հայտարարել էր. «Փող չկա, սակայն դիմացեք, ձեզ առողջություն եւ լավ տրամադրություն»։

%d6%84%d5%ac%d5%ab%d5%b6%d5%a9%d5%b8%d5%b6

Հիլարի Քլինթոնը՝ Armani վերարկուով

Քլինթոնի՝ չափից դուրս թանկ զգեստապահարանը ամերիկացիներին չի գոհացնում։ Ընտրողների առջեւ իր ելույթներից մեկում նա ներկայացել էր Armani -ի $12 500-անոց վերարկուով։ Նրա ելույթը նվիրված էր անհավասարությանն ու գործազրկությանը։

Ի դեպ, Քլինթոնի ոճաբանն այժմ Vogue ամսագրի խմբագիր Աննա Վինտուրն է։

%d5%a5%d5%ac%d5%ab

Ելիզավետա II թագուհին՝ մորթիներով

Անգլիական թագուհին եւս քննադատության արժանացավ ամանորյա տոներին։ 2015թ. նա ներկայացավ ջրաքիսի մորթուց վերարկուով։ Շուտով սկսեցին քննադատությունները. «Մեզ դուր չի գալիս թագուհին, ով բնական մորթի է կրում։ Նա պետք է ամաչի»,-ասվում էր քննադատություններում։
%d5%b4%d5%ab%d5%b7%d5%a5%d5%ac

Միշել Օբաման եւ բաց գլուխը.

Սաուդյան Արաբիայի բնակիչների բողոքին Միշել Օբաման արժանացավ 2015 թ.։ Սաուդյան Արաբիայի թագավորի թաղմանը ԱՄՆ-ի առաջին տիկնոջ ներկայությունը բաց գլխով դարձավ քննադատության առիթ։

Բացի այդ, ԱՄՆ առաջին տիկինը ձեռքով բարեւել է Սալման իբն Աբդել-Ազիզին։

Իհարկե, այս տեսքով նրա ներկայանալն ու պահվածքը տարբեր մեկնաբանությունների առիթ դարձավ։ Ոմանք նրան պաշտպանեցին՝ նշելով, որ նա ստիպել է հարգել կանանց ազատության իրավունքը։

%d5%ba%d5%a5%d5%bd%d5%af%d5%b8%d5%be

Դմիտրի Պեսկովը՝ Richard Mille ժամացույցով

2015-ի օգոստոսին ՌԴ նախագահի մամուլի քարտուղար Դմիտրի Պեսկովը հարսանիքին կրում էր 620 000 դոլարանոց ժամացույց։ Իհարկե, նա հայտարարեց, որ ժամացույցը հարսնացուի նվերն է։ Նրա կինը՝ օլիմպիական չեմպիոնուհի Տատյանա Նավկան, եւս հաստատել էր տեղեկատվությունը՝ նշելով, որ կարող է իրեն թույլ տալ նման շքեղ նվեր, սակայն Պեսկովի ժամացույցը միեւնույնն է, երկար քննարկվեց համացանցում։

%d5%ac%d5%a1%d5%be%d6%80%d5%b8%d5%be

Սերգեյ Լավրովն ու երկնագույն ջինսերը

2016թ. Ռուսաստանի ԱԳ նախարար Սերգեյ Լավրովը պաշտոնական այցով Մոնղոլիայում էր։ Թռիչքից հետո նա որոշեց չփոխել հագուստը եւ կարմիր գորգին ներկայանալ երկնագույն ջինսերով։ Լավրովի՝ նման կերպ ներկայանալը դարձավ քննարկումների առիթ. «Պաշտոնական այցի ժամանակ կրել հագուստ, որը կարելի է կրել տունը վերանորոգելիս, վիրավորական է եւ անհարգալից»,- գրել էր Մոնղոլական ազգային կուսակցության անդամներից մեկը։

%d5%ba%d5%b8%d6%82%d5%bf%d5%ab%d5%b6

Պուտինն ու Loro Piana մարզահագուստը

2015թ. օգոստոսին Ռուսաստանի նախագահ Վլադիմիր Պուտինն ու վարչապետ Դմիտրի Մեդվեդեւը Սոչիում միասին մարզվեցին։ Ամենաշատը լրագրողներին հետաքրքրեց Պուտինի մարզահագուստը, որն իտալական Loro Pina ապրանքանիշից է եւ արժե շուրջ 3220 դոլար։ Շուտով Պուտինի մարզահագուստը դարձավ քննարկման առարկա. «Այո, 84 000 ռուբլիանոց մարզահագուստով Պեսկովի կողքին կանգնելը Պուտինի համար ամոթալի չի լինի»,- գրել էր քաղաքական գործիչ Վլադիսլավ Նագանովը։