Գեղարքունիքի մարզում վերջին շաբաթվա ընթացքում հաճախակիացել են խոտի դեզերի հրդեհները

Գեղարքունիքի մարզում սեպտեմբերի 15-21-ի ընթացքում գրանցվել է խոտի դեզերի հրդեհների երեք խոշոր դեպք, որոնց հետևանքով այրվել է 3050 հակ անասնակեր:

 Ինչպես «Արմենպրես»-ին տեղեկացրին ՀՀ ԱԻՆ փրկարարական ծառայության  Գեղարքունիքի մարզի փրկարարական վարչությունից, այս տարվա սեպտեմբերի 15-ին Գեղարքունիքի մարզի Գեղհովիտ գյուղում այրվել է Էդիկ Վարդանյանին պատկանող խոտի դեզը՝ 500 հակ: Սեպտեմբերի 17-ին Նորատուս գյուղում հրդեհվել է Արմեն Հակոբյանին պատկանող դեզը՝ 1500 հակ անասնակերով, որը տեղավորված է եղել մեկ այլ քաղաքացու անասնագոմում, ինչն էլ նույնպես դեզի հետ այրվել է 150 քառակուսի մետր մակերեսով: Երրորդ դեպքն էÕ ¬ գրանցվել է Հայաստանի անկախության տոնակատարության օրը, Շատվան գյուղում. հրդեհվել է Վարդան Միլտոնյանի դեզը՝ 750 հակ անասնակերով:»Երեք դեպքում էլ հրշեջների ջոկատները տեղ են հասել ահազանգերը ստանալուց հետո ամենակարճ ժամկետներում, ձեռնարկել հրդեհի մեկուսացման եւ մարման աշխատանքները: Առավել մեծ ջանքեր ու տեւական ժամանակ է պահանջվել Նորատուսում բռնկված հրդեհը մարելու համար: 3050 հակ անասնակերից եթե որեւէ մաս էլ փրկվել է կրակի բոցերից, ապա այն արդեն ծխահարված լինելու պատճառով պիտանի չէ օգտագործման համար: Թե ինչ հանգամանքներում, ինչ պատճա ռով են բռնկվել հրդեհները, կպարզվի նախաքննությամբ, սակայն սա դաս պետք է լինի մյուսներին, որ, նման խոշոր վնասներից զերծ մնալու համար, լինեն աչալուրջ, զգոն, պահպանեն հրդեհային անվտանգության կանոնները»,-նշեց ՀՀ ԱԻՆ Փրկարար ծառայության Գեղարքունիքի մարզային փրկարարական վարչության պետի տեղակալ Գարիկ Հակոբյանը:

Խոսրով Խլղաթյան