Զուտ «ռեսթայլինգ», թե խորքային «ռեբրենդինգ»
БЛОГՏիգրանուհի Դավթյանը ֆեյսբուքյան իր էջում գրում է.
Գործադիրի այսօրվա նիստից պարզ դարձավ, որ որոշ նախարարություններ կանվանափոխվեն, իսկ Քաղաքաշինության նախարարությունը կվերանա եւ կդառնա կառավարությանն առընթեր մարմին կամ կոմիտե:
Բնական է, անվանափոխությունն էական նշանակություն չունի, բայց կարծել, թե սրանով զուտ հատուկ անուններ են թարմացվում, լուրջ չէ: Հասկանալի է, որ անվանափոխությունը գործնական փոփոխությունների արդյունքում առաջացած հետևանք է, այլ ոչ հիմնական արդյունք:
Քաղաքաշինության նախարարության վերանալու փաստն առաջին հայացքից դժվար է գնահատել դրական կամ բացասական իմաստով: Մեր իրավիճակում գտնվող պետության համար, ինչ խոսք, էկոնոմ փոփոխությունների անհրաժեշտություն կա, բայց շատ կարևոր է, թե ինչ արդյունավետություն կունենա նորաստեղծ կոմիտեն (կամ առընթեր մարմինը):
Այդուհանդերձ, նման քաղաքակնությունը վկայում է, որ գործադիրի ղեկավարն առաջնորդվում է արդյունավետության ցուցիչով և զոհ չի գնում այս կամ այն գործիչին չնեղացնելու հայկական սովորությանը:
Կառավարությունում լայնածավալ փոփոխությունները շարունակվում են, վաղ է խոսել արդյունքի մասին, իսկ հստակ կանխատեսումներ անելն էլ անշնորհակալ գործ է: Մնում է ժամանկավոր «պաուզա» վերցնել ու հետևել իրադարձությունների ընթացքին...