Պաշտպանվեք հարբուխից. խորհուրդներ

Հոկտեմբերն ասես բացում է «հարբուխի սեզոն»-ը:LN-ը խորհուրդ է տալիս նախապես հոգալ տանել, որ չվարակվեք: Ձեզ ենք ներկայացնում հարբուխից խուսափելու մի քանի ավանդական խորհուրդներ:

Օրը երկու անգամ’ առավոտյան’ տնից դուրս գալուց առաջ, և երեկոյան’անմիջապես տուն վերադառնալուց հետո, լվացեք քթանցքերը տնտեսական օճառով: Այն բանից հետո, երբ կլվանաք քիթը օճառաջրով, օճառը քսեք քթանցքերին և թողեք՝ չորանա: Այս գործընթացը կնպաստի վիրուսների դեմ պաշտպանիչ շերտի ստեղծմանը:

Վարակներից պաշտպանվելու ևս մի լավ միջոց է թրթնջուկային քսուքը, որը պետք է քսել քթանցքերին նախքան տնից դուրս գալը:

Աղաջրով քթի լվացումներ արեք: Մի բաժակ գոլ ջրում լուծեք 1թ. գդալ աղ, իսկ հետո’ ներարկչի օգնությամբ լվացեք քիթը: Այս գործընթացը կարելի է կրկնել օրվա մեջ մի քանի անգամ:

Ողողեք կոկորդը կերակրի սոդայով, երիցուկի թուրմով կամ ֆուրացիլինի լուծույթով: Արեք դա քնելուց առաջ:

Շատ օգտակար է նաև մաքրել Ձեր շրջակա միջավայրը էկվալիտի արոմալամպով: Այն հեռացնում է վարակներն ու բակտերիաները:

Մի խուսափեք սոխից և սխտորից, դրանք հակաբակտերիալ հատկություն ունեն: Կերեք սոխ ու սխտոր թարմ վիճակում:

Խմեք կոճապղպեղով թեյ (իմբիր): Այն շատ ուժեղ հակազդում է հարբուխին: Վերցրեք կոճապղպեղի արմատներ, լցրեք վրան եռացող ջուր և թողեք՝ թրմվի մեկ ժամով: Կոճապղպեղով թեյի մեջ կարող եք ավելացնել նաև 1-2 թ. գդալ մեղր:

Եղեք առողջ:

Աղբյուր՝ LADYNEWS.am