Վար­չա­պե­տին մո­լո­րեց­նո՞ւմ են. պար­զու­նա­կու­թյան ու մա­... ՎԵՐԼՈՒԾԱԿԱՆ
Սահ­մա­նադ­րա­կան դա­տա­րա­նի` ձի­ով քայ­լը ՎԵՐԼՈՒԾԱԿԱՆ
«Խորհր­դատ­վա­կան կար­ծիք­նե­րը իրա­վա­կան հե­տև­անք­ներ են ... ՀԱՐՑԱԶՐՈՒՅՑ
Մի «անտեր» շենքի ոդիսական. ի՞նչ վիճակում է ՊՆ նախկին շենքը ՔԱՂԱՔԱԿԱՆ
Տեմպերը դանդաղ են, մարդիկ էլ աշխատավարձ չեն ստացել ՔԱՂԱՔԱԿԱՆ
Երևան, 20.Հուլիս,
00
:
00
:
00
Փոխարժեք
478.65
$
560.79
«Այլ ան­ձի փաս­տաթղ­թե­րով վար­կեր ձև­ա­կերպ­վում են հիմ­նա­կա­նում բան­կի կամ վար­կա­յին կազ­մա­կեր­պու­թյան աշ­խա­տակ­ցի հետ հա­մա­ձայ­նեց­ված կար­գով» Կաշառքի դիմաց թույլատրել են «սիգի» ապօրինի արդյունահանումը. ԱԱԾ բացահայտումը (տեսանյութ) Վար­չա­պե­տին մո­լո­րեց­նո՞ւմ են. պար­զու­նա­կու­թյան ու մա­կե­րե­սայ­նու­թյան սահ­ման­նե­րը Սահ­մա­նադ­րա­կան դա­տա­րա­նի` ձի­ով քայ­լը Ողբերգական դեպք Լոռու մարզում. 17-ամյա տղան հոսանքահարման հետևանքով մահացել է «Խորհր­դատ­վա­կան կար­ծիք­նե­րը իրա­վա­կան հե­տև­անք­ներ են ունե­նա­լու» Մի «անտեր» շենքի ոդիսական. ի՞նչ վիճակում է ՊՆ նախկին շենքը Նուբարաշենի գերեզմանատանը ինչ-որ սատանայական ծեսեր են իրականացրել․ Տեր Բարդուղիմեոս քահանա Հակոբյան (ֆոտո) Տեմպերը դանդաղ են, մարդիկ էլ աշխատավարձ չեն ստացել Հի­մա էլ ձկնոր­սու­թյա՞ն թե­մա­յով Պարգեւատրվել են պետական մարմինների եւ մարզպետարանների գլխավոր քարտուղարները

«Պարֆյումեր»-ը մնջախաղի տեսքով մատուցվեց հանդիսատեսին

ԵԹԿՊԻ շրջանավարտները, մնջախաղաց Ջոն Ջեյքոբսը, Գերմանիա-Արցախ միջազգային նախագիծը, «Company Eat lt» խումբը հետաքրքրաշարժ բեմադրություններ ներկայացրեցին Լեոնիդ Ենգիբարյանի անվան մնջախաղի միջազգային փառատոնի շրջանակում:

ԵԹԿՊԻ շրջանավարտները ցուցադրեցին «Պարֆյումեր» բեմադրությունը, որը պատմում է 18-րդ դարում Փարիզում ապրող Ժան-Բատիստ Գրենույի մասին: Նա գերմարդկային հոտառություն ուներ և ցանկանում էր պահպանել կնոջ բուրմունքը՝ սպանելով նրանց: Ժան-Բատիստը ձգտում էր ստեղծել օծանելիք, որը կարող էր հնազանդեցնել ամբոխին ու ստիպել սիրահարվել:

«Բեմում գտնվելն արդեն իսկ մեծ կարևորություն ունի ինձ համար: Փառատոնը բոլորիս և՛ հանրության, և՛ տարբեր երկրներից Ծաղկաձոր եկած մնջախաղացների հետ հաղորդակցվելու համար հիանալի հարթակ է ստեղծում: Ծնվում են նոր գաղափարներ, նոր մտքեր, ստեղծագործելու նոր լիցքեր: Փառատոնի ընթացքում հարստացնում ենք մեր գիտելիքները»,- նշեց «Պարֆյումեր» բեմադրության երիտասարդ ու խոստումնալից ռեժիսոր Մարի Սարգսյանը:

Հարավային Աֆրիկայից ժամանած Ջոն Ջեյքոբսը մանրապատումների ծրագրով հանդես եկավ:

«Company Eat lt» խմբի բեմադրությունը պատմում էր  վաղ 90-ականներին՝ Արցախյան պատերազմի տարիներին, Հայաստանում ապրող  կնոջ առօրյա կյանքի մասին, որը պետք է ծննդաբերի և գոյատևի դժվարին ժամանակներում:

Գերմանիա-Արցախ միջազգային նախագիծը ներկայացրեց «Դոն Կիխոտը» հետաքրքրաշարժ բեմադրությունը, որը պատմում է Դոն Կիխոտի մասին, ով երազելով քայլելիս հանդիպում է հողեղեն Սանչոյին: Նրանք շատ տարբեր են, բայց ընկերանում են ինչպես լույսն ու խավարը, ինչպես սևն ու սպիտակը:

Նախագծի անդամ Գենադի Առուշանյանն ասաց, որ ինքը սովորել է Արցախի մնջախաղի ստուդիայում, որտեղ պարբերաբար դասեր է տվել Յուրի Կոստանյանը: «Հետագայում ցանկություն հայտնեցի սովորել Ժիրայր Դադասյանի մոտ, ընդգրկվեցի նրա խումբ, սակայն չէի կորցնում կապն Արցախի հետ: Նա գտավ, որ ես բավականին ճկուն եմ ու կարող եմ հաջողությունների հասնել այս ոլորտում: Երբ Արթուրը Գերմանիայից եկավ Հայաստան, Դադասյանը նրան ուղարկեց մեզ մոտ: Արթուրը 3 ամիս Արցախի խուլերի հետ աշխատեց»,-ասաց Գենադին:

Նա շեշտեց, որ ներկայումս ինքը և Արթուրն են Արցախ-Գերմանիա նախագծում: «Արթուրն ասաց, որ երազում է Դոն Կիխոտ ներկայացում բեմադրել, և մենք մանրակրկիտ աշխատեցինք դրա վրա: Արդյունքում ինտերակտիվ համար ստացանք: Մեր Դույլսինեան դույլ է. փարձել ենք նար հումորով ներկայացնել Սերվանտեսի հայտնի գործը»,-ընդգծեց նա:

Մնջախաղի միջազգային փառատոնն առաջին անգամ անցկացվել է  2008  թվականին Ծաղկաձորում:  Այն կազմակերպում են ՀՀ մշակույթի նախարարությունը, Երևանի մնջախաղի պետական թատրոնը և Ծաղկաձորի քաղաքապետարանը: 2016 թվականից  փառատոնը դարձել է ամենամյա:  Փառատոնի ինֆորմացիոն հովանավորն է «Արմենպրես» լրատվական գործակալությունը:

website by Sargssyan