Իրական մարդկանց ախտանիշները

Մյունհաուզենի ախտանիշ

Մարդիկ արհեստականորեն զարգացնում են հիվանդության ախտանիշներ, որպեսզի բժիշկներն իրենց հավատան ու նշանակեն անհրաժեշտ անալիզներ: Նրանք կարող են կուլ տալ բանալիներ, գդալներ կամ մեխեր՝ վիրահատության իրական պատճառ ստեղծելու համար: Ընդունելի է համարել, որ այս տեսակ սիմուլյացիան մարդկանց հնարավորություն է տալիս ստանալ ուշադրություն, հոգատարություն և հոգեբանական աջակցություն, որոնց պահանջն ունեն առօրյայում։ Ախտանիշի անվանումն առաջացել է գերմանացի բարոն ֆոն Մյունհաուզենից, որն ամբողջ աշխարհում հայտնի է իր անհավանական արկածներով ու չափազանցված պատմություններով:

Հերկուլեսի ախտանիշ

Սա ժամանակակից ընտանիքներում կոնֆլիկտների հիմնական պատճառներից է: Կիսաստված Հերակլեսն իր սխրագործությունները կատարելու ճանապարհին գերի է ընկնում ռազմատենչ ամազոնուհիների մոտ, որոնց թագուհին նրան ստիպում է կատարել կանացի զանազան գործեր՝ մաքրել կաթսաները, լվանալ հատակը, կար անել և այլն …

Վան Գոգի ախտանիշ

Ավելի քան 100 բժիշկներ Վան Գոգի ժամանակակիցների և նամակների վկայությամբ փորձել են ապացուցել, թե ինչ հիվանդություն ուներ նկարիչը: Շատ փորձագետներ պնդում են, որ նրա մոտ պարբերաբար առաջանում էր հոգեկան հիվանդության սրում, և մի այդպիսի պահի էլ նկարիչն իրեն վնասել է՝ կտրելով ականջի բլթակը և դա նվիրել ամենահին մասնագիտությունն ունեցող իր սիրած աղջկան: Այս դեպքից հետո նրան տեղափոխել են կլինիկա, որտեղ, սակայն, նա լիովին չի ապաքինվել: Մոտ մեկ տարի անց կրկին վրա է հասել դեպրեսիվ ախտանիշի սրումը, որն ավարտվեց հայտնի նկարչի ինքնասպանությամբ: Ականջի հետ կապված պատմությունից ելնելով՝ Վան Գոգի անունով կոչվեց այն մարդկանց ախտանիշը, ովքեր տառապում են շիզոֆրենիայով կամ դիսմորֆոմանիայով. դա հանգեցնում է սեփական կյանքը վտանգելու ցանկությանն ու փորձին:

Նապոլեոնի ախտանիշ

Սրանով տառապում են ցածրահասակ տղամարդիկ, ովքեր, որպես փոխհատուցում, աչքի են ընկնում մեծ ընդունակություններով, անհավատալի հաջողակությամբ, փառքի և հարստության հանդեպ ձգտումներով: Անվանումը եկել է, իհարկե, Ֆրանսիայի կայսրից, ում հասակը, ըստ տարբեր տվյալների, տատանվում էր 151-159 սմ-ի սահմաններում:

Ստենդալի ախտանիշ

Պատմական փաստերը հավաստում են, որ հենց Իտալիա ուղևորվելուց հետո է Ստենդալը սկսել իր գրական գործունեությունը: Այստեղ նապոլեոնյան բանակի զինվոր, ֆրանսիական ռեալիզմի հիմնադիրը ուշագնաց է լինում Ֆլորենցիայի գեղեցկությունները տեսնելիս ու այդ մասին պատմում «Նեապոլ և Ֆլորենցիա. Ճանապարհորդություն Միլանից Ռեջիո» գրքում: Ավելի քան մեկ դար անց հոգեբանները պարզում են, որ նման պահվածք նկատվել է Իտալիա այցելածներից շատերի մոտ: Ենթադրվում է, որ Վերածննդի դարաշրջանի ստեղծագործութունները կարող են հոգեկան մեծ ազդեցություն ունենալ դասական կամ կրոնական ոճով դաստիարակվածների վրա: Մարդկանց սրտի աշխատանքն արագանում է, նրանք ունենում են գլխապտույտներ ու տեսիլքներ՝ տեսնելով արվեստի գլուխգործոցներ կամ բնապատկերներ: Այսօր ֆլորենտացի էքսկուրսավարները ջանում են կանխել նմանատիպ ախտանիշի նշանները և ցույց տալ ճիշտ օգնություն:

Նյութը հրապարակման պատրաստեց Past.am-ը: