Սիրիայում ուրվագծվում է հերթական չստացված հրադադարի ավարտը
БЛОГՍարգիս Գրիգորյանը ֆեյսբուքյան իր էջում գրում է.
Ըստ տարածվող տեղեկությունների՝ ռուսական (կամ սիրիական) օդուժը հրթիռակոծել է դեպի Հալեպ շարժվող ՄԱԿ-ի մարդասիրական օգնության շարասյունը: Այդ շարասյունը օգնություն պետք է հասցներ Հալեպի այն հատվածներին, որոնք գտնվում են ընդդիմադիր ուժերի վերահսկողության տակ:
Եթե տեղեկությունները հաստատվեն, ռուսական կամ սիրիական կողմը, հավանաբար ներեղություն կխնդրի (Դեր Զորում կոալիցիոն օդուժի կողմից սիրիական բանակի կայանատեղիների հրթիռակոծությունից հետո Պենտագոնի հայտնած ներեղության նման) ՄԱԿ-ի շարասյունը թիրախավորելու համար:
Սակայն, ակնհայտ է, որ Սիրիայում սեպտեմբերի 12-ի հրադադարից հետո նկատվող դեպքերի ընթացքը ցույց է տալիս, որ Մոսկվայի և Վաշինգթոնի միջև ձեռք բերված՝ ռազմգործողությունները համատեղ կոորդինացնելու պայմանավորվածությունները չեն արդարացնում իրենց, և հրադադարը չի գործում այնպես ինչպես հարկն է: Հետևաբար Սիրիայում ուրվագծվում է հերթական չստացված հրադադարի ավարտը: