ՊԱՏՄՈՒԹՅԱՆ ԱՅՍ ՕՐԸ (22 ՀՈԿՏԵՄԲԵՐԻ)․ Մար­դա­տար գնաց­քի շո­գե... ՀԱՍԱՐԱԿՈՒԹՅՈՒՆ
Ար­դյոք դուք ունե՞ք հա­մա­տեղ սե­փա­կա­նու­թյուն ՀԱՍԱՐԱԿՈՒԹՅՈՒՆ
Հայաստանի հյուպատոսը խորհուրդ է տալիս հրավիրել Քիմ Քարդաշյան... ՄԻՋԱԶԳԱՅԻՆ
Ի՞նչ դրամական միջոցներ, գույք ու եկամուտ ունի Վիետնամում ՀՀ ... ՀԱՍԱՐԱԿՈՒԹՅՈՒՆ
«Պո­չամ­բար­ներն աղե­տա­լի վի­ճակ են ստեղ­ծել Հա­յաս­տա­նի հ... ՀԱՐՑԱԶՐՈՒՅՑ
Երևան, 22.Հոկտեմբեր,
00
:
00
:
00
Փոխարժեք
478.65
$
560.79
«Բարսելոնայի» պաշտպանը՝ «Բավարիայի» թիրախում Ամերիկացի զինվորականները, որոնք Սիրիայից Իրաք են տեղափոխվել, չեն կարող այնտեղ երկար մնալ Վարչապետն ընդունել է Ֆրանսիայի Օվերն-Ռոն-Ալպ շրջանային խորհրդի նախագահի գլխավորած պատվիրակությանը 37 տարեկանում մահացել է դատախազ Հեղինե Բադալյանը Դատարանը քննում է Արսեն Բաբայանի ձերբակալման որոշման դեմ բողոքը Հայոց լեզվի ու պատմության ուսուցանման դեմ պայքարի նպատակը ո՞րն է․ Իվետա Տոնոյան (տեսանյութ) Արարատ Միրզոյանը ցավակցական հեռագրեր է հղել ՌԴ Դաշնային ժողովի Դաշնության խորհրդի եւ Պետդումայի նախագահներին Ինչո՞ւ են իշխանությունները միտումնավոր իջեցնում սեփական վարկանիշը Մահացել է թավջութակահար Վահրամ Սարաջյանը Խաչանովի հաղթական մեկնարկը Մեղադրանք է առաջադրվել Չարենցավանի թիվ 3 դպրոցի նախկին տնօրենին Էրդողանը ցանկանում Է հափշտակել սիրիական հողն ու նրա բնական հարստությունները. Ասադ Ի՞նչ գործողություններ է կատարել 6-րդ վարչությունը ՀՖՖ-ում ՊԱՏՄՈՒԹՅԱՆ ԱՅՍ ՕՐԸ (22 ՀՈԿՏԵՄԲԵՐԻ)․ Մար­դա­տար գնաց­քի շո­գե­քար­շը, չկա­րո­ղա­նա­լով ար­գե­լա­կել, ճեղ­քել է եր­կա­թու­ղա­յին կա­յա­րա­նի պա­տը և ըն­կել փո­ղոց

Հովհաննես Մանուկյանի զբաղվածությունը թույլ չի տալիս ճանապարհորդել

Past.am-ը շարունակում է ներկայացնել նախկին պաշտոնյաների ներկա առօրյան: Շարքի հաջորդ հյուրը Արդարադատության նախորդ նախարար Հովհաննես Մանուկյանն է: 

Արմատներով մշեցի, ծնունդով գյումրեցի Մանուկյանը 2011–14 թվականներին եղել է Վրաստանում ՀՀ արտակարգ և լիազոր դեսպան, իսկ 2014–ի ապրիլից մինչ 2015–ի հուլիս ամիսը պաշտոնավարել է որպես ՀՀ արդարադատության նախարար:

Նշենք, որ նա բազում նախասիրություններ ունի, այդ թվում՝ ճանապարհորդելն ու արվեստի տարբեր նմուշների կոլեկցիաներ հավաքելը։ Երիտասարդության տարիներից սկսած հավաքել է ժամանակակից արվեստի հայ և արտասահմանյան նկարիչների ու քանդակագործների աշխատանքներ և ներկայում մեծ հավաքածու ունի։

Past.am-ի հետ զրույցում Հ. Մանուկյանն ասաց, որ պաշտոնաթողությունից հետո առավելապես զբաղվում է հասարակական գործունեությամբ, որով նա և զբաղվել է պաշտոնավարման տարիներին, իսկ ազատ ժամանակն ավելի շատ տրամադրում է ընթերցանությանը.

«Պաշտոնավարման ընթացքում ազատ ժամանակ շատ չի լինում ընթերցանությամբ զբաղվելու համար, հիմա փորձում եմ այդ բացը լրացնել»,– ասաց Հ. Մանուկյանը:

Պատասխանելով հարցին, թե որն է իր ընթերցած վերջին գիրքը` Մանուկյանն ասաց, որ սիրում է ինչպես նոր գրքեր ընթերցել, այնպես էլ վերընթերցել նախկինում կարդացած գրքերը, իսկ հիմա կարդում է Հերման Հեսսեի «Ուլունքախաղ» վեպը:

Խոսելով իր հոբբիների մասին՝ Մանուկյանն ասաց, որ շատ է սիրում ճանապարհորդել ու այլ երկրների մշակույթներին ծանոթանալ.

«Այլ ժողովուրդների նիստուկացին ու սովորույթներին ծանոթանալը միշտ ինձ համար հետաքրքիր է եղել: Ես շատ եմ սիրում այն երկրները, որոնք ոչ թե նախատեսված են հանգստի կամ զվարճանքների համար, այլ որտեղ բացահայտելու բան կա»,– ասում է Հ. Մանուկյանը:

Ու չնայած նախկին նախարարը ճանապարհորդել շատ է սիրում, վերջին մեկ տարում առիթ չի ունեցել նոր մշակույթներ բացահայտելու: Նա նշեց, որ շատ է ցանկանում լինել օրինակ՝ Պերուում: Այժմ ավելի շատ կենտրոնացած է հասարակական գործունեության և փորձագիտական աշխատանքի վրա, քանի որ այդ ուղղությամբ բազմաթիվ ծրագրեր կան իրականացնելու.

«Հասարակական ծրագրերի շրջանակներում ավելի շատ զբաղված եմ բարեգործական ծրագրեր իրականացնելով: Զբաղվում ենք Գյումրիի խնդիրներով: Բացի այդ, զբաղվում եմ նաև հայ–վրացական հարաբերությունների ընդլայնման ծրագրերով, քանի որ շատ եմ կարևորում մեր արտաքին քաղաքական հարաբերությունների հայ–վրացականին վերաբերող լրջագույն ուղղությունը»:

website by Sargssyan